பீர் பானம்-சுவையான செய்திகள்

தற்போது ஆண்கள் ஏகபோக உரிமை கொண்டாடி வரும் பீர் பானம் ஒரு காலத்தில் பெரும்பாலும் பெண்களால் தயாரிக்கப்பட்டது என்றால் நம்ப முடியுமா? நம்பித்தான் ஆகவேண்டும், ஏனென்றால் ஜேன் பேடன் (Jane Peyton) என்ற மது சுவைப்பாளரின் (Wine, Beer Taster) School of booze என்ற வலைப்பதிவில் நிறைய சுவாரசியமான விஷயங்கள் உள்ளன:

பீர் பானம் பல ஆயிரம் ஆண்டுகளாக பருகப்பட்டு வருகிறது என்பதற்கு சரித்திர பூர்வமான ஆதாரங்கள் ஏற்கனவே உள்ளன. புதிதாக, ஜேன் மேலும் சில உண்மைகளை குறிப்பிடுகிறார்.

கிட்டத்தட்ட 9000 ஆண்டுகளுக்கு (7000 BC) முன்னரே பெண்கள் அரிசி, பழம், தேன் போன்ற பொருட்கள் மூலம் தயாரித்த பீர் போன்ற ஒரு பானத்தை சாப்பாட்டு வேளையில் பரிமாறியதாக குறிப்பிடுகிறார். அப்போதெல்லாம் பீர் சாப்பாட்டின் ஒரு அங்கமாக விளங்கியதாக சொல்லும் ஜேன், மெதுவாக ஆண்களின் விருப்பதால் உரு மாறி பொழுதுபோக்கு பானமாக (social drink ) மாறிவிட்டதாக கூறுகிறார்.

விஞ்ஞான ரீதியில் சொன்னால், பார்லி, அரிசி போன்ற தானியங்களில் (cereal) இருக்கும் என்சைம்கள் (enzymes) அதில் உள்ள ஸ்டார்ச்சை (starch) சக்கரையாக மாற்றும்போது, காற்றில் உள்ள ஈஸ்டுகள் (wild yeast in air) மெதுவாக அதை ஒரு ஆல்கஹால் பானமாக மாற்றி விடுகின்றன. இதை மிகவும் தற்செயலாக கண்டுபிடித்த மனிதன் (ஆணோ/பெண்ணோ) அதன் சுவையில் மயங்கிப் போனதின் பின்னணியே பீர் உருவாகக் காரணமானது.

நம்மூரில் முனியாண்டி, கருப்பசாமி போன்ற காவல் தெய்வங்களுக்கு சாராயம் படைத்து, கிடா வெட்டி பூசை செய்வது போல பல ஆயிரம் வருடங்களுக்கு முன்னரே தெய்வங்களுக்கு பீர் படைத்து மரியாதை செய்த பழக்கம் அப்போதைய சுமர் (தற்போது இராக்) நாட்டில் இருந்ததாக சரித்திரம் சொல்லுகிறது. குறிப்பாக, சுமேரியன் சமூகத்தில் நின்கசி (Ninkasi) என்ற பெண் தெய்வத்திற்கு இது போல பூசைகள் நடந்ததாக குறிப்புகள் உள்ளன.

பீரில் உள்ள பல்வேறு நுண்ணுயிர்கள் (microbes) பல தீங்கு செய்யும் பாக்டீரியாகளை அழிக்கின்றன, அதோடு அதில் ஏராளமான சத்துக்களும் (nutrition) இருப்பதாக சமீபத்திய ஆராய்ச்சிகள் தெரிவிக்கின்றன. ஆனால், எந்தவிதமான விஞ்ஞான பின்புலமும் (background) இல்லாமல் பல ஆயிரம் ஆண்டுகளுக்கு முன்னரே இதையெல்லாம் தெரிந்து கொண்டு நம் முன்னோர்கள் பீர் பானத்தை பருகி வந்திருக்கின்றனர் என்பது குறிப்பிடத்தக்கது.

சுமேரியாவைத் தவிர முன்காலத்தில் பாபிலோன், எகிப்து ஆகிய நாடுகளில் பருகிவந்த பானங்கள் கிட்டத்தட்ட பீர் பானத்தை ஒட்டியே இருந்தாக சான்றுகள் உள்ளன; குறிப்பாக, எகிப்தின் தேசிய பானம் (national drink) கிட்டத்தட்ட பீர் போலவே இருந்தாகக் கருதப்படுகிறது.

கி.பி.எட்டு மற்றும் 10ம் நூற் றாண்டுகளுக்கு இடையில், ஐரோப்பாவில் ஊடுருவிய கடற் கொள்ளைக்காரர்களால், பெண்கள் தயாரிப்பில் உருவான 'ஏல்' என்ற 'பீர்' அறிமுகப்படுத்தப்பட்டது.பின்லாந்தில் முற்காலத்தில் மூன்று பெண்கள் சேர்ந்து, தேன் மற்றும் சில பொருட்கள் சேர்த்து 'பீர்' தயாரிப்பர். பிரிட்டனில், 'பீர்', ஒவ்வொரு குடும்பத்திலும் தயாரிக்கப்பட்டது.அதைத் தயாரித்த பெண் கள், மது வடிப்பவர்கள் அல்லது 'ஏல்' மனைவிகள் (Ale Wives) என்று அழைக்கப் பட்டனர். மேலும் 'பீர்' தயாரிப்பதன் மூலம் குடும்பத்தில் வருமானம் ஈட்டப்பட்டது. பிற்காலத்தில் அது உணவுக் கட்டுப்பாடு பட்டியலில் சேர்ந்து, சுவைக்காக பணக்காரர்கள் மட்டும் அருந்தும் பானமாகக் குறுகிப்போனது.முதலாம் ராணி எலிசபெத், பீரை தினமும் தன் காலை உணவாக அருந்தியவர். அது மட்டுமல்லாமல், நாளின் பிற நேரங்களிலும் மிக விரும்பி அருந்துவார்.கி.பி. 18ம் நூற்றாண்டில், ஐரோப்பாவில் தொழிற் புரட்சி ஏற்பட்ட பின், 'பீர்' தயாரிப்பில் புதிய முறைகள் கண்டறியப்பட்டன. அதன் தயாரிப்பில் பெண்கள் பங்கேற்பதும், படிப்படியாகக் குறைய ஆரம் பித்தது.பெண்களால் தயாரிக்கப்பட்டதுதான் 'பீர்' என்பது ஆண்களுக்கு அதிர்ச்சியாக இருக்கும் தான். ஆனால், பீரைத் தயாரித்ததற்காகப் பெண்களுக்கு அவர்கள் நன்றி சொல்வர்

இந்தப் பழக்கம், பின் மெதுவாக ஜெர்மனி மற்றும் இங்கிலாந்தை அடைந்த பின் அதன் அடையாளமே மெதுவாக மாறி, இன்றைய பீர் பானத்தின் முன்னோடிகள் உருவாகின என்று ஜேன் சொல்லுகிறார். மேலும் விவரங்களுக்கு

http://www.school-of-booze.com/booze-news/booze-blog/75-putting-the-female-into-ale

என்ற வலைப் பதிவை சொடுக்குங்கள்.

சரித்திரம் வாழ்க, பீர் வாழ்க, நாம் எல்லோரும் வாழ்க.

இனிய தமிழ் புத்தாண்டு வாழ்த்துக்கள்.