எங்கேயும், எப்போதும்!

மனம் நிறைந்த, இதயம் கனிந்த புத்தாண்டு வாழ்த்துக்கள்!!

2012-01-01T21:07:00.001+05:30

இந்த ஆண்டில் அமைதி நிலவ, நலம் சிறக்க, வாழ்க்கைத் தரம் உயர,

கனவுகள் மெய்ப்பட

எல்லாம் வல்ல இறைவன் அருள்புரிய வேண்டுகிறேன்!!

புத்தாண்டு வாழ்த்துக்கள்

பீர் விற்பனை ஜோரோஜோர்

2011-12-06T08:25:00.000+05:30

உலகில் அதிக அளவில் விற்பனையாகும் "ஸ்னோ"பீர் -ஒரு சீனா தயாரிப்பு

உலகம் முழுவதும் உள்ள மக்களால், தண்ணீர், டீ ஆகியவற்றுக்கு அடுத்தபடியாக, அதிகமாக விரும்பி குடிக்கப்படும் பானம் எது தெரியுமா? சந்தேகமே வேண்டாம்... பீர் தான். அதுவும், மேற்கத்திய நாடுகளில், பீர் குடிப்பது சர்வ சாதாரணம்.

ஜெர்மனி, பிரிட்டன், பெல்ஜியம், அமெரிக்கா போன்ற நாடுகளில், ஒவ்வொரு ஆண்டும் பீருக்காக, திருவிழாக்களே நடத்தப்படும் நடைமுறை உண்டு என்றால் பார்த்துக் கொள்ளுங்கள்.அமெரிக்கா, பிரிட்டன், ஜெர்மனி, ஜப்பான் போன்ற வளர்ச்சி அடைந்த நாடுகளில் தான், பீர் அதிகமாக விற்பனையாகி வந்தது. ஆனால், சமீபகாலமாக இந்தியா, சீனா போன்ற வளரும் நாடுகளில், பீர் விற்பனை திடீரென அதிகரித்துள்ளது. வளர்ச்சி அடைந்த நாடுகளில், பீர் விற்பனை சரிவை சந்தித்துள்ளதாக, சமீபத்தில் வெளியான ஒரு ஆய்வில் ஆச்சரியமான தகவல் தெரிவிக்கப்பட்டுள்ளது.

அமெரிக்காவில், கடந்த ஐந்தாண்டுகளில் மட்டும், பீர் விற்பனை, 72 சதவீதம் வரை, சரிவை சந்தித்துள்ளது. பீர் குடிப்பதால், உடல் எடை அதிகரித்து விடுகிறது என, அமெரிக்க மக்களிடையே கருத்து எழுந்துள்ளது தான், இந்த சரிவுக்கு காரணம்.

ஜப்பானிலும் பீர் விற்பனை, கணிசமாக குறைந்துள்ளது. பத்து ஆண்டுகளுக்கு முன், எந்த அளவுக்கு விற்பனையானதோ, அந்த அளவுக்கு தான், தற்போதும் விற்பனையாகிறது. சமீபத்தில் ஏற்பட்ட நிலநடுக்கம், ஜப்பானின் ஏற்றுமதியை அடியோடு பாதிப்பை ஏற்படுத்தி விட்டதாலும், வயதான மக்கள், பீர் குடிக்கும் பழக்கத்தை கைவிட்டதாலும் தான், இந்த பாதிப்பு ஏற்பட்டுள்ளது.

பிரிட்டனில், கடந்த, 2008ல் பீருக்கு அதிக வரி விதிக்கப்பட்டதில் இருந்தே, அதன் விற்பனை தள்ளாடத் துவங்கி விட்டது. பீரின் விலை, அளவுக்கு அதிகமாக <உயர்ந்து விட்டதால், இதை குடிப்பதற்கு பதிலாக, வெறும் தண்ணீரை குடித்து விடலாம் என கருதிய பிரிட்டன் மக்கள், பீருக்கு டாடா கூறி விட்டனர். இதனால், சமீபகாலமாக, பிரிட்டனில் ஏராளமான பார்களுக்கு மூடு விழா நடத்தி விட்டனர்.

ஐரோப்பிய நாடுகளில் விற்பனையாகும் மொத்த பீர்களில், 20 சதவீதம், ஜெர்மனியில் தான் விற்பனையாகிறது. அங்கு பீர் விற்பனை குறையவில்லை என்றாலும், அதன் விற்பனை, எதிர்பார்த்த அளவுக்கு இல்லை என, ஜெர்மனியில் உள்ள பீர் தயாரிப்பு நிறுவனங்கள், புலம்பத் துவங்கி விட்டன.

வளர்ந்து வரும் நாடுகளில், நிலைமை தலைகீழாக உள்ளது. இந்தியாவில், கடந்தாண்டில் மட்டும் பீர் விற்பனை, 14 சதவீதம் அதிகரித்துள்ளது. கடந்தாண்டில், 170 கோடி லிட்டர் பீர் விற்பனையாகியுள்ளதாக, ஆய்வு தெரிவிக்கிறது. கடந்த, 2004ம் ஆண்டின் விற்பனையை ஒப்பிடுகையில், தற்போது, 70 சதவீதம் விற்பனை அதிகரித்துள்ளது. தகவல் தொழில்நுட்ப துறையில் ஏற்பட்டுள்ள அபார வளர்ச்சி மற்றும் பீர் குடிப்பதில் இளைஞர்கள் அதிக ஆர்வம் காட்டுவது ஆகியவை தான், இந்த கிடுகிடு வளர்ச்சிக்கு காரணமாக கூறப்படுகிறது.

பீர் விற்பனையில் உலகின் முன்னணி நாடாக உருவெடுத்துள்ளது சீனா. கடந்த சில ஆண்டுகளாக, பீர் விற்பனை, இங்கு சக்கை போடு போடுகிறது. கடந்த, 2004ல், 28 ஆயிரத்து, 640 கிலோ லிட்டராக இருந்த பீர் விற்பனை, 2009ல், 42 ஆயிரத்து, 194 கிலோ லிட்டராக அதிகரித்துள்ளதால், மேற்கத்திய நாடுகளே, இதைப் பார்த்து அசந்து போய் இருக்கின்றன.

நன்றி: தினமலர்

பீர் குடிப்பது தவறு என நினைக்கும் மக்களுக்காகவே சீனா ஒரு புதிய வகை பீரை அறிமுகப்படுத்தியுள்ளது. முழுக்க, முழுக்க அரிசியில் இருந்து தயாரிக்கப்பட்ட இந்த பீரின் பெயர் "சிங்-டோ" (Tsingtao ). தற்போது மும்பை, பூனா, டெல்லி ஆகிய நகரங்களில் கிடைக்கிறது. இந்தியாவில் இதற்கு இருக்கும் வரவேற்பு மகிழ்ச்சியைத் தருகிறது என்கிறது இதைத் தயாரிக்கும் சிங்-டோ ப்ருவரி நிறுவனம்.

"அப்புசாமி - சீதா பாட்டி இசைக் கூடல்' ஓர் வித்தியாசமான இசைவிழா

2011-10-26T06:44:00.000+05:30

சென்னையில் வாழும் ரசிகர்களின் ரசனையும், ருசியும் அலாதியானது. நல்ல சாப்பாடு, சங்கீதம், எழுத்து, நாடகம், நாட்டியம், ஓவியம் எல்லாவற்றையுமே அவரவர்களின் தேடலுக்கு ஏற்ப அணு அணுவாக ரசிக்கும் ரசனை உடையவர்களில் முதலிடம், சென்னைவாசிகளுக்கே உண்டு.

ரசனை - ரசிக்கும் தன்மை மக்களிடையே நல்ல உறவை வளர்க்கும். பரஸ்பர அன்புடன் நல்ல சமுதாயத்தையும் உருவாக்க முடியும்.

"அப்புசாமி - சீதா பாட்டி' இசைக் கூடல் அமைப்பும், ரசனையை வளர்க்கும் நல்லதொரு விஷயத்திற்காக தன்னை அர்ப்பணித்துக் கொண்டுள்ள அமைப்பாகும் .

இந்த இசைக் கூடலில், சிறந்த சமூக சேவகியான டாக்டர் ஷ்யாமா, பத்திரிகையாளர் காந்தலட்சுமி சந்திரமவுலி, தேஜோமயி கல்வி மையங்களின் தலைவர் உமாயோகேஸ்வரன் இவர்களுடன், பிரபல நகைச்சுவை எழுத்தாளர் பாக்கியம் ராமசாமி ஆகியோர் இணைந்து நடத்தி வருகின்றனர். அக்கறை என்னும் அமைப்பையும் இவர்கள் நடத்தி வருவதும் குறிப்பிடத்தக்கது.

"அப்புசாமி - சீதா பாட்டி' நகைச்சுவை பாத்திரத்தை உலவவிட்டு நிலை நிறுத்தியவர் எழுத்தாளர் ஜ.ரா.சுந்தரேசன் ஆவார். அவர் இதை நடத்தும் குழுவில் முக்கியமானவர்.

மகாத்மா காந்தி பிறந்த நாளன்று, மயிலை கற்பகாம்பாள் நகரில் கோகலே சாஸ்திரி இன்ஸ்டிடியூட் கலையரங்கத்தில் அப்புசாமி - சீதா பாட்டி இசைக் கூடலின் இசை நிகழ்ச்சி நடந்தது. மகாத்மா காந்தியுடன் மறைந்த பிரபல சங்கீத விதூஷி சங்கீத கலாநிதி டி.கே.பட்டம்மாளுக்கும் இசையஞ்சலி செலுத்தும் விதமாக, அவருடைய மாணவி பெங்களூரைச் சேர்ந்த ஜெயந்தி ரங்கராஜனின் இசை நிகழ்ச்சி நடைபெற்றது.

இதில், டி.கே.பி.,யின் புகழ்பெற்ற பாடல்களான குருவருளும் (ஆபோகி) (கவுரிசங்கர் ஸ்தபதி) ஸ்ரீமன் நாராயணா (பவுளி) (அன்னமய்யா) சுஜன ஜீவன (கமாஸ், ரூபகம், தியாகராஜர்) குறிப்பாக ரங்கநாயகம் (நாயகி) (ஆதி) (ஸ்ரீதீட்சிதர்) சுருக்கமாக தோடி ராகம் ஜீவனை தந்து தொடர்ந்து சுப்ரமண்யோம் (ஸ்ரீதீட்சிதர் - ஆதி) பட்டம்மாள் புகழ் சுதானந்த பாரதியின் எப்படிப் பாடினரோ (பீம்ப்ளாஸ்) (ஆதி) எனத் தொடர்ந்தது.

காந்திக்கு மிகவும் பிரியமான வைஷ்ணவ ஜனதோ (பஜன்) நிறைவாக வாழிய செந்தமிழ் பாடலுடன், குருவை நினைவுபடுத்தும் கச்சித சங்கதிகளுடனும் பட்டு கத்தரித்த நயத்துடனும், சம்பிரதாய சுத்தமாகவும் இசையை வழங்கினார்.

அமரர் டி.கே.பி.,யின் மறக்க முடியாத இசை வாரிசு இவர் என்பதையும், காந்திக்கு இதுவே இந்த இசைக் கூடலின் ஒப்பற்ற அஞ்சலியென்றும் கூற வைத்தது.பக்கவாத்தியத்தில், வயலினில் இளம் கலைஞர் சுதா ஆர்.எஸ்.அய்யர் (வயலின்) சுருதி சுத்தம் மதுரமாகவும் இருந்தது. குரு ராகவேந்திராவின் நயமான லயமும், கூடுதல் மெருகை தந்து ரசிகர்களை மகிழ்வித்தது.

இப்படிப்பட்ட ரசனை பரிமாற்றங்களை செய்யும் இந்த அப்புசாமி - சீதா பாட்டி இசைக் கூடல், மாறுபட்ட அமைப்பாக உள்ளது குறிப்பிடத்தக்கது .

நன்றி: தினமலர்

தீபாவளி நல்வாழ்த்துக்கள்

2011-10-26T06:32:00.000+05:30

தீப ஒளி திருநாளாம் தீபாவளி இன்று முதல் அறியாமை இருள் அகலட்டும், ஊழல் அரக்கன் மடியட்டும், வாழ்வில் எல்லா நலன்களும் மேலோங்கட்டும்.

Three Coffees A Day Keep The Strokes Away, Say Scientists

2011-09-20T09:24:00.000+05:30

If you can’t make it through the day without your daily caffeine hit, here’s some good news for you – drinking two to four cups of coffee a day could significantly reduce your risk of a stroke.

The study, led by scientists at the Karolinska Institute in Stockholm, Sweden, delved into the already divided debate among health experts on whether coffee can have health benefits.

The comprehensive research, which involved half a million people studied from the mid 1960s to 2011, discovered that people who drank two cups of coffee a day, reduced their risk of a stroke by 14%. Furthermore, big coffee drinkers, who downed up to four cups a day, were 17% less likely to suffer from a stroke or blood clots.

It’s believed that the antioxidants found in coffee act as a powerful preventative towards the build-up of lipoprotein in the brain, or in non-science speak, ‘bad cholesterol’, which can cause blood clots.

Interestingly, the good antioxidants are only found in coffee (even decaffeinated coffee) and aren’t present in other caffeinated drinks such as tea.

But before you put the kettle on, the researchers from the study warned that overdoing the coffee guzzling with six cups a day (or more) can bring stroke reduction rates down to 7%, so it’s advised to drink in moderation.

The study also warned that the coffee debate hasn’t been completely concluded and that excessive coffee drinking can risk the chances of high blood pressure. “Coffee is a complex mixture of substances that may have both beneficial and harmful effects,” a scientist from the study has said.

Thanks to: AOL Healthy Living

Please also refer to my previous blog on coffee:

http://engeyumeppothum.blogspot.com/2008/04/drink-coffee-to-keep-alzheimer-cancer.html

ரஜினியின் பாட்டுக்கு ஆட்டம் போடும் Mr.Bean

2011-09-18T09:47:00.000+05:30

ஹ்ம்ம்.. ரஜினியின் சிவாஜி படப் பாட்டுக்கு கெட்ட ஆட்டம் போடும் Mr. Bean!!

