மும்பை கலவரம்

ராஜ் தாக்ரே ஒரு LKG அரசியல்வாதி. இவர் தேவையில்லாமல் ஒரு கூட்டத்தில் பேசும்போது அமிதாப் பச்சனை வம்புக்கு இழுத்திருக்கிறார். என்னதான் மும்பையிலேயே இவ்வளவு வருடம் இருந்துகொண்டு கோடி கோடியாய் சம்பாதித்தாலும் அமிதாப் மும்பைக்கு எதுவும் செய்யவில்லை என்றும், முழுக்க முழுக்க உ.பி மாநிலத்துக்குதான் எல்லாம் செய்கிறார் என்றும் குற்றம் சாட்டினார். பதிலுக்கு அமிதாப் எதுவும் சொல்லாத நிலையில் அவருடைய மனைவி ஜெயா பச்சன் "எங்களுக்கு பால் மற்றும் உதவ் தாக்ரே ஆகியோரைத்தான் தெரியும், இது யார் ராஜ் தாக்ரே?" என்று எரியும் நெருப்பில் எண்ணெய் ஊற்றிவிட்டார்.

உடனே, ராஜ் தாக்ரேயின் குண்டர்கள் மும்பை எங்கும் கலவரம் செய்து கண்ணில் பட்ட மற்ற மாநிலத்தவர்களை உதைத்து, கடைகளை நொறுக்கி, தீவைத்து ஏக கலாட்ட செய்தார்கள்.

இதில் கொடுமை என்னவென்றால் எல்லா செய்தி ஊடகங்களும் (channels) போட்டி போட்டுக்கொண்டு மும்பையில் பிற மாநிலத்தவர் இருக்கலாமா, வேண்டாமா? என்று கேனத்தனமாக sms contests நடத்தி கல்லா கட்டின. இதைவிட ஒரு கடைந்தெடுத்த அயோக்யத்தனம், முட்டாள்தனம் இருக்க முடியாது. மும்பை என்ன பாகிஸ்தானா?

இதில் ஒரு ராஜ் தாக்ரேயின் ஆதரவாளர் NDTV யில் கூறினார்: "வெளி மாநிலங்களில் இருக்கும் மகாராஷ்ட்ரியர்களுக்கு அவரவரைக் காத்துக்கொள்ள முடியும். ரஜினி எங்கள் மாநிலத்தவர், ஆனால் பாருங்கள் தமிழ் நாட்டில் போய் தமிழ் கற்றுக் கொண்டுதான் பெரிய சூப்பர் ஸ்டார் ஆகியிருக்கிறார், ஆனால் இங்கிருக்கும் எந்த தமிழனும் மராத்தி கற்றுக் கொள்வதில்லை" என்ன ஒரு ஆழ்ந்த சிந்தனை!

கடவுளே, இந்த அரசியல்வாதி (வியாதி)களிடமிருந்து எங்களைக் காப்பாற்று!