மனதை அள்ளும் அழகுடன் அதிரப்பள்ளி அருவி, கேரளா

சமீபத்து விடுமுறையில் குடும்பத்துடன் சாலக்குடி (கேரளா) சென்ற போது    அங்குள்ள ஆயுர் சௌக்கியம் ரிஸார்ட்டில் தங்கினேன். ரிஸார்ட்  மிக அருமையான இடத்தில் இருக்கிறது. ரிஸார்ட்டை ஒட்டி சாலக்குடி ஆறு கரைபுரண்டு ஓடுகிறது. இரண்டு நாட்களும் ஒரே குளியல்மயமாக, ஜாலியாக  கழிந்தது. ரிஸார்ட் சாப்பாடு ரொம்பவே சுமார் என்றாலும் மற்ற வசதிகள் நன்றாக இருக்கின்றன. ஒரே குறை, சுற்றிலும் தப்பித் தவறி கூட செல்ல கடைகளோ, உணவகமோ, ஏன் ஒரு டீக்கடை கூட இல்லை. ஏர்டெல் சிக்னல் நன்றாக கிடைக்கிறது. சுற்றுலா செல்ல சாலக்குடி ஒரு அருமையான இடம்.