நன்றி: mohanbn.com

பாயிண்ட் பிரேக் (Point Break) -"அமெரிக்க முன்னாள் ஜனாதிபதிகள் அடிக்கும் வங்கிக் கொள்ளைகள்" - ஆங்கிலப் பட விமர்சனம்

2011-09-18T08:47:00.001+05:30

ஜானி (கினு ரீவ்ஸ்) ஒரு இளம் FBI அதிகாரி. அவன் வேலை பார்க்கும் லாஸ் ஏஞ்சலிஸ் (லாஸ் ஏஞ்சல்ஸ் என்பது தவறு) நகரில் அடிக்கடி பிரபல வங்கிகளில் கொள்ளை நடக்கிறது. அமெரிக்க முன்னாள் ஜனாதிபதிகளின் உருவமுள்ள முகமூடிகளை அணிந்த ஒரு நால்வர் குழு இந்தக் கொள்ளைகளை மிக வேகமாகவும், புத்திசாலித்தனமாகவும் நடத்திவிட்டு தப்பிச் செல்கிறது. ஜானியின் மேலதிகாரியான ஏஞ்சலோ பாப்பாஸ் (கேரி புசி) இந்தக் கூட்டத்தைப் பிடிக்க வழி தெரியாமல் தவிக்கிறார். பல நாட்களாக நடக்கும் இந்தக் கொள்ளைகளின் பல வீடியோக்களை ஆராய்ந்து அவர்கள் தேர்ந்த wind surfer களாக (தண்ணீருக்கு மேல் பலகையின் மூலம் சறுக்கி விளையாடுவது) இருக்க வாய்ப்பிருக்கிறது என்று ஜானியிடம் சொல்கிறார்.

எப்போதுமே இது போன்ற தீர விளையாட்டுகளில் (adventue sports) ஆர்வமுள்ள ஜானி இது போன்ற குழுக்களை ஆராய்ந்து ஒரு குறிப்பிட்ட குழுவில் சேர ஆர்வம் காட்டுகிறான். வங்கிகளைக் கொள்ளை அடிக்கும் நால்வர் குழுவின் எல்லாவிதமான குணாதிசயங்களும் உள்ள அதே போன்ற நான்கு பேர் கொண்ட ஒரு குழுவில் தன்னை ஒரு தேர்ந்த surfer ஆக்க அவர்கள் உதவ வேண்டுமென கேட்டுக் கொள்கிறான். அந்தக் குழுவின் தலைவனான போதி (பேட்ரிக் ஸ்வேஸி) இதற்கு ஒப்புக் கொள்கிறான். குழுவில் சேர்ந்து surfing கற்றுக் கொள்ள ஆரம்பிக்கும் ஜானிக்கு அந்த விளையாட்டு மிகவும் பிடித்துப் போகிறது. போதியின் நண்பியான டைலருக்கும் (லோரி பெட்டி) ஜானிக்கும் காதல் உண்டாகிறது. போதி குழுவில் இருந்து கொண்டு அவ்வப்போது தன்னுடைய மேலதிகாரியான ஏஞ்சலோ பாப்பாஸுக்கு செய்தி அனுப்பிகிறான் ஜானி. லாஸ் ஏஞ்சலஸ் நகரில் இதுவரை கொள்ளை அடிக்கப் படாத வங்கிகளின் அருகே கண்காணிப்பு பணியில் பாப்பாஸ் மற்றும் ஜானி இருவரும் ஈடுபடுகின்றனர்.

விரைவிலேயே அவர்கள் இருவரும் ஒரு கொள்ளை நடப்பதைக் கண்கூடாகப் பார்த்துவிட்டு போதியின் குழுவை விரட்டுகின்றனர். போதி தப்பி ஓடும் போது அவனை விரட்டும் ஜானி காலில் அடிபட்டு கீழே விழுந்து விடுகிறான். கூட்டத்தில் ஒருவனை சுடும் வாய்ப்பு இருந்தும் சுடாமல் தயங்குகிறான். பாப்பாஸ் இதைக் கண்டு கொதித்துப் போகிறார். ஜானி வேண்டுமென்றே சுடாமல் இருந்ததாக பழி சொல்கிறார். ஜானியின் நண்பி டைலருக்கு அவன் FBI ஐச் சேர்ந்தவன் என்று தெரிய வருகிறது. போதியின் குழுவிலும் ஜானியின் சுயரூபம் தெரிந்து விட, போதி டைலரைக் கடத்துகிறான். அவளை விடுவிக்க வேண்டுமென்றால், ஜானி தங்களுடன் சேர்ந்து ஒரு வங்கிக் கொள்ளையில் ஈடுபட வேண்டுமென சொல்கிறான். ஜானி வேறு வழியில்லாமல் ஒப்புக் கொள்கிறான்.

ஜானியைத் தவிர மற்ற அனைவரும் அமெரிக்க முன்னாள் ஜனாதிபதிகளின் முகமூடிகளை மாட்டிக் கொண்டு கொள்ளையில் ஈடுபடும்போது எதிர்பாராவிதமாக அந்த வங்கியில் இருக்கும் ஒரு காவல் அதிகாரி சுட ஆரம்பிக்க பெரிய களேபரம் நடக்கிறது. போதியின் நண்பன் க்ரோமெட் இதில் இறக்கிறான். மற்றவர்கள் தப்பிவிட, ஜானி மட்டும் போலீசிடம் மாட்டிக் கொள்கிறான். சரியான நேரத்தில் அங்கு வரும் பாப்பாஸ் ஜானியை விடுவித்து போதியின் கூட்டத்தை விரட்ட ஆரம்பிக்கிறார். ஒரு விமானம் மூலம் இதுவரை கொள்ளை அடித்த பணத்தை எடுத்துக் கொண்டு போதி தப்பிக்க முயலும்போது பாப்பாஸும், ஜானியும் வந்துவிட அவர்களுக்குள் சண்டை நடக்கிறது. இதில் பாப்பாஸ் இறந்துவிட, ஜானியை விமானத்தில் ஏற்றிக் கொண்டு பறக்கிறான் போதி.

நடுவானத்தில் ஜானியை விமானத்தில் விட்டுவிட்டு பாராச்சூட் மூலம் போதியும், நண்பர்களும் குதிக்க, ஆத்திரம் தலைக்கேறும் ஜானி பாராச்சூட் எதுவும் இல்லாமல் குதித்துவிடுகிறான். ஆகாயத்தில் அவர்கள் மிதப்பதையும், ஒருவரை ஒருவர் விரட்டுவதையும் 1991 ம் ஆண்டிலேயே மிகச் சிறப்பாக எது special effect எது நிஜம் எனக் கண்டுபிடிக்க முடியாத வகையில் படமாக்கியுள்ளனர். கடைசியில் ஜானி போதியை எப்படி பிடிக்கிறான், பிறகு என்ன நடக்கிறது என்பது படத்தின் சுவாரசியமான க்ளைமாக்ஸ்.

1991 இல் இந்தப் படம் வந்தபோது கினு ரீவ்ஸ் பெரிய நடிகராகவில்லை. பேட்ரிக் ஸ்வேஸி மட்டுமே இந்தப் படத்தில் நடித்த போது பிரபலமானவர் (இவர் சில ஆண்டுகளுக்கு முன் இறந்துவிட்டார்). Wind Surfer களின் பரபரப்பான வாழ்க்கையையும், அதில் உள்ள த்ரில் அம்சங்களையும், அட்டகாசமான கடல் அலைகளையும் மிகச் சிறப்பாக ஒளிப்பதிவு செய்திருப்பார் படத்தின் ஒளிப்பதிவாளர் டொனால்ட் பீட்டர் மேன்.

அவதார்,டைட்டானிக் போன்ற பல உலக ஹிட்டுகளை இயக்கிய ஜேம்ஸ் கேமரோனின் (James Cameron) முன்னாள் மனைவி கேத்ரின் பிக்லோ (Kathryn Bigelow) இந்தப் படத்தின் இயக்குனர்.இவர்தான் சென்ற வருடத்தின் சிறந்த படம் என்று பல விருகளை அள்ளிய ஹர்ட் லாக்கரை (Hurt Locker) இயக்கியவர். மிகப் பெரிய வெற்றி பெற்ற இந்தப் படத்தில் நடித்ததன் விளைவாக இன்று வரை surfing மீது மிகுந்த ஆர்வம் உள்ளவராக இருக்கிறார் கினு ரீவ்ஸ்.

படத்தின் ட்ரைலர் இதோ:

அரக்கோணம் ரயில் விபத்து: அரசு விழித்துக் கொள்ளுமா?

2011-09-14T22:16:00.000+05:30

இன்னுமொரு ரயில் விபத்து. இதுவரை 13 பேர் அநியாயமாக உயிரிழந்துள்ளனர். காரணம் எப்போதும் போல இன்னும் அறியப்படவில்லை. அரக்கோணம் அரசு மருத்துவமனையில் போதிய மருத்துவ வசதிகள் இல்லை. கடந்த முதல்வரோ, இன்றைய முதல்வரோ போட்டி போட்டுக் கொண்டு இலவச தொலைக் காட்சி பெட்டி, இலவச கிரைண்டர், மிக்சி என்று நம் வரிப் பணத்தை பாழடிப்பதை விட்டுவிட்டு இதுபோன்ற வசதிகளை பெருக்குவதற்கு ஏன் முயற்சிப்பதில்லை? இந்த ஞானோதயம் இவர்களுக்கு வர இன்னும் எத்தனை உயிர்களை பலி கொடுக்கப் போகிறோமோ தெரியவில்லை.

உலக சினிமா இதுவரை கண்டிராத அதிரடி சண்டைக் காட்சி!

2011-09-13T08:44:00.002+05:30

ஆஹா, வந்துட்டார்யா, வந்துட்டாரு!

இனி , விஜய் , சூர்யா, அஜித் எல்லாம் காலி .

எனக்கு ஒரு பெரிய ஆசை ; மக்கள் நாயகன் ராமராஜனும் டி.ராஜேந்தரும் ஒன்னு சேந்து ஒரு படத்துல நடிக்கணும் . அப்புறம் , தமிழ்நாட்டுக்கு சுனாமி எல்லாம் வேண்டாம் , தன்னால அழிவு வந்துடும் .

ஹைய்யோ, ஹைய்யோ ...செம காமெடி!

Contagion - ஆங்கிலப் பட விமர்சனம்

2011-09-12T21:02:00.000+05:30

கண்டேஜியன் (Contagion ) என்றால் தொற்றுநோய் (Contagious disease ) பரப்பக் கூடிய தொற்றுகிருமி.

ஆங்கிலத்தில் டிஸாஸ்டர் (disaster ) வகைப் படங்கள் நிறைய உண்டு. பேரழிவைக் காட்டக் கூடிய படங்களைத் தயாரிப்பது ஹாலிவுட் ஆட்களுக்கு லட்டு சாப்பிடுவது மாதிரி. கதை கொஞ்சம் சுமாராக இருந்தால் கூட CG/ அனிமேஷன் மூலம் மிரட்டி விடுவார்கள். சமீபத்தில் வந்து வெற்றி பெற்ற 2012 ஒரு சிறந்த உதாரணம்.

உலகையே கிடுகிடுக்க வைக்கும் பயங்கரமான நோய்களை வைத்து இதற்கு முன் நிறைய படங்கள் வந்திருக்கின்றன. கண்டேஜியன் படத்தின் சிறப்பம்சம் அதன் மிகச் சிறந்த நடிகர்கள் பட்டாளம்; Matt Damon, Lawrence Fishburne, Jude Law, Kate Winslet, Gwyneth Paltrow என்று அட்டகாசமான நட்சத்திர வரிசை, அதன் இயக்குனர் Steven Soderbergh (Oceans 11, 12 & 13, Erin Brokovich, Traffic, Che), அட்டகாசமான ஒளிப்பதிவு, மிரட்டும் இசை, மின்னல் வேகத்தில் நகரும் திரைக்கதை என்று நிறைய சொல்லலாம்.

படத்தில் Matt Damon மனைவியாக வரும் Gwyneth Paltrow ஹாங்காங் சென்று வருகிறார். சாதாரண தும்மல், இருமல் என ஆரம்பித்து வீட்டுக்கு வந்தவுடன் வலிப்பு வந்து விழுகிறார். மருத்துவமனையில் சேர்த்து சிகிச்சை பலன் இன்றி இறக்கிறார். மனைவியை மருத்துவமனையில் இழந்த துக்கத்துடன் வீட்டுக்கு வந்தால், Matt Damon மகனும் காலி. மருத்துவர்கள் Matt Damon ஐ தனி சிகிச்சை (Isolation) பிரிவில் வைத்து கண்காணிக்கிறார்கள். அவருக்கு நோயின் அறிகுறிகள் (symptoms) எதுவும் இருப்பதில்லை.

அமெரிக்காவின் அட்லாண்டிஸில் உள்ள CDC (Centre for Disease Control) எனப்படும் அமெரிக்க அரசின் நோய் தடுப்பு மையத்தில் மருத்துவராக பணியாற்றும் Lawrence Fishburne உலகெங்கும் 32 உயிர்கள் அதற்குள் போய்விட்டன என்று தெரிந்து கொண்டு, இது ஒரு பயங்கரத்தின் ஆரம்பம் என உணர்கிறார். தன்னுடன் மருத்துவராக பணியாற்றும் Kate Winslet ஐ முதல் உயிர் (Gwyneth Paltrow) பிரிந்த மின்னியாபோலிஸ் நகருக்கு அனுப்புகிறார். ஒருவேளை இந்த தொற்றுநோய்க் கிருமி ஏதாவது தீவிரவாதிகளின் வேலையாக இருக்குமோ என மருத்துவர்கள் சந்தேகப்படுகின்றனர

கைவசம் இருக்கும் மருந்துகள் பயனளிக்காத நிலையில், நோயின் தீவிரத்தைத் தடுக்க விமான நிலையங்கள் மூடப்படுகின்றன. மக்களை பயப்பட வேண்டாம் என தொலைக் காட்சி மூலம் கேட்டுக் கொள்ளலாம் என Lawrence Fishburne நினைக்கும்போது, ஒரு அடாவடி வலைப்பதிவராக வரும் Jude Law, தன்னுடைய வலைப் பதிவில் அந்த தொற்றுநோய்க்கு மருந்து இருப்பதாக ஒரு புரளியை கிளப்புகிறார். அந்த மருந்தைப் பெற ஒரு பெரிய கூட்டமே முயல்கிறது. கட்டுக்கடங்காத கலவரம் வெடிக்கிறது. உலகெங்கும் தொற்று நோய் வெகுவேகமாகப் பரவுகிறது. ஊர்கள் வெறிச்சோடி கிடக்கின்றன. உலகெங்கும் கோடிக்கணக்கானவர்கள் அந்த பயங்கர தொற்றுநோய் மூலம் இறக்கிறார்கள்.

