பேறும், புகழும் பெற வேணுமா? முதலில் அதற்கு நீங்கள் சாக வேணும்!

என்ன கொடுமை சார், இது? என்று கேட்பவர்களுக்கு பதில் இன்று வந்த Times Online (http://www.timesonline.co.uk/tol/news/uk/article3241490.ece) இணைய தளத்தில் (website) இருக்கிறது.

இங்கிலாந்தில் தீடீரென ஏழு பெண்கள் தொடர்ந்து தற்கொலை செய்து கொண்டிருக்கிறார்கள். காவல் துறை புலனாய்வு செய்யும் போது ஒரு அதிர்ச்சியான, பைத்தியகாரத்தனமான, விஷயம் வெளிவந்துள்ளது. உயிரோடு இருக்கும்போது யாருக்குமே தெரியாமல் இருக்கும் சிலர் இறந்தவுடன் மிகப் பிரபலமாக (posthumous celebrity) ஆகிவிடுவதாக ஒரு இணைய தளம் செய்தி வெளியிட்டு இந்த விபரீத விளையாட்டை ஆரம்பித்திருக்கிறது.

South Wales சைச் சேர்ந்த நடாஷா ராண்டல் என்ற 17 வயதுப் பெண் தற்கொலை செய்துகொண்டு இறந்தவுடன் அவளுடைய நண்பர்கள் அவள் நினைவாக ஒரு memorial website ஒன்றை ஆரம்பித்து அதில் அவளுடைய புகைப்படங்களையும், நினைவுகளையும் பதிந்து அவளை மிகவும் புகழ்ந்து செய்திகளை வெளியிட, மிக குறுகிய நேரத்தில் 3000 க்கும் அதிகமானோர் அந்த இணைய தளத்தை பர்வையிட்டுள்ளார்கள். இந்த செய்தியை வேறு ஒரு இணைய தளம் வெளியிட்டு, ஆகா, புகழ் பெற மிக இது ஒரு எளிய வழி என்று ஒரு புரளியை வெளியிட, அதுவே அந்த 7 பெண்கள் தற்கொலை செய்துகொள்ளத் தூண்டுகோலாகிவிட்டதாக காவல் துறை சந்தேக்கிறது.

இறந்த அந்த 7 பேருமே நடாஷாவுக்கு தெரிந்தவர்கள் என்பதும், அவர்கள் எல்லோருமே ஒரே ஊரைச் சேர்ந்தவர்கள் என்பதும் காவல் துறையின் சந்தேகத்தை மேலும் வலுப்படுத்தியிருக்கிறது.

ஹையோ, ஹையோ! கடவுளே காப்பாத்து!