இதற்கிடையில், நோயின் ஆரம்பத்தைக் கண்டறிய முயலும் KatenWinslet அந்த நோய்க்கு பலி ஆகிறார். விஞ்ஞானிகளின் அயராத முயற்சியால் தொற்றுக்கு மருந்து கண்டுபிடிக்கிறார்கள்.

நோயின் ஆரம்ப இடமான ஹாங்காங் செல்லும் மருத்துவர் (Marion Cotillard) கடத்தப்படுகிறார்...நிறையவே கதையைச் சொல்லிவிட்டேன். சுவாரசியம் குறையாமல் தட, தடவென செல்லும் இந்தப் படத்தை கண்டிப்பாக பாருங்கள். விஞ்ஞான, மருத்துவ விஷயங்கள், அரசு இயந்திரத்தின் கட்டுப்பாடுகள், அரசியல்வாதிகளின் மெத்தனம், என்று எல்லா விஷயங்களிலும் உண்மைக்கு மிக, மிக அருகிலேயே பயணக்கிறது படம்.

இது போன்ற லாஜிக் மீறாத ஒரு டிசாஸ்டர் படத்தைப் பார்த்து நிறைய நாளாகிவிட்டது. இந்தப் படத்தின் ட்ரைலர் பார்க்க கீழே இருக்கும் link ஐ சொடுக்கவும்.

http://www.imdb.com/video/imdb/vi3924270105/

ஆங்கிலப் பட விமர்சனம் - Winter's Bone - வாழ்க்கையே போர்க்களம்; வாழ்ந்துதான் பார்க்கணும்

2011-09-11T08:36:00.003+05:30

நீ பார்ப்பதற்கும் கேட்பதற்கும் இடையே நீ தெரிந்து கொள்ளக் கூடாத உண்மைகள் இருக்கின்றன

அமெரிக்காவின் ஓசார்க் (Ozark Region) மிசௌரி மற்றும் ஆர்கன்சாஸ் இடையே உள்ள ஒரு இடம். அதிகம் இயற்கை வளமோ, ஒரு நகரத்திற்குரிய முன்னேற்றம் எதுவும் இல்லாத ஒரு (கிட்டத்தட்ட) வறண்ட பூமி. கதாநாயகி ரீ டாலி (Jennifer Lawrence) தந்தை போதை மருந்து அடிமை. அடிக்கடி போதை மருந்து தயாரிப்பில் ஈடுபட்டு சிறைக்கு செல்லும் அவனால் குடும்பம் தனித்து விடப்பபடுகிறது. ரீயின் தாய் மனநிலை சரியில்லாத நிலையில், தாயையும், இரண்டு உடன் பிறப்புகளையும் பார்த்துக் கொள்ளும் பொறுப்பு 17 வயதான ரீயின் தலையில் விழுகிறது.

உதவிக்கென யாருமே இல்லாத நிலையில் குடும்பத்தைக் காப்பாற்றும் முயற்சியில் மிகவும் கஷ்டப்படுகிறாள் ரீ. திடீரென ஒரு நாள் வீடு தேடிவரும் காவல் அதிகாரி ரீயின் தந்தை ஜாமீனில் வெளிவரும் பொருட்டு, அதற்கு பிணயமாக அவர்கள் வசிக்கும் வீட்டை எழுதிக் கொடுத்துவிட்டதாகவும், அடுத்த வாரத்தில் வழக்கு நடக்கும் நீதி மன்றத்துக்கு வரவில்லை என்றால் அவர்களின் வீடு பறிமுதல் செய்யப் படும் என மிரட்டுகிறார்.

ரீ அவளுடைய தந்தையைத் தேடிக் கண்டுபிடிப்பதாக உறுதி அளிக்கிறாள். ஏற்கனவே, வசதி இல்லாமல் அவர்களுடைய குதிரையை பக்கத்துக்கு வீட்டுக்கு விற்கும் அளவுக்கு வறுமை ரீயை வாட்டுகிறது. இந்நிலையில், தந்தை வராத பட்சத்தில் இருக்கும் ஒரே வீடும் பறிபோய் விடுமோ என்ற கவலையில் ரீ அவளுடைய ஊரில் இருக்கும் எல்லோரிடமும் உதவி கேட்கிறாள். யாரும் முன்வருவதோடு இல்லாமல், இதெல்லாம் ரீக்கு தேவை இல்லாத விஷயம் என்று சொல்லி வெறுப்பேற்றுகிறார்கள்.

ரீயின் தந்தையுடன் பிறந்த டியர் டிராப் (Tear Drop) என வினோதப் பெயர் கொண்ட அவளுடைய பெரியப்பன் கூட அவளுக்கு உதவ முன்வராத நிலையில், அந்த ஊரில் கிட்டத்தட்டஒரு தாதா மாதிரி இருக்கும் தம்ப் மில்டன் (Thump Milton) ரீ இவ்வாறு அவள் தந்தையைத் தேடி அலைவது பிடிக்காமல் அவனுடைய மனைவி மற்றும் இரு பெண்களைக் கொண்டு ரீயை காயப்படுத்தி துன்புறுத்துகிறான். அச்சமயம், அங்கு வரும் ரீயின் பெரியப்பன் டியர் டிராப் அவளைக் காப்பாற்றி அழைத்து செல்கிறான்.

வீட்டைக் காப்பாற்ற வேறு வழி தெரியாமல் ராணுவத்தில் சேர முயல்கிறாள் ரீ. ராணுவத்தில் சேர்ந்தால் $40000 கிடைக்கும் என்ற நம்பிக்கையில் செல்லும் அவளிடம், வேலைக்கு ஆள் எடுக்கும் ராணுவ அதிகாரி அந்தப் பணம் உடனே கிடைக்காது என்றும், மேலும் 18 வயதிற்கு முன் ராணுவத்தில் பெற்றோர் அனுமதி தேவை என்றும் சொல்லுவதால் திரும்பிவிடுகிறாள். அவளுடைய தம்பியை தத்து எடுத்துக் கொள்ள ஒத்துக்குக் கொள்ளும் அவளுடைய பக்கத்துக்கு வீட்டு பெண், ரீயின் தங்கையை (6 வயது) தத்து எடுத்துக் கொள்ள மறுக்கிறாள்.

ரீ படும்பாட்டைக் கண்டு மனம் மாறும் அவளுடைய பெரியப்பன் டியர் டிராப், அவளுடைய முயற்சிக்கு உதவ முன்வருகிறான். ரீயின் தந்தை லோகல் தாதா தம்ப் மில்டன் செய்யும் சட்டத்துக்கு புறம்பான செயல்களை காவல்துறைக்கு காட்டிக் கொடுக்க முயன்றான் என்றும், இதனால் கோபமடையும் மில்டன் அவனைக் கொன்று இருக்கலாம் என்றும் சொல்கிறான். அவனைத் தேடும் வேலையை விட்டுவிடும்படி ரீயை வற்புறுத்துகிறான்.

தொடர்ந்து முயன்றும் தன்னுடைய தந்தையைப் பற்றி எந்தவிதமான தகவலும் கிடைக்காத நிலையில் காவல் அதிகாரியிடம் தன்னுடைய தந்தை இறந்து விட்டதாக ரீ கூறுகிறாள். அதற்கு ஏதாவது சாட்சி கொண்டுவந்தால் வழக்கை முடித்து வீட்டு அடமானப் பத்திரத்தை திருப்பிக் கொடுத்துவிடுவதாக அந்த அதிகாரி சொல்கிறார்.

இந்நிலையில், ரீயை அடித்துத் துன்புறுத்திய மில்டனின் மனைவி இன்னொரு பெண்ணுடன் ரீயின் வீட்டுக்கு வருகிறாள். துப்பாக்கியுடன் அவர்களை விரட்ட முயற்சிக்கும் ரீயிடம் அவளுடைய தந்தை இறந்ததற்கான ஆதாரத்தை தன்னால் தரமுடியும் என்று சொல்லி தன்னுடன் வருமாறு சொல்கிறாள். ரீயின் கண்களைக் கட்டி அவர்கள் இருவரும் காரில் அவளை அழைத்து செல்கிறார்கள்.

ஊருக்கு வெளியே இருக்கும் ஒரு ஏரிக்கு அழைத்து செல்லப்படும் ரீ, அந்த பெண்கள் சொன்னதன் பேரில் ஏரியில் தன் தந்தையின் உடலைத் தேடுகிறாள். சடலம் ஒன்று கையில் தட்டுப்பட மனம் உடைந்து அழுகிறாள். தந்தையின் மரணத்துக்கு சாட்சியாக அவருடைய வலது கையை (மணிக்கட்டுக்கு மேல்) அறுத்து எடுக்கிறாள். கூட வரும் மில்டனின் மனைவி ஒரு கை மட்டும் போதாது என்று இன்னொரு கையையும் அறுத்து எடுக்கிறாள். காவல் அதிகாரியை சந்தித்து தந்தையின் கைகளைக் கொடுக்கிறாள் ரீ. இது எப்படி அவளுக்கு கிடைத்தது என கேள்வி எழுப்புகிறார் அவர். யாரோ ஒரு மூட்டையில் வைத்து தன் வீட்டு வாசலில் வீசிவிட்டு சென்றதாக சொல்கிறாள் ரீ.

படம் முடியும் போது, ரீ அவள் வீட்டு வாசலில் தன் தம்பி, தங்கையோடு அமர்ந்திருக்கிறாள். அடையாளம் தெரியாத யாரோ பணம் தந்ததாக சொல்லி அவளிடம் நிறைய பணம் தருகிறார் காவல் அதிகாரி. படம் ஆரம்பம் முதல் சீரியஸாக இருக்கும் ரீ முகத்தில் சிரிப்பை பார்க்க முடிகிறது.

இந்தப் படத்தில் யாரும் பெரிய நடிகர்கள் இல்லை. இந்தப் படத்திற்கு பிறகுதான் ரீயாக நடித்த Jennifer Lawrence க்கு X -Men : First Class படத்தில் நடிக்க வாய்ப்பு கிடைத்தது. அதில் நினைத்தபடி உருவம் மாறும் மிஸ்டிக் (Mystique) ஆக நடித்திருக்கிறார் இவர்.

இது மற்ற ஹாலிவுட் படம் போல பளபள கார்களும், ஜொலிக்கும் கட்டிடங்களும், கண்ணைக் கவரும் இயற்கை காட்சிகளும் இந்தப் படத்தில் கிடையாது. இருந்தாலும், எந்தவிதமான செயற்கையான காட்சி அமைப்புகளோ, லாஜிக் அத்துமீறல்களோ இல்லாமல் மிக இயற்கையான காட்சிகளுடன், தேர்ந்த நடிப்புடன் மிக அருமையாக இருக்கிறது இந்தப் படம். 2010 ம் வந்த படம் இது. நிறைய விருதுகளை வாங்கி இருந்தாலும் இன்னும் இந்தியாவில் திரைக்கு வராத படம் இது. DVD கிடைக்கிறது. வாங்கிப் பாருங்கள்.

படத்தின் ட்ரைலர் இதோ:

சூப்பர் ஸ்டார் ரஜினி-மீண்டு(ம்) வருக-உங்களுடைய கோடானு கோடி ரசிகர் சார்பில் வேண்டுகோள்

2011-09-10T08:32:00.000+05:30

சிங்கப்பூரில் மருத்துவ சிகிச்சை முடிந்து நாடு திரும்பிய சூப்பர் ஸ்டார் ரஜினியை கவிஞர் வைரமுத்து சமீபத்தில் நேரில் சந்தித்துப் பேசியிருக்கிறார்.

ரஜினியுடனான தனது சந்திப்பு குறித்து வைரமுத்து குமுதம் பத்திரிகைக்கு எழுதியுள்ள சிறப்புக் கட்டுரையில் சில பகுதிகள்:

120 நாட்களுக்குப் பிறகு ரஜினியைச் சந்திக்கப் போகிறேன். பரவசம் போலொரு துயரம்; துயரம் போலொரு பரவசம் நெஞ்சில் பரவி நிற்கிறது.

வாழ்வின் விளிம்புவரை சென்று மீண்ட புகழ்மிக்கதொரு பெருங்கலைஞனை இன்னும் சற்று நேரத்தில் சந்திக்கவிருக்கிறேன்.

எத்தனை வதந்திகள்! எத்தனை தொலைபேசி அழைப்புகள்!

‘வீரன் ஒரு முறை சாகிறான்; கோழை பலமுறை சாகிறான்’ என்ற பழமொழி உண்டு. அதில் சேர்த்துக்கொள்ளப்பட வேண்டிய மூன்றாம் வரி ஒன்றுண்டு: ‘புகழ்மிக்கவன் அடிக்கடி கொல்லப்படுகிறான்.’

பொய்களில் பிறந்த கற்பனைகளையெல்லாம் பொடிப் பொடியாக்கிவிட்டு நிஜத்தைப் போல நிமிர்ந்து வெளிவந்துவிட்டார் ரஜினி.

மருத்துவத்தின் அறிவும் மனிதர்களின் அன்பும் அவரை இன்று மீட்டெடுத்துக் கொண்டு வந்து காட்டிவிட்டன கண்களில்.

நோயின் பிடியிலிருந்து விடுபட்டு விட்டாலும் அது பிடித்த பிடியின் தடம் ஆங்காங்கே பதிந்திருக்கிறது உடம்பில். ஆனால், மேகம் விலகிய இடுக்கில் சூரியன் சுடர்வி டுவது மாதிரி ஜொலிக்கின்றன அவர் கண்கள்.

அவர் புன்னகையை மறைக்காத இளந்தாடி முளைத்திருக்கிறது முகத்தில். பிள்ளை பெற்ற பெண்ணை அடிவயிற்றுச் சுருக்கங்கள் அடையாளம் காட்டுவதுபோல் சின் னதாய்ச் சாட்சி சொல்கிறது வடிந்தும் வடியாத வீக்கம்.

வெள்ளைப் பட்டையிட்ட கறுப்பு நீளக்கால்சட்டையும் வெள்ளை முழுக்கைச் சட்டையும் அணிந்திருந்தார்.

பழைய ரஜினியில் தொண்ணூறு விழுக்காடு பார்த்தேன். ஆனால் சொல்லில் அதே அழுத்தம். அசைவுகளில் அதே வேகம். உரையாடலில் அதே உற்சாகம். சிரிப்பில் அதே தெறிப்பு.

‘‘ராணா படத்தின் கதை விவாதத்தில் இந்த வாரம் கலந்து கொண்டீர்களாமே? ரவிகுமார் சொன்னார்.’’

‘‘ஆமா: சில மாறுதல்களோடு படப்பிடிப்பைத் தொடங்கவேண்டியிருக்கிறது.’’

‘‘சில மாதங்கள் கழிந்தாலும் பரவாயில்லை. முழு பலம் பெற்று உங்கள் உடலே உங்களுக்குக் கட்டளையிடும்போது களத்துக்கு வாருங்கள். நீங்கள் தொடாத உயரமில்லை; அடையாத வெற்றியில்லை; சேர்க்காத செல்வமில்லை. இனி உடல்நலம்தான் முக்கியம்.’’

வாய்விட்டுச் சிரித்தார் ரஜினி. பழைய சிரிப்பு; பளிச்சென்ற சிரிப்பு; தங்கச் சில்லறை அள்ளிப் பளிங்குத் தரையில் எறிவது மாதிரி கலகலவென்ற சிரிப்பு.

‘‘அது எப்படி பாலசந்தர் சாரும் சோ சாரும் நீங்களும் கூடிப் பேசியதைப் போல் ஒரே கருத்தைச் சொல்கிறீர்கள்?’’

‘‘அன்புக்கு வாய்கள்தான் வேறு வேறு; வார்த்தைகள் ஒன்று.’’

‘‘ஒவ்வொரு தீமையிலும் ஒரு நன்மை நேரும்; இந்த நோயினால் நீங்கள் அடைந்த நன்மையென்ன?’’

‘‘மனைவி மக்களின் அன்பை அனுபவித்தேன். ரசிகர்கள் என் மீது வைத்திருக்கும் பேரன்பின் பெருக்கத்தை அறிந்துகொண்டேன். இதுவரைக்கும் வாழ்ந்த வாழ்வை மறுபரிசீலனை செய்கிறேன்.’’

மது - புகை இரண்டிலிருந்தும் அவர் முற்றிலுமாக விடுபட்டுவிட்டார். ரசிகக் கண்மணிகளே! மதுவையும் புகையையும் தொடாதவர்கள் தொடாதீர்கள்; தொட்டவர்கள் விட் டுவிடுங்கள்.

அரசியல் நோக்கித் திரும்பியது பேச்சு.

இந்நாள் முதலமைச்சர், அவரிடம் பாசத்தோடு பேசிய பரிவைப் பகிர்ந்துகொண்டார். அந்த உரையாடல் பத்திரிகையில் மறுநாள் பதிவான பிறகு முன்னாள் முதலமைச்சரோடு ரஜினி பேசியிருக்கிறார். பத்திரிகையில் வந்த உரையாடலைக் கண்டுகொள்ளாமல் கண்ணியம் காத்து அன்பு காட்டிய கலைஞரின் நாகரிகத்தைப் புகழ்ந்து சொன்னார்.

90 நிமிடங்களுக்கு மேல் பேசியிருப்போம். விடைகொண்ட போது படியிறங்கி என்னோடு பயணித்து கார்க் கதவு வரை வந்து கைகூப்பினார்.
மீண்டும் அவர் முகம் பார்த்தேன்.

‘‘இளமை இனிமேல் போகாது
முதுமை எனக்கு வாராது’’

- என்ற வரிகள் என் நெஞ்சில் வந்து போயின. நிமிர்ந்து நின்ற ரஜினியிடம் பழைய கம்பீரம் பார்த்தேன்.

‘‘விதியை நினைப்பவன் ஏமாளி - அதை
வென்று முடிப்பவன் அறிவாளி’’

ரஜினி அறிவாளி!"

-இவ்வாறு அந்தக் கட்டுரையில் வைரமுத்து தெரிவித்துள்ளார்.

நன்றி: குமுதம் வார இதழ்

என்னைப் பொறுத்தவரை ரஜினி என்ற சூப்பர் ஸ்டார் நடித்த படங்களை நான் அதிகமாக பார்த்ததில்லை. அவருடைய ஸ்டைல் நடிப்பைப் பற்றி பல்வேறுவிதமான மாற்றுக் கருத்துக்கள் எனக்கு இருக்கலாம்.

ஆனால், ரஜினி என்ற அந்த பண்பட்ட மனிதரை மிகவும் பிடிக்கும். வைரமுத்து சொல்லுவது போல அவர் தொடாத உயரம் இல்லை; ஆனால் அவருக்குள் எந்தவிதமான அகங்காரமோ, கர்வமோ, பந்தாவோ எதுவுமே இல்லாத, வாழ்கையில் நடிக்கத் தெரியாத ஒரு நல்ல மனிதர். விரைந்து வாருங்கள் ரஜினி, உங்களுடைய ரசிகர்கள் காத்திருக்கிறார்கள்.

காஜல் அகர்வால் -முதலில் டாப்லெஸ் போஸ், பிறகு ஐயோ, அம்மா

2011-09-07T18:50:00.000+05:30

பொதுவாகவே நம்மூர் (கோலிவுட்) நடிகைகள் ரொம்ம்ம்ப... நல்லவர்கள் (வடிவேலு சொல்லுவதைப் போல சொல்லி பார்க்கவும்). ஆறாவது படித்துவிட்டு விஸ்காம் படிக்கலாம் என நினைத்தேன் அதற்குள் நல்ல வாய்ப்பு வந்து நடிகையாகிட்டேன் என்பார்கள், காதலித்துக் கொண்டே இது வெறும் நட்புதான் என்பார்கள், கல்யாணம் ஆனா பிறகும் தான் தனிக்கட்டை(!) தான் என்று சாதிப்பார்கள்.

இவர்கள் எல்லோரையும் காஜல் அகர்வால் ஊதித் தள்ளிவிட்டார். பின்னே, அருமையாக டாப்லெஸ் போஸ் கொடுத்துவிட்டு, அந்த படம் இன்டர்நெட்டின் இவ்வளவு தூரம் பிரபலம் ஆகும் என்று தெரியாமல் இருந்துவிட்டு, இப்போது அய்யோ, அது நான் இல்லை வெறும் morphing என்று இவர் எவ்வளவு கத்தினாலும் அது graphics வேலை எதுவும் இல்லை அசல்தான் என்று நன்றாக, அப்பட்டமாகத் தெரிகிறது.

ஹ்ம்ம்ம்...நீங்களே பார்த்து முடிவு செய்து கொள்ளுங்கள். (ஆடையுடன் இருக்கும் மற்ற படங்கள் ச்சும்மா போனஸ்!! என்சாய்.

வேற்று கிரக வாசிகளின் வருகையும், நம் உலகத்தின் அழிவும்?

2011-09-04T08:58:00.003+05:30

அழிந்து விடுவோமா?

வேற்று கிரக வாசிகளின் வருகை பற்றி ஏராளமாக சலிக்க, சலிக்க புத்தகங்களும், ஹாலிவுட் திரைப் படங்களும் வந்தவண்ணம் உள்ளன. இதில் அமெரிக்காவின் கார்நெல் பல்கலைக் கழகத்தைச் சார்ந்த சில ஆராய்ச்சியாளர்கள் சமீபத்தில் ஒரு சுவாரசியமான ஆராய்ச்சியின் முடிவை வெளியிட்டுள்ளனர். இதில்

வேற்று கிரக வாசிகள் (ETI எனப்படும் Extra Terrestrial Intelligence) இந்த பரந்த அண்டத்தில் எங்காவது இருக்கிறார்களா?, அல்லது
நாம் மட்டும்தான் இருக்கிறோமா?,
அவ்வாறு அவர்கள் இருக்கும் பட்சத்தில் ஏன் இதுவரை நம்மைத் தொடர்பு கொள்ள முயற்சிக்கவில்லை?,
நாம் கிட்டத்தட்ட 50 வருடங்களாக முயன்றும் ஏன் நம்மால் எந்தவிதமான தொடர்பும் (Contact) ஏற்படுத்த முடியவில்லை?
அவர்கள் நம்மைவிட அதி புத்திசாலிகளாக இருப்பதால் நம்முடன் தொடர்பு வைத்துக் கொள்ளவில்லையா அல்லது நம்மைப் போலவே அவர்களும் இந்த பிரமாண்டமான பிரபஞ்சத்தில் நம்மைத் தேடுகிறார்களா?
நம்முடைய தேவை நாளுக்குநாள் வளர்ந்துவரும் நேரத்தில், நம்முடைய அகோரப் பசிக்கு உலகம் அழியும் முன் காப்பதற்கு அவர்கள் முயற்சிப்பார்களா?

ஒரு வேளை அவ்வாறு அவர்கள் இவ்வுலகிற்கு வந்தால் என்னென்ன நடக்கலாம் என்று இந்த விஞ்ஞானிகள் மூன்று விதமான அனுமானங்களை வெளியிட்டுள்ளனர்.

(பெரிதாக பார்க்க படத்தின் மேல் க்ளிக் செய்யவும்)

(Beneficial): நன்மை

நம்முடன் ஒற்றுமையாக இருக்கும் பட்சத்தில் அவர்கள் நம்மிடம் விஞ்ஞானம் மற்றும் கணிதத்தின் நன்மைகளை பற்றி விவாதிக்கலாம்.
நம்முடைய உலகத்தை பேரழிவிலிருந்து காப்பாற்ற நமக்கு வழி காட்டலாம்.
நம்முலகில் இருக்கும் பல்வேறு பிரச்சினைகளுக்கு தீர்வு சொல்லலாம்.
ஒருவேளை, நம்முடன் சுமுகமாக இல்லாத பட்சத்தில் நாம் அவர்களை வெல்ல முயற்சிக்கலாம்.

(Neutral): நடுநிலை

அவர்கள் ஒருவேளை வேண்டுமென்றே நம்முன் வராமல் ஒளிந்து கொண்டிருக்கலாம்.
நம்முடன் தொடர்பு கொள்ள முடியாமல் வெகுதொலைவிலோ, அல்லது நம் அறிவுக்கெட்டாத வேறு புதிய வடிவில், உருவத்தில், பரிமாணத்தில் இருக்கலாம், அல்லது
நம்முடன் தொடர்பு கொள்ள ஆர்வம் காட்டாமல் இருக்கலாம்.
இப்படி அவர்கள் இருக்கும் பட்சத்தில் நமக்கு எந்தவிதமான உபயோகமும் இல்லாமல் இருக்கலாம் அல்லது நமக்கு சிறிய அளவில் தொந்தரவு கூட கொடுக்கலாம்.

(Harmful): தீமை

சுயநலத்துடன் இவ்வுலகை ஆக்கிரமிக்கலாம்.
நம்மை சாப்பிட்டுவிடலாம்
நம்மை அடிமைப்படுத்திவிடலாம்
நம்மை அழித்துவிடலாம்.
இந்தப் பரந்து விரிந்த பிரபஞ்சத்தில் அவர்களைத் தவிர வேறு யாரும் இருக்கக்கூடாது, அவர்களே முழு பிரபஞ்சத்தையும் ஆளவேண்டும் என்ற தீவிர நோக்கில் பலவிதமான முறைகளில் நம்மை ஒழிக்க திட்டமிடலாம்.

இப்படி பலவிதமான சுவாரசியங்களுடன் விரிகிறது இந்த ஆராய்ச்சி கட்டுரை. முழு கட்டுரைக்கு இங்குள்ள இணைப்பை சொடுக்கலாம்:

http://arxiv.org/abs/1104.4462

ஹ்ம்ம்ம்....காலம்தான் பதில் சொல்ல வேண்டும்!

ஊழலை எதிர்ப்போம்

2011-08-21T09:03:00.000+05:30

அன்னா ஹசாரேவின் ஊழல் எதிர்ப்பு போரைப் பற்றி செய்தித்தாள்களும், தொலைக் காட்சி சானல்களும் வரிந்து கட்டிக் கொண்டு எழுதிவரும் இந்த நேரத்தில் சில தேவையில்லாத சம்பவங்களும் நடக்கின்றன.

ஊழலின் மொத்த உருவமான சில அரசியல்வாதிகளும், மக்களுக்கு இதுவரை எந்தவித நன்மையையும் செய்திராத சில அரசியல் கட்சிகளும் இதில் குளிர் காய்ந்து ஆதாயம் காண முனைந்துள்ளன.

பொது மக்களின் வரலாறு காணாத ஆதரவு அன்னா ஹசாரேவின் போராட்டத்துக்கு கிடைத்துள்ளதைக் கண்டு, என்ன நடந்தாலும் மக்களுக்கு நல்லது நடக்கக் கூடாது என்ற முனைப்பில் இருக்கும் நம் மத்திய அரசு, விதவிதமாக இந்த அறப் போராட்டத்துக்கு இடையூறு செய்து வருகிறது.

இன்று அன்னாவுக்கு ஆதரவாக சேர்ந்து வரும் கூட்டம், நம்முடைய அரசியல் கட்சிகள் கூட்டுவதுபோல குவாட்டருக்கும், கோழி பிரியாணிக்கும் சேரும் கூட்டம் அல்ல. நாடெங்கிலும் சாதி, மதம், தொழில், கல்வி என்று எந்தவிதமான வேறுபாடும் பார்க்காமல், ஊழலையும், அரசியல்வாதிகளையும் கண்டு சலித்துப்போன சாமானியர்களின் கூட்டம்.

இதில் லேட்டஸ்ட், இந்தப் போராட்டம் மேல் சாதியினரால் ஆரம்பிக்கப்பட்டுள்ளதால் இதில் தலித் மக்கள் பங்கேற்க மாட்டார்கள் என்று ஒரு செய்தியை (வதந்தியை) பரப்ப முயன்று வருகிறது நம்முடைய முட்டாள் மத்திய அரசு.

ஊழல் என்பது ஒரு நாடு தழுவிய நோய், இதிலிருந்து நாம் மீள வேண்டுமென்றால் இது போன்ற செய்திகளை ஒதுக்கித் தள்ள வேண்டும். முக்கியமாக நம்மால் தனிப்பட்ட முறையில் யாருக்கும் லஞ்சம் என்ற பேரில் எந்தவிதமான கைமாறும் இருக்கக்கூடாது.

"நான் அன்னா" ஒவ்வொரு இந்தியனும் நினைக்க வேண்டும். ஊழல் எதிர்ப்பு என்பது நாம் ஒவ்வொருவரும் செய்யவேண்டிய ஒன்று.

பத்மநாப சுவாமி கோவில் பாதாள அறைகளில் ரூ.400 கோடி மதிப்பிலான தங்க, வைர நகைகள்!

2011-07-01T07:56:00.000+05:30

திருவனந்தபுரம்:

பத்மநாப சுவாமி கோவிலில், பூமிக்கடியில் அமைக்கப்பட்டுள்ள ஆறு அறைகளில், மூன்று அறைகளை திறந்து கணக்கெடுத்ததில், 400 கோடி ரூபாய் மதிப்பிலான தங்க, வைர, மரகத, வெள்ளி நகைகளும், மதிப்பு மிக்க கலைப் பொருட்களும் இருப்பது தெரியவந்தது.

கேரளா, திருவனந்தபுரத்தில் பிரசித்தி பெற்ற பத்மநாப சுவாமி கோவில் உள்ளது. நூற்றாண்டு பழமை வாய்ந்த இக்கோவிலில், பூமிக்கடியில் ஆறு அறைகள் உள்ளன. இவற்றில், இரு அறைகளில் ஒன்றில் நித்ய பூஜைக்கான பொருட்களும், மற்றொன்றில் கோவில் உற்சவத்திற்கு பயன்படும் பொருட்களும் பாதுகாப்பாக வைக்கப்பட்டுள்ளன. நித்ய பூஜைக்கான பொருட்கள் வைக்கப்பட்டுள்ள அறை, தினமும் திறக்கப்படும். உற்சவ பொருட்கள் வைக்கப்பட்டுள்ள அறை, ஆண்டுக்கு ஐந்து முறை மட்டுமே திறக்கப்படும். மீதமுள்ள நான்கு அறைகள், பல ஆண்டுகளாக திறக்கப்படவில்லை. அந்த அறைகளில் விலை மதிப்பற்ற பொருட்களும், புதையலும், தங்கக் கட்டிகளும் இருக்கலாம் என, பக்தர்களிடையே பேச்சு நிலவியது.

அதனால், ஆறு அறைகளிலும் உள்ள அரிய வகை பொருட்கள் குறித்தும், விலை மதிப்பற்ற நகைகள் குறித்து கணக்கெடுக்கவும், அவற்றை ஆய்வு செய்து தரம், மதிப்பு, எடை போன்றவற்றை மதிப்பிடவும், கேரள ஐகோர்ட்டின் இரண்டு முன்னாள் நீதிபதிகள் உட்பட ஏழு பேர் அடங்கிய குழுவை, சுப்ரீம் கோர்ட் நியமித்தது. இக்குழுவினர், இரு தினங்களாக கோவிலில் மூன்று அறைகளை திறந்து ஆய்வு செய்தனர்.

ஆய்வின் போது, 400 தங்க மாலைகள் உட்பட பல்வேறு தங்கம், மரகதம், வைர, வெள்ளி பொருட்கள் இருப்பது கண்டுபிடிக்கப்பட்டு, அவை கணக்கிடப்பட்டுள்ளன. நேற்று முன்தினம் கணக்கெடுத்தவை மட்டும் 400 கோடி ரூபாய்க்கு மேல் மதிப்புள்ள பொருட்கள் என கூறப்படுகிறது. இதுவரை மூன்று அறைகளில் உள்ள பொருட்கள் மட்டுமே கணக்கெடுக்கப்பட்டுள்ளன. மீதமுள்ள மூன்று அறைகளில் உள்ள பொருட்களையும் கணக்கெடுக்க வேண்டும். அவற்றில் உள்ள பொருட்களையும் கணக்கெடுத்தால், மதிப்பு மேலும் அதிகரிக்கும் என, எதிர்பார்க்கப்படுகிறது.

நன்றி: தினமலர் இணைய தளம்

அண்ணா சாலையில் போக்குவரத்தை நிறுத்திய போக்குவரத்து போலீசாரின் அராஜகம்

2011-06-29T07:38:00.000+05:30

செய்தி: சென்னையில் போக்குவரத்து விதிமுறைகளை மீறுபவர்களுக்கு வழங்கப்படும்,"இ-சலான்' மற்றும்"போர்ட்டபிள் சோலார் சிக்னல்' திட்டத்தை, முதல்வர் ஜெயலலிதா நேற்று துவக்கி வைத்தார்.

சென்னை நகரில் போக்குவரத்து விதிகளை மீறுவோரையும், திருட்டு வாகனங்களை எளிதில் கண்டுபிடிக்கும் விதமாகவும்,"இ-சலான்' எனும் மின்னணு ரசீது வழங்கும் திட்டத்தை, போக்குவரத்து போலீஸ் அறிமுகப்படுத்தியது. போக்குவரத்து சிக்னல் பழுதான இடங்கள், அதிக வாகன போக்குவரத்து இருந்தும் சிக்னல் பொருத்த முடியாத இடங்கள், வி.ஐ.பி.,க்கள் போக்குவரத்தின் போது பயன்படுத்தத்தக்க வகையில், எளிதில் எடுத்துச் செல்லும் வகையில் வடிவமைக்கப்பட்ட," போர்ட்டபிள் சோலார் சிக்னல்' அமைப்பும் நேற்று அறிமுகப்படுத்தப்பட்டது. இவை இரண்டையும், சென்னை அண்ணா சாலை போலீஸ் நிலைய வளாகத்தில் நடந்த விழாவில், முதல்வர் ஜெயலலிதா துவக்கி வைத்தார்.

நேற்று இதனால் ஏற்பட்ட போக்குவரத்து நெரிசல்:
எல்லாம் ஓகேதான், ஆனால் இதற்காக நேற்று அண்ணா சாலை, எக்மோர் என்று எல்லா பிரதான சாலைகளிலும் நேற்று சொல்ல முடியாத அளவு வாகன நெரிசல் ஏற்பட்டது. அண்ணா சாலையின் ஒரு பகுதியில் இந்த அம்மா வருகிறார் என்று போக்குவரத்தை நிறுத்தி காலையில் அலுவலகம் செல்லும் நேரத்தில் எல்லோரையும் கிட்டத்தட்ட ஒன்றரை மணி நேரம் தவிக்கவைத்து போலீசார் அராஜகம் செய்தனர். இதற்கு ஒரு முடிவு இல்லையா? இப்படி அரசு விழாக்களுக்கு அம்மாவை வரவழைத்து போக்குவரத்து நெரிசலை உண்டு செய்து பொதுமக்களை துன்புறுத்த வேண்டுமா?

இறப்பதற்கு முன் நீங்கள் கண்டுபிடிக்க வேண்டிய 5 ரகசியங்கள்: படித்ததில் பிடித்தது

2011-06-27T09:02:00.000+05:30

ஜான் பி.இஸோ (John B .Isso) எழுதிய The Five Secrets You Must Discover Before You Die என்ற மிக அருமையான புத்தகத்தை (178 பக்கங்கள் மட்டுமே) இன்று ஒரே மூச்சில் படித்து முடித்தேன்.

வாழ்வின் குறிக்கோள் என்ன, நாம் வாழ்க்கையில் என்ன சாதிக்க வேண்டும், அமைதியான, மகிழ்வான வாழ்வு வாழ நாம் என்ன செய்ய வேண்டும் என்பதை மிகச் சுருக்கமாக, மிகத் தெளிவாக (lucid) கூறும் நூல் இது.

கோடீஸ்வரனாக வேண்டும், சூப்பர் ஸ்டார் ஆக வேண்டும், டெண்டுல்கர் போல் ஆக வேண்டும் என்றெல்லாம் உசுப்பேற்றாமல் யதார்த்தமான விஷயங்களை சொல்லி இருக்கிறார் இந்த புத்தக ஆசிரியர்.

ஒரு முழுமையான, அர்த்தமுள்ள வாழ்வு வாழ என்ன செய்ய வேண்டும், அப்படிப்பட்ட வாழ்க்கை வாழ்பவர்களை தேடிப் பிடித்து கிட்டத்தட்ட 200 பேருக்கும் மேல் இன்டர்வியு செய்து அவர்களுடைய வாழ்க்கையில் அவர்கள் என்னென்ன செய்தார்கள்/செய்கிறார்கள் என்று அலசி, அதை 5 ரகசியங்களாக மாற்றி இந்தப் புத்தகத்தில் கொடுத்துள்ளார் ஜான்.

பணம் இருக்கிறதோ இல்லையோ, வாழ்க்கையில் மிக மகிழ்ச்சியுடன் வாழும் நிறையப் பேரை நாம் பார்த்திருப்போம்; பணம், வசதி, சொகுசு வாழ்வு என்று எல்லாம் இருந்தும் மன அமைதி இல்லாமல், எதிலுமே ஈடுபாடு இல்லாமல் ஒரு வித விரக்தியுடன் இருக்கும் மனிதர்களையும் பார்க்கிறோம். ஜான் இந்த வேறுபாட்டை காரணம் காண முயன்றிருக்கிறார்.

அடிக்கடி பயணம் மேற்கொள்ளும் என்னைப் போன்ற பலருக்கு ஒரு பழக்கம் இருக்கிறது. எந்த ஊருக்கு போவதானாலும் (உள்நாடு/வெளிநாடு) ட்ரிப் அட்வைசர் (Trip Advisor) என்ற வலைத் தளத்திற்கு சென்று அந்த குறிப்பிட ஊரில் எங்கு தங்கலாம், எங்கு சாப்பிடலாம், எந்தெந்த இடங்களை சுற்றி பார்க்கலாம் என்று பார்ப்பது உண்டு. இதற்கு முன் பயணம் செய்த பலபேர் வேலை மெனக்கெட்டு தான் பெற்ற இன்பங்களை/நல்ல அனுபவங்களை/துன்பங்களை இங்கு எல்லோருடனும் பகிர்ந்து கொள்கிறார்கள். வாழ்க்கை அனுபவமும் அது போலத்தான் என்கிறார் ஜான். வாழ்க்கையில் நிறைவாக, மகிழ்ச்சியாக இருப்பவர்களிடம் நாம் ஏன் கருத்து கேட்கக்கூடாது?

இதற்காக ஜான் ஒரு குழுவுடன் நிறைய நாடுகளுக்கு பயணம் செய்து, தான் கற்றுக் கொண்ட விஷயங்களை இதில் விளக்கியுள்ளார். சுருக்கமாக அந்த 5 ரகசியங்கள் என்ன, என்ன என்று பார்ப்போம்:

ரகசியம் # 1 :உனக்கு நீ உண்மையாக இரு

கடவுள் நம்பிக்கை இருக்கிறதோ இல்லையோ, உன் மேல் உனக்கு நம்பிக்கை வேண்டும். உனக்கு நீ உண்மையாக இல்லை என்றால், எவ்வளவு பணம் வந்தாலும் வாழ்வில் நிம்மதி வராது.

ரகசியம் # 2 : எதையும் நினைத்து வருந்தாதே

பின்னாளில் வாழ்க்கையில் ஐயோ, இப்படி செய்துவிட்டோமே என்று நினைத்து வருந்தும் அளவுக்கு எந்தத் தவறையும் நாம் செய்யக்கூடாது. ஒருவேளை, அப்படி ஏதேனும் செய்துவிட்டால் பின்னர் அதை நினைத்து, நினது தூக்கத்தையும், நிம்மதியையும் இழப்பது அர்த்தமற்ற செயல். இதனால் நம் வாழ்வு வீணாகிவிடும்

ரகசியம் # 3 : அன்பாக மாறு

வேறெந்த முயற்சியும் செய்ய வேண்டாம்; வாழ்க்கையில் எல்லோரிடமும் அன்பாக, பகைமை பாராட்டாமல் இருந்தாலே போதும் என்கிறார் ஜான். பிறரிடம் அன்பாக இருப்பது என்பது மிகச் சுலபமான செயலே, முயற்சித்துப் பாருங்கள்.

ரகசியம் # 4 : இன்று வாழ கற்றுக்கொள் (live the moment ):

ஷேக்ஸ்பியரின் ஹாம்லெட் நாடகத்தில் "carpe diem" என்றொரு லத்தீன் வார்த்தை வரும்; அதன் அர்த்தம் "இன்று வாழு (enjoy the day)" என்பதாகும். சமீபத்தில் வெளிவந்த 180 படத்தின் கதாநாயகன் கூட இப்படி சொல்வதாக ஒரு காட்சி இருக்கிறது. நேற்று என்பது இறந்த காலம், நாளை என்பது நிச்சயமில்லை. இன்று என்பதே நிச்சயம். இன்று நாம் மகிழ்ச்சியுடன் இருந்தாலே பெரிய விஷயம், நாளை என்ன செய்யப் போகிறோம் என்பதைப் பற்றி நினைக்காமல் இன்றைய நாள் மகிழ்சியாக இருக்கிறதா என்றுதான் பார்க்க வேண்டும். நல்ல சாப்பாடு சாப்பிடாமல், நல்ல உடை உடுத்தாமல், வெளியே எங்குமே செல்லாமல் வாழ்நாள் பூராவும் சேர்த்து வைத்து என்ன பயன் என்று தெரியாமலேயே நிறைய பேர் பணம், பணம் என்று சேர்த்து வைப்பதில் குறியாக இருக்கிறார்கள். இவர்கள் யாருக்குமே வாழ்வு நிறைவாக இருக்காது, இவர்கள் குழந்தைகள் சந்தோஷமாக வளரமாட்டார்கள். பெற்றோரை மதிக்க மாட்டார்கள். இது போன்றோரின் கடைசி காலம் மிகுந்த துன்பமாகவே இருக்கும் என்கிறார் ஜான்.

ரகசியம் #5 : நீ அடைவதைவிட அதிகமாக கொடு:

Bill Gates, Warren Buffet போன்ற உலக மகா கோடீஸ்வரர்கள் இதைத்தான் செய்கிறார்கள். குழந்தையே இல்லாமல் இருக்கும் நிறைய பேர் வாழ்க்கையை வாழத் தெரியாமல், தேவையே இல்லாமல் கஞ்சத்தனமாக இருப்பதை பார்த்திருப்போம். இவர்கள் என்ன சாதிக்க போகிறார்கள்? இறந்த பிறகு இவர்களுடைய சொத்து யாருக்கு பயன்படப் போகிறது?

மகிழ்ச்சியாக வாழ்ந்தால், மகிழ்வுடன் நிம்மதியாக இறக்கலாம்.

இதில் என்ன புதுமை? நமக்கு தெரியாத புதிய விஷயம் எதுவும் இந்தப் புத்தகத்தில் இல்லையே என்று சிலர் நினைக்கலாம்; உண்மைதான். ஆனால், எதையுமே நாமாக புரிந்து கொள்ளாமல், வாழ்க்கை கடினமாக இருக்கிறது, சுவாரசியம் இல்லாமல் இருக்கிறது என்பவர்களுக்கு இது ஒரு நல்ல ஊக்கியாக இருக்கும்.

கணவர்கள் விற்பனைக்கு: படித்ததில் பிடித்தது.

2011-06-24T19:18:00.001+05:30

எதுவும் கிடைக்கும் நியு யார்க் நகரில் ஒரு புதிய கடை திறக்கிறார்கள், "கணவர்கள் விற்பனைக்கு," என்ற பெயரில்.

அந்தக் கடையில் மொத்தம் 6 மாடிகள். உள்ளே நுழையும் பெண்கள் ஒவ்வொரு மாடியாக கீழேயிருந்து மேலே சென்று அவர்களுக்கு பிடித்தமான கணவனைத் தேர்ந்தெடுக்கலாம். ஒரே ஒரு கண்டிஷன்: மேலே இருந்து கீழே வர முடியாது.

முதல் நாளே கடையில் கூட்டம் அம்முகிறது. ஒரு அழகான பெண் வரிசையில் நின்று களைத்து போய் கடைக்குள் நுழைகிறாள்:

முதல் மாடி: "இங்கு, கடவுள் நம்பிக்கை உள்ள, நல்ல பதவியில் இருக்கும் கணவர்கள் கிடைப்பார்கள்" என்று ஒரு போர்டு இருக்கிறது. அந்தப் பெண் அடுத்த மாடிக்கு அதிக எதிர்பார்ப்புடன் செல்கிறாள்.

இரண்டாம் மாடி: " இங்கு, கடவுள் நம்பிக்கை உள்ள, நல்ல பதவியில் இருக்கும, குழந்தைகளை விரும்பும் கணவர்கள் கிடைப்பார்கள்" என்று ஒரு போர்டு இருக்கிறது. அந்தப் பெண் அடுத்த மாடிக்கு அதிக எதிர்பார்ப்புடன் செல்கிறாள்.

மூன்றாம் மாடி: " இங்கு, கடவுள் நம்பிக்கை உள்ள, நல்ல பதவியில் இருக்கும, குழந்தைகளை விரும்பும், மிக அழகான கணவர்கள் கிடைப்பார்கள்" என்று ஒரு போர்டு இருக்கிறது. அந்தப் பெண் அடுத்த மாடிக்கு அதிக எதிர்பார்ப்புடன் செல்கிறாள்.

நான்காம் மாடி: " இங்கு, கடவுள் நம்பிக்கை உள்ள, நல்ல பதவியில் இருக்கும, குழந்தைகளை விரும்பும், மிக அழகான, வீட்டு வேலை செய்யத் தெரிந்த கணவர்கள் கிடைப்பார்கள்" என்று ஒரு போர்டு இருக்கிறது. அந்தப் பெண் அடுத்த மாடிக்கு மிக, மிக அதிக எதிர்பார்ப்புடன் செல்கிறாள்.

ஐந்தாம் மாடி: " இங்கு, கடவுள் நம்பிக்கை உள்ள, நல்ல பதவியில் இருக்கும, குழந்தைகளை விரும்பும், மிக அழகான, வீட்டு வேலையும், மிகத் தேர்ச்சியான முறையில் காதலிக்கவும் தெரிந்த கணவர்கள் கிடைப்பார்கள்" என்று ஒரு போர்டு இருக்கிறது. அந்தப் பெண் அடுத்த மாடிக்கு மிக, மிக அதிக எதிர்பார்ப்புடன் செல்கிறாள்.

ஆறாம் மாடி: "நீங்கள் இந்த மாடிக்கு வருகை தரும் 43,63,012 ஆவது நபர் ஆவீர்கள். எவ்வளவு இருந்தாலும் பெண்களை திருப்தி செய்யவே முடியாது என்பதற்கான அத்தாட்சியே இந்த மாடி" என்று ஒரு போர்டு இருக்கிறது. அதற்கு அருகில், "இந்த கடைக்கு வருகை தந்ததற்கு நன்றி. கவனமாக பார்த்து வெளியே செல்லவும்," என்று இன்னொரு போர்டு.

நன்றி: நண்பர் செழியன் அவர்களுக்கு

என்றும் சுஜாதா - எஸ்.ராமகிருஷ்ணன் எழுதியுள்ள புத்தகத்தைப் பற்றி என் விமர்சனம்.

2011-06-24T18:22:00.000+05:30

எஸ்.ராமகிருஷ்ணன் எழுதி உயிர்மை பதிப்பகம் சமீபத்தில் வெளியிட்டுள்ள இந்த புத்தகத்தை நேற்று படித்தேன். புத்தகத்தின் ஆரம்பத்திலேயே ஆசிரியர் உஷாராக, " இந்தப் புத்தகம் Sujatha reader அல்ல. இது சுஜாதாவின் பன்முகத்தன்மை என நான் எதைக்கருதுகிறேன் என்பதற்கான தொகை நூல். சுஜாதா என்ற எழுத்து ஆளுமையின் பரந்து பட்ட விருப்பங்கள், ஈடுபாடுகள், அக்கரைகளையே நான் முதன்மைப் படுத்தியிருக்கிறேன். ஆகவே இது சுஜாதா படைப்புகளில் ஒரு குறுக்கு வெட்டுப்பார்வை போல உருவாக்கப்பட்டிருக்கிறது என்பதே இதன் தனிச்சிறப்பு" என்று சொல்லிவிட்டார்.

எஸ்.ரா எழுதிய புத்தகம் என்பதால் எனக்கு ஒரு எதிர்பார்ப்பு இருந்து, அது இந்தப் புத்தகத்தை படித்தவுடன் காற்றாகிப் போனது என்பதால் மட்டும் நான் அதிருப்தி அடையவில்லை. புத்தகத்தில் எதுவுமே புதிதாக இல்லை என்பதுதான் வேதனையான விஷயம். சுஜாதாவின் வாழ்க்கையில் நடந்த சுவையான சம்பவங்களின் கோர்வையாக இல்லாவிட்டலும், அட்லீஸ்ட், அவருடைய படைப்புகளின் ஒரு விமர்சனமாக இருந்திருக்கலாம். அல்லது, சுஜாதாவின் இன்னின்ன படைப்புகளைப் பற்றி என்னுடைய கருத்து இது என்றாவது சொல்லி இருக்கலாம். அதுவும் இல்லை. சுஜாதாவின் பல்வேறு படைப்புகளை தொகுத்து (அவருடைய பன்முகத் தன்மையை விளக்கும் வண்ணம்) அதிலிருந்து இங்கே கொஞ்சம் அங்கே கொஞ்சம் என உருவி ஒரு மசாலா புத்தகம் கொடுத்துள்ளார் எஸ்.ரா. இதற்கு எஸ்.ரா போன்ற ஒரு தேர்ந்த எழுத்தாளர் தேவையா என கேட்பது அதிகபிரசங்கித்தனமாக தோன்றலாம். ஆனால், இந்த தொகுப்பை உயிர்மை வழியே வெளியிட்டதின் மூலம் எஸ்.ரா சுஜாதாவின் படைப்புகளில் தனக்கு பிடித்தவைகளை ஒரு புத்தகமாக வெளியிட்டுள்ளார் என்றே சொல்லவேண்டும்.

எனக்குத் தெரிந்து சுஜாதாவின் படைப்புகளில் நான் படிக்காத ஒரு புது விஷயம் ஒன்று இந்தப் புத்தகத்தில் உள்ளது என்றால் அது அவருடைய "மெக்சிகோ தேசத்து சலவைக்காரி" ஜோக் ஒன்றுதான். எனக்குத் தெரிந்து சுஜாதா அதை எந்தப் புத்தகத்திலும் எழுதவில்லை. அவரை நேரில் சந்தித்த என் நண்பர்கள் சிலர் (எனக்கு அந்த கொடுப்பினை கடைசிவரை கிடைக்கவில்லை) அவரை நச்சரித்தபோது சுஜாதா சொன்ன அந்த ஒரிஜினல் ஜோக்கின் நீர்த்து போன வடிவம்தான் எஸ்.ரா குறிப்பிட்டுள்ளது.

எஸ்.ரா அவர்கள் மன்னிக்க வேண்டும். அவருடைய புத்தகம் ஒரு தீவிர சுஜாதா வாசகனான எனக்கு ஏமாற்றத்தையே கொடுத்தது.

ஹானா-அதிரடி கலந்த அழகான ஆக் ஷன் படம்

2011-06-19T22:04:00.000+05:30

ஹாலிவுட் ஆக் ஷன் படங்கள் பொதுவாக கரம் மசாலா கலந்த சுத்தமான அடிதடி படங்களாகவே இருக்கும். எப்போதாவது ஒருமுறைதான் ஹானா போன்ற அழகான ஆக் ஷன் படங்கள் வெளிவரும்.

பனிபடர்ந்த காட்டின் நடுவே மானை வேட்டை ஆட ஹானா (Saorise Ronan) பொறுமையாக வில் மற்றும் அம்புடன் காத்திருக்கும் காட்சியில் ஆரம்பிக்கிறது படம். கிட்டத்தட்ட ஒரு மாடு சைசில் வரும் அந்த மானை அம்பு எய்தி கொள்கிறாள் ஹானா (. அம்புடன் சிறிது தூரம் ஓடிவிட்டு கீழே விழும் அந்த மானை நெருங்கி, "ஸாரி, உன் இதயத்தை மிஸ் செய்துவிட்டேன்," என்று சொல்லிவிட்டு துப்பாகியால் அதைப் போட்டுத் தள்ளுகிறாள் ஹானா. யாருமே இல்லாத அந்த பனிபிரதேசத்தில் (வடக்கு பின்லாந்த்) தன்னுடைய தந்தையால் (Eric Bana) ஒரு முக்கிய குறிக்கோளுடன் வளர்க்கப்படுகிறாள். தந்தை அமெரிக்க உளவு நிறுவனமான CIA யில் பணிபுரியும்போது சில துரோகிகளால் பெரிய ஆபத்தில் மாட்டிகொண்டு பின் தப்பிவிடுகிறார். ஆனால், துரதிர்ஷ்டவசமாக ஹானாவின் தாய் கொல்லப்டுகிறாள்.

ஹானாவின் தந்தை ஹானாவுடன் ஆளரவமில்லாத பனிபிரதேசத்தில் வாழ்கிறார். ஹானா தன்னை எல்லாவிதத்திலும் தயார் செய்துகொண்டவுடன், தன்னை ஏடாகூடமாக சிக்கவைத்த அந்த CIA ஏஜெண்டுக்கு செய்தி அனுப்பச் சொல்கிறார் அவள் தந்தை. CIA கைக்கூலிகள் அந்த இடத்தை முற்றுகை இடும்முன் ஹானாவை அங்கு தனியாக விட்டுவிட்டு அவள் தந்தை தப்பிக்க, தந்தை-மகள் இருவரும் ஏற்கனவே போட்ட திட்டப்படி, ஹானா விசாரணைக்கு அழைத்து செல்லப்படுகிறாள். வெள்ளை வெளேரென, குச்சி,குச்சியான கைகால்களுடன் இருக்கும் ஹானாவை ரொம்ப சாதரணமாக நினைத்தாலும், அவளைத் தப்புவிக்க அவள் தந்தை முயற்சிக்கலாம் என்று ஒரு பாதுகாப்பு மிகுந்த சிறையில் அடைக்கிறாள் ஹானாவின் வாழ்வை சீர்குலைத்த மரிஸா (Cate Blanchett). அந்த சிறையில் இருந்து ஹானா தப்பிக்கும் தடதடக்கும் அந்த 20 நிமிடங்கள் நம்மை ஆச்சரியப் படவைக்கும் ஹை-லைட்.

ஆள், படை, அம்பு என சகலவிதமான பாதுகாப்புடன் இருக்கும் மரிஸாவை ஹானா கடைசியில் கொல்லும் போது, படத்தின் ஆரம்பத்தில் நமக்கு ஏற்படும் படபடப்பு அடங்குகிறது. அம்பால் காட்டு விலங்கைக் கொல்வது போல, மரிஸா மேல் அம்பு எய்துவிட்டு, கீழே கிடைக்கும் அவள் அருகே வந்து, " "ஸாரி, உன் இதயத்தை மிஸ் செய்துவிட்டேன்," என்று சொல்லிவிட்டு துப்பாகியால் அவளைப் போட்டுத் தள்ளுகிறாள் ஹானா.

அட்டகாமான ஒளிப்பதிவு, அதிர வைக்கும் பின்னணி இசை (Chemical Brothers), பரபரப்பை குறைவில்லாமல் கொண்டு செல்லும் எடிட்டிங், மெய்மறக்க வைக்கும் லொகேஷன்கள், புதிய முகமாக இருந்தாலும் ஹானாவாக அலட்டாமல் நடிக்கும் சாரிஸ் ரோனன். ஹானா ஒரு வித்தியாசமான த்ரில்லர்தான்.

சுஜாதா: மறைந்த முன்னோடி-ஒரு நல்ல கட்டுரை. எழுதியவர் ஜெயமோகன்.

2011-06-19T10:24:00.000+05:30

சமீபத்தில் இணையத்தை துழாவிக் கொண்டிருந்தபோது கண்ணில் பட்ட ஒரு நல்ல கட்டுரை. எழுதியவர் ஜெயமோகன்.

சுஜாதவின் எழுத்து ஆழம் இல்லாதது என்கிறார். நிறைய இடங்களில் சுஜாதாவை ஏராளமாக புகழ்ந்து எழுதினாலும் அவருடைய எழுத்தில் ஆழம் இல்லை எனவே அதற்கு இலக்கியத் தரம் இல்லை என்கிறார். ஆழமில்லை, ஆழமில்லை என்பவர்கள் அவருடைய நகரம், ரேணுகா, பாலம் போன்ற பல்வேறு சிறுகதைகளைப் போல எழுத முடியுமா என்று முயற்சிக்க வேண்டும்.

என்ன பெரிய இலக்கியம், புடலங்காய். என்னைப் பொறுத்தவரை பெரும்பாலான வாசகர்கள் வாசித்து, மகிழ்ச்சியாக பிறருடன் பகிர்ந்து கொள்ளும் படைப்பே சிறந்த இலக்கியம். மற்றதெல்லாம் வெறும் ஜம்பம்.

சில நாட்களுக்கு முன் ராபர்ட் டௌனி ஜூனியர் நடித்த ட்யு டேட் (Due Date) பார்த்தேன், அதில் ஷேக்ஸ்பியரின் வரிகளை சொல்லிவிட்டு, ராபர்ட் டௌனி அவரை ஹிம்சித்துக் கொண்டிருக்கும் ஜாக் கலிபியானகிஸ் (Zach Galifianakis) என்ற நடிகரிடம் ஷேக்ஸ்பியரைத் தெரியுமா என்று கேட்பார். அதற்கு அந்த காமெடி பீஸ், "ஓ, தெரியுமே, அவர் ஒரு பைரேட் (கடல் கொள்ளைக்காரன்) தானே," என்பான். இலக்கியத்தின் ரீச் அவ்வளவுதான்.

February 27th, 2008

ஒன்பதுமணி வாக்கில் மனுஷ்யபுத்திரனிடம் தொலைபேசியில் உரையாடினேன். கடுமையான மனச்சோர்வுடன்,”இப்பதான் ஆஸ்பத்திரியிலேருந்து வரேன். சுஜாதா ரொம்ப சிக்கலான நெலைமையிலே இருக்கார்” என்றார். ஏற்கனவே ஒருமாதம் முன்பு நுரையீரலில் நீர் கோர்த்து மருத்துவமனையில் தீவிர சிகிழ்ச்சைப்பிரிவில் இருந்து மெல்லமெல்ல மீண்டு வீடு திரும்பிவிட்டார் என்றார்கள். சென்னை சென்றால் போய் பார்த்துவிட்டுவரவேண்டுமென்ற ஆசைகூட எனக்கு இருந்தது. அதிர்ச்சியுடன் ”மறுபடியுமா?”என்றேன். இம்முறை தப்புவது கஷ்டம் என்றார் மனுஷ்ய புத்திரன். இப்போது செய்தி வந்திருக்கிறது. சுஜாதா மரணம் அடைந்திருக்கிறார்.

என் தலைமுறையைச்சேர்ந்தவர்கள் இலக்கியத்தில் நடை என்ற ஒன்றின் தனித்த வசீகரத்தை சுஜாதா மூலமே துல்லியமாக உணர்ந்திருப்பார்கள். அன்று சாண்டில்யன், பிவிஆர், அகிலன்,நா.பார்த்தசாரதி போல பல நட்சத்திர எழுத்தாளர்கள் இருந்தாலும் அவர்களெல்லாம் நிகழ்ச்சிகளாலும் கதைமாந்தர்களாலும்தான் வாசகர்களைக் கவர்ந்தார்கள். மொழியின் நுண்ணிய விளையாட்டுகளாலேயே முற்றிலும் மனதை கவர்ந்தவர் சுஜாதா.

என் பள்ளிநாட்களில் குமுதத்தில் தொடராக வந்த ‘அனிதா- இளம்மனைவி’ நாவலை மீண்டும் மீண்டும் வாசித்தது இபோதும் நினைவுக்கு வருகிறது. பாலு என்பவர் வரைந்த நீளமுகம் கொண்ட கணேஷ்! [அப்போது வசந்த் இல்லை]. அக்கதையின் சித்தரிப்புமுறை அளித்த வசீகரத்தை இப்போதுகூட அதே உணர்வுடன் மீட்ட முடிகிறது. அதேபோல என்னை அப்போது கவர்ந்த இன்னொரு படைப்பாளி அசோகமித்திரன். ‘நானும் ராமகிருஷ்ண ராஜுவும் சேர்ந்துஎடுத்த சினிமாபப்டம்’ இலாரியா’ போன்ற கதைகளை குமுதத்தில் பலமுறை வாசித்து அந்த நுண்ணிய எளிய மொழியின் புதுமையில் மயங்கினேன். ஆனால் பெயர் நினைவில் இல்லை. பத்துவருடம் கழித்து அசோகமித்திரனைப் படிக்கும்போது அக்கதைகளின் வரிகள் எல்லாமே அப்படியே நினைவில் இருப்பதை உணர்ந்தேன். அவரா இவர் என்று பிரமித்தேன்.

அனிதா இளம் மனைவியை பதினைந்து வருடம் கழித்து மீண்டும்படித்தபோதும் சுஜாதாவின் நடை அதே துள்ளலுடன் இருந்ததை உணர்ந்தேன். அதில் நான் கவனித்த நுட்பங்களை இளமையிலேயே ரசித்திருந்தேன். கணேஷ் முதன் முதலாக அனிதாவைச் சந்திக்கும் கணம். ஒரு விசித்திரமான மௌன இடைவெளியை சொல்லாலேயே உருவாக்கி ‘..இவ்வளவு அழகான பெண்ணா?’ என்ற வரி வழியாகவே வர்ணித்து முடித்திருந்தார். அதில் மோனிகா அறிமுகமாகும் காட்சியில் அவளுடைய குணச்சித்திரம் ஏழெட்டு வரிகளுக்குள்ளாகவே உருவாகி வரும் மாயம்.!

சுஜாதா அன்றும் இன்றும் என் பிரியத்துக்குரிய எழுத்தாளர். அவரது எழுத்துக்கு ஆழம் இல்லை என்று இன்று எனக்குத்தெரியும். அது முற்றிலும் மேற்தளத்திலேயே நிகழ்ந்துமுடியும் எழுத்து. அதன் இலக்கியத்தன்மை அதில் உள்ள அபாரமான சித்தரிப்புத்திறனால் மட்டுமே உருவாவது. மொழியால் புறவுலகை உருவாக்க முயலும் எந்தப் படைப்பாளியும் புறக்கணித்துவிட முடியாத முன்னோடி சுஜாதா. அவரிடமிருந்து நான் கற்றவை ஏராளம். ஆகவேதான் என் முதல் சிறுகதைத் தொகுப்பின் முன்னுரையில் [திசைகளின் நடுவே] என் முன்னோடிகளாக அசோகமித்திரன், சுந்தர ராமசாமி ஆகியோருடன் சுஜாதாவையும் சொல்லியிருந்தேன். சிற்றிதழ்ப்புனிதங்கள் கறாராகப் பேணப்பட்ட அன்று அது ஒரு விவாதமாக ஆகியது. என் ‘விசும்பு’ அறிவியல் புனைகதைகள் நூலை அவருக்குத்தான் சமர்ப்பணம்செய்திருந்தேன்.

சுஜாதாவின் முதல் கட்ட சாதனை அவரது நாடகங்களிலேயே. புகழ்பெற்ற அமெரிக்க யதார்த்த நாடகங்களுக்கு பலவகையிலும் நிகரானவை அவை. தமிழில் குறைவாகவே கவனிக்கப்பட்ட அவரது எழுத்து நாடகங்கள்தான். யதார்த்த நாடகங்களுக்கு உரையாடலே உயிர். சுஜாதா உரையாடல் விற்பன்னர். மேலும் நாடகங்களில் அவர் தனக்கு மிக அந்தரங்கமான ஒரு தளத்தையே எடுத்துக் கொள்கிறார். மத்தியதர வைணவ பிராமண குடும்பம்.பதன் தர்மசங்கடங்கள், தடுமாற்றங்கள்.

சுஜாதாவை தமிழின் மிகச்சிறந்த சிறுகதையாசிரியர்களின் வரிசையிலேயே நான் என்றும் வைத்திருக்கிறேன். அனைத்தையும் சுருக்கிச் சொல்லும் அவரது பாணியும் காட்சிசித்தரிப்பின் ஜாலமும் சிறுகதைக்கு சரியாகப்பொருந்திவருபவை. சிறுகதையின் செவ்வியல் வடிவம் சரியாக உருவாகி அவ்ந்த சிறுகதைகள் அவை. அவற்றை இரண்டாகப்பிரிக்கலாம். ‘குதிரை’ போன்று சிறந்த நகைச்சுவைப்படைப்புகள் ஒருவகை. ‘எல்டொராடோ’, ‘மாஞ்சு’ போல நடுத்தர வற்கத்தின் அன்றாடவாழ்க்கையின் ஒரு தருணத்தை முன்வைக்கும் துல்லியமான யதார்த்தக்கதைகள் இன்னொருவகை.

ஆனாலும் சுஜாதாவின் நடையே அவர் தமிழுக்கு அளித்த முதல்பெரும் கொடை. தமிழ் இலக்கியவரலாற்றில் அவரை நிலைநாட்டும் அம்சமும் அதுவே. சொல்லப்போனால் தமிழ் உரைநடையில் புதுமைப்பித்தனுக்குப் பின் நிகழ்ந்த முக்கிய்மான அடுத்த பாய்ச்சல் என்று அதையே சொல்லவேண்டும். அது ஒருவகை முன்னோடிவகைமை- ‘டிரென்ட் செட்டர்.

சுஜாதாவைப்பற்றிய இலக்கிய உரையாடல் அவரது நடையில் இருந்து தொடங்கபப்ட்டு நடையிலேயே முடித்துக்கொள்ளப்பட்டலாம். அதைப்பற்றி விரிவாகவே ஆராயவேஎன்டும்.அவரது சமகால படைப்பாளிகள் மட்டுமல்ல அடுத்த தலைமுறைப் படைப்பாளிகள் கூட பழமை கொண்டபோதும் சுஜாதா புதியவராகவே இருந்தார். சுஜாதாவின் மூன்று அடிப்படை இயல்புகளே அதற்குக் காரணம். பிரமிப்பூட்டும் அவதானிப்புத்திறன் கொண்டவர் அவர். ஒன்று, புறவாழ்க்கையின் நுண்ணிய தகவல்களை அவரது புனைவுலகில் காண்பதுபோல தமிழில் அதிகம்பேரின் ஆக்கங்களில் காண முடியாது. உதாரணமாக ஒரு தொலைதூரப்பேருந்தில் லுங்கிகட்டிய ஓட்டுநர் அந்த சுதந்திரத்தால் கால்களை நன்றாக அகற்றிவைத்திருக்கிற காட்சி ஒரேவரியில் கடந்துசெல்கிறது ஒரு கதையில்.

இரண்டு, மொழியின் அனைத்து சாத்தியங்களையும் இயல்பாகத் தொட்டுவிடும் தேர்ச்சி அவருக்கு இருந்தது. மொழிமீது அவருக்கு இருந்த மோகமே அவரது பெரும் வலிமை. கடைசிக்காலக் கதைகளில் ஒன்றில் இன்றைய இளைஞர்களின் எஸ்.எம்.எஸ் மொழியை அப்படியே எழுதியிருந்தார். முழுக்கமுழுக்க விளம்பர தேய்வழக்குகளினாலான ஒரு கட்டுரையை ஒருமுறை எழுதியிருக்கிறார்.

மூன்றாவதாக அவரது கூரிய மூளைத்திறன். எழுதும் ஒவ்வொரு வரியிலும் அவரது ‘சவரநுனி’க் கூர்மை கொண்ட மூளையின் பங்களிப்பு இருக்கும். அதுவே அவரது பலவீனமும் கூட. அவருடைய படைப்புலகில் அவரை மீறி நிகழும் எதுவும் இல்லை. நெகிழ்ச்சிகள் கவித்துவ எழுச்சிகள் எதுவுமே இல்லை. ஆழ்மனம் நோக்கிய பயணமே இல்லை. ”எனக்கு எழுத்துமேலே இமோஷனல் ஈடுபாடு கெடையாது” என்று ஒருமுறை சொன்னார். ஆனால் அங்கதத்துக்கு அந்த மூளைத்திறன் பெரும்பலம்.

நான் நாலைந்துமுறையே அவரைச் சந்தித்திருக்கிறேன். பொதுவாக அதிகம் பேசாதவர். ஆனால் முசுடு அல்ல. பேசும்தருணம் வாய்த்தால் பேசிக் கோண்டே இருப்பார். வண்ணதாசன் மகளுக்கு திருமணம் நடந்தநாளில் மண்டபத்தில் அவர் என்னிடம் வைணவம் பற்றி விரிவாக பேசியதை நினைவுகூர்கிறேன்.1997 ல் விஷ்ணுபுரம் எழுதிய பின் அதை நவீன இலக்கியம் அறிந்த வைணவ அறிஞர் ஒருவரிடம் காட்டவேண்டுமென்று தோன்றியதும் அவரை அணுகினேன். அதைப்பற்றி நிறையவே பேசியிருக்கிறோம். திருவட்டாறு கோயிலுக்கு ஒருமுறை வர விரும்பியதாகச் சொன்னார். இலக்கிய முன்னோடிகள் வரிசையில் ஆதவன்,சுஜாதா, இந்திராபார்த்த சாரதி ஆகியோரைப்பற்றி எழுத திட்டமிட்டிருந்தேன்.

சுஜாதாவின் முகங்கள் பல. உள்வாங்கும் குணம் கொண்ட, அனுபவவாத அறிவியல் நோக்கு கொண்ட , தொழில்நுட்பக் காதலரான மனிதர். நவீன அறிவியல் மட்டுமே உலகை மீட்கும் என்ற எண்ணம் கொண்டவர். நான் அறிந்தவரை சாதிமத நோக்குகளுக்கு அப்பாற்பட்டவர், குடும்பமும் அப்படியே. அதற்கு அப்பால் அரங்கன் மீது மட்டும் உணர்வு ரீதியான, அவராலேயே விளக்க முடியாத, ஆழ்ந்த பிரேமை இருந்தது. அதற்கு அவருடைய இளமைப்பருவம், ஆழ்வார்களின் தமிழ் மீது அவருக்கிருந்த அடங்காத காதல் போன்றவை காரணம்.

அவரைப்புரிந்துகொள்ள முக்கியமான ஒரு நிகழ்வு உதவும். திருச்சிபக்கம் பின்தங்கிய வணிக ஊர் ஒன்றில் போலியோவால் கால்களை இழந்து ,கல்விகற்பிக்கக்கூடப் பொருட்படுத்தப்படாமல், முற்றிலும் புறக்கணிக்கப்பட்டு, சுயநம்பிக்கையே இல்லாமல் தனக்குள் சுருண்டு வாழ்ந்த முஸ்லீம் இளைஞன் ஒருவனின் சில கவிதை வரிகள் வழியாக அவனைக் கண்டுபிடித்தார் அவர். இருண்ட உள்ளறைக்குள் நாள்கணக்கில் வாரக்கணக்கில் அவன் வாழ்ந்த அந்த உயரமான பிசுக்கு படிந்த பழங்காலக் கட்டிலை நான் கண்டிருக்கிறேன். அவன் அறியாத ஓர் உலகிலிருந்து சுஜாதா அவனை நோக்கி கையை நீட்டினார். அவனுக்கு தன்னம்பிக்கையை அளித்தார். அவன் வெளியுலகைப் பார்கக்ச்செய்தார். வெளியுலகம் அவனைப் பார்க்கும்படிச் செய்தார். படிப்படியாக அவனை ஒரு முக்கியமான கலாச்சாரச் சக்தியாக தமிழ்ச்சூழலில் நிலை நாட்டினார். மனுஷ்யபுத்திரன் சுஜாதா தமிழுக்கு அளித்த கொடை. அவரது எழுத்தில் அதிகம் தெரியாத அவரது அகம் எத்தகையது என்பதற்கான முக்கியமான ஆதாரம்.

முன்பொருமுறை எழுதிய கடிதத்தில் கீதைபற்றிய என் கேள்விக்குப்பதிலாக, விவாதத்தை முடிக்கும்முகமாக சுஜாதா ‘அறிதலின் எல்லைகளை உணர ஒரு வயது இருக்கிறது. இந்த புரோட்டீன் காலிஃப்ளவர் சலித்துக் கொள்ள ஆரம்பிக்கிறது. அப்போதுதான் அது அதை மீறி எதையாவது அறிய ஆரம்பிக்கிறது” என்று எழுதினார்.

எல்லையில் ஞானத்தன் ஞானமஃதே கொண்டு

எல்லா கருமங்களும் செய்து

எல்லையில் மாயனைக் கண்ணனைத்தாள்பற்றி

யானோர் துக்கமும் இலனே.

நன்றி: ஜெயமோகன் அவர்களுக்கும், அவருடைய இணைய தளத்துக்கும்.

பெண்களுக்கு பாதுகாப்பு இல்லாத மோசமான நாடுகள் - ஒரு அதிர்ச்சி ரிப்போர்ட்

2011-06-18T07:50:00.003+05:30

அமெரிக்காவை சார்ந்த செய்தி நிறுவனமான தாம்சன் ராய்ட்டர்ஸ் (Thomson Reuters) சமீபத்தில் வெளிட்டுள்ள அறிக்கை ஒன்று உலகெங்கிலும் அதிர்ச்சி அலையைக் கிளப்பியுள்ளது.

அந்த அறிக்கையின்படி, உலகில் பெண்களுக்கு பாதுகாப்பு இல்லாத நாடுகளின் வரிசையில் முதல் இடத்தில் ஆப்கானிஸ்தான், இரண்டாவதாக காங்கோ, மூன்றாவதாக பாகிஸ்தான் ஆகிய நாடுகள் இருக்கின்றன.

இதில் என்ன அதிர்ச்சி? இந்த வரிசையில் நான்காவது இடத்தில் இருப்பது இந்தியா!!!

ஆமாம், இந்தியாவேதான். இது என்ன கூத்து என்று கேட்கலாம். அந்த அறிக்கையில் காரணங்கள் இருக்கின்றன.

எந்தெந்த விதத்தில் பாதுகாப்பின்மை இருக்கிறது என்று பார்த்தால், இந்த அறிக்கை அதை பல்வேறுவிதமான அளவீடு (parameters) மூலம் கணக்கிட்டுள்ளது.

ஆப்கானிஸ்தான்: இங்கு வாழும் 11 பெண்களில் ஒருவர் மகப்பேறு காலத்தில் தகுந்த கவனிப்பு இல்லாமல் இறக்கிறார். கிட்டத்தட்ட 87 % பெண்கள் படிப்பில்லாமல் இருக்கிறார்கள். கிட்டத்தட்ட 80 % பெண்கள் விருப்பமில்லாமல் திருமணத்திற்கு வற்புறுத்தப்படுகிறார்கள்.
காங்கோ: இங்கு வாழும் பெண்களில் கிட்டத்தட்ட 4 . 5 லட்சம் பெண்கள் ஒவ்வொரு வருடமும் கற்பழிக்கப்படுகிறார்கள்-இது கிட்டத்தட்ட ஒரு நாளைக்கு 1200 பெண்கள் என்ற கணக்கில். 90 % பெண்கள் வீடுகளில் (தந்தை, உறவினர் மற்றும் கணவர் மூலம்) கொடுமைகளுக்கு ஆளாகிறார்கள்.
பாகிஸ்தான்: காலாச்சார சீரழிவு, சமுதாய மூட நம்பிக்கைகள், மத சம்பந்தமான கட்டுப்பாடுகள் என்பன போன்ற பல விஷயங்களில் பெண்கள் துன்பங்களுக்கு ஆளாகிறார்கள்.காங்கோ ஓலவே இங்கும் கிட்டத்தட்ட 90 % பெண்கள் வீடுகளில் (தந்தை, உறவினர் மற்றும் கணவர் மூலம்) கொடுமைகளுக்கு ஆளாகிறார்கள். ஒவ்வொரு வருடமும் ஆயிரத்துக்கும் மேற்பட்ட பெண்கள், பெண் குழந்தைகள் கொல்லப்படுகிறார்கள்
இந்தியா: 1 கோடிக்கும் மேல் பெண்கள் விபசாரத்தில் தள்ளப்படுகிறார்கள். பெண் சிசுக் கொலை, கருச்சிதைவு போன்ற காரணங்களால் கடந்த நூற்றாண்டில் 50 லட்சத்திற்கும் மேற்பட்ட பெண்கள் இறந்திருக்கிறார்கள். கிட்டத்தட்ட இரண்டில் ஒரு பெண்ணுக்கு 18 வயதுக்கு முன் திருமணம் நடக்கிறது.

இந்தியாவில் பிறந்த ஒவ்வொரும் வெட்கி தலைகுனிய வேண்டிய விஷயமில்லை இது. உடனே விழித்துக்கொண்டு செயலில் இறங்கி நம் சகோதரிகளையும், தாய்களையும் காப்பாற்ற வேண்டும்.

படம் நன்றி: trust .org வலைத்தளம்

தகவல் நன்றி: ஹிந்து பிசினஸ்லைன் செய்தித்தாள்

எலே, நாங்க மதுரக்காரங்கடீ

2011-06-17T13:40:00.001+05:30

பில் கேட்ஸ் தன்னுடைய நிறுவனத்தை நிர்வாகிக்க ஒரு புதிய தலைவரைத் தேர்வு செய்ய நினைக்கிறார். வேலை தேடி நேர்முகத் தேர்வுக்கு 5000 பேருக்கு மேல் வரவே, அவர்களை மிகப் பெரிய ஒரு அறையில் சந்திக்கிறார். அவர்களில் ஒருவர் நம் நண்பர் ராமசாமி.

பில் கேட்ஸ் : உங்கள் வருகைக்கு நன்றி.
ஜாவா தெரியாதவர்கள் போகலாம்.

2000 பேர் அறையைவிட்டு வெளியேறுகின்றனர்.

ராமசாமி தனக்குள் சொல்லிக் கொள்கிறார்:
'நமக்கு ஜாவா யார் என்று தெரியாது. இருந்தாலும் இருந்துதான் பார்ப்போமே!'

பில் கேட்ஸ் : யாருக்கெல்லாம் 100 பேருக்கு மேல் தலைமை வகித்த அனுபவமில்லையோ அவர்கள் செல்லலாம்.

2000 பேர் வெளியேறுகின்றனர்.

ராமசாமி தனக்குள் சொல்லிக் கொள்கிறார்
'நாம் யாருக்குமே /எங்குமே தலைமைப் பதவி தாங்கியது இல்லை. இருந்தாலும் என்னதான் ஆகிறது என்று பார்ப்போமே.
நமக்குத்தான் ரிஸ்க் எடுக்கறது ரஸ்க்
சாப்பிடற மாதிரி ஆச்சே !'

பில் கேட்ஸ் : யாருக்கெல்லாம் மானேஜ்மென்ட் படிப்பில் டிப்ளோமா இல்லையோ, அவர்கள் போகலாம்.

500 பேர் வெளியேறுகின்றனர்.

ராமசாமி தனக்குள் சொல்லிக் கொள்கிறார்,
'நாம்தான் 5 ம் வகுப்புக்கு மேல் படிக்கவில்லையே,
எவ்வளவோ பண்ணிட்டோம் இத பண்ண மாட்டோமா ?'

கடைசியாக,
பில் கேட்ஸ்: யாருக்கெல்லாம் செர்போ-க்ரோட் (Serbo - Croat) மொழி தெரியாதோ அவர்கள் கிளம்பலாம்.

498 பேர் வெளியேறுகின்றனர்.

ராமசாமி தனக்குள் சொல்லிக் கொள்கிறார்,

'அது என்ன செர்போ-க்ரோட் மொழி?? நமக்கு தமிழே ததிங்கிணத்தோம் போடும், பரவாயில்லை, சமாளிப்போம்'.

பில் கேட்ஸ்: ஓகே, நான் இதுவரை செர்போ-க்ரோட் மொழி கேட்டதில்லை. எங்கே நீங்கள் இருவரும் பேசிக்கொள்ளுங்கள் பார்க்கலாம்'.

நிதானமாக ராமசாமி அருகில் இருப்பவைப் பார்த்து தமிழில் கேட்கிறார் 'எந்த ஊரு ?'

அந்த ஆள் அதே தமிழில் சொல்கிறார் … 'மதுரை '

உப்புமா செய்ததற்கு பரிசு ரூ.45 லட்சம் !!

2011-06-17T09:38:00.002+05:30

சமீபத்தில் அமெரிக்காவில் உள்ள லாஸ் ஏஞ்சலிஸ் நகரில் ஒரு நட்சத்திர ஹோட்டலில் நடந்த சமையல் போட்டியில் இந்தியாவைச் சேர்ந்த பிளாய்ட் கார்டோஸ் (Floyd Cardoz) என்பவர் உப்புமா செய்ததின் மூலம் பரிசுத் தொகையாக 1 லட்சம் அமெரிக்க டாலர் (சுமார் ரூ.45 லட்சம் ) வென்று இருக்கிறார்.

இந்தப் போட்டியில் பங்கேற்றவர்களை உங்கள் நினைவில் நிற்கும் அல்லது நீங்கள் அதிகம் ஈர்க்கப்பட்ட ஒரு உணவு வகையை செய்யுங்கள், அதே சமயம் அது சத்துள்ளதாக இருக்க வேண்டும் என்று நடுவர்கள் சொல்லி இருந்தனர். நம்மூர் உப்புமாவில் பலவகையான காய்கறிகளுடன் ஊட்டச்சத்து மிகுந்த காளானையும் போட்டு ஒரு புதுவிதமான உப்புமா செய்து முதல் பரிசை வென்றுள்ளார் பிளாய்ட். இவர் நியுயார்க் நகரில் "தபலா" எனப்படும் ஒரு ரெஸ்டாரண்டில் முதன்மை சமையற்காரராக (Chief Chef) பணியாற்றிவருகிறார். வாழ்வுதான்.

நன்றி: டைம்ஸ் ஆப் இந்தியா நாளிதழ்

முன்னேறும் தமிழ்நாடு! சொகுசுக் கப்பல்கள் பற்றி ஒரு பார்வை

2011-06-13T09:14:00.003+05:30

2004 ம் ஆண்டில் சிங்கபூரிலிருந்து சூப்பர் ஸ்டார் வர்கோ (SuperStar Virgo) மூலம் மலேஷியா (லங்காவி), தாய்லாந்து (புகெட்-Phuket) ஆகிய ஊர்களைப் பார்த்துவிட்டு திரும்பும்போது நண்பர்கள் எல்லோரும் புலம்பினோம், "இது போன்ற பயண வசதிகள் நம் தமிழ்நாட்டில் எப்போது வருமோ?" என்று.

நடுவில் ஒன்றிரண்டு க்ரூஸ் (சொகுசுக் கப்பல்) நிறுவனங்கள் இந்தியாவில் க்ரூஸ் சேவை ஆரம்பித்துவிட்டு, பின் நம் மத்திய அரசு கொடுத்த குடைச்சல் தாங்காமல் ஓடிவிட்டன.

இப்போது சென்னையில் உள்ள அமெட் (AMET) தன்னிலை பல்கலைக்கழகத்தைச் சேர்ந்த அமெட் க்ரூஸ் என்ற நிறுவனம் முதன்முதலாக சென்னையிலிருந்து க்ரூஸ் சேவை ஆரம்பித்திருக்கிறது. மற்றொரு க்ரூஸ் நிறுவனமான ப்லமிங்கோ லைனர்ஸ் (Flemingo Liners) தூத்துக்குடியிலிருந்து இலங்கையில் உள்ள கொழும்புவுக்கு ஸ்கோஷியா ப்ரின்ஸ் (Scotia Prince) என்ற சொகுசுக் கப்பலை இன்று முதல் இயக்குகிறது.

ஸ்கோஷியா ப்ரின்ஸ்:

1044 பயணிகள் பயணிக்கக் கூடிய இந்த சொகுசுக் கப்பல் வாரம் மும்முறை தூத்துக்குடிக்கும் கொழும்புக்கும் இடையே பயணிக்கும். இந்த க்ரூஸில் எல்லாவிதமான வசதிகளும் இருக்கின்றன: நீச்சல் குளம், உணவு விடுதிகள், பொழுதுபோக்கு அம்சங்கள் என ஏராளமான வசதிகள். கட்டணமும் அதிகமில்லை. தூத்துக்குடியிலிருந்து கிட்டத்தட்ட 24 மணிநேரம் பயணித்து கொழும்பு அடைந்த பின், அதே மாதிரி 24 மணிநேர பயணத்தில் மறுபடியும் தூத்துக்குடி வந்தடையும். ரூ.2500/- முதல் ரூ.15000/- வரை பலவித வகுப்புகள் இருக்கின்றன. விமான நிலையங்களில் இருப்பது போல டியூட்டி ப்ரீ (duty free) ஷாப்பிங் வசதிகளும் உண்டு.

இதில் பயணம் செய்ய விரும்பினால் முன் பதிவு அவசியம்.

அமெட் மெஜஸ்டி க்ரூஸ்:

658 பயணிகள் பயணிக்கக் கூடிய இந்த சொகுசுக் கப்பல் தற்போது சென்னை ஹை சீஸ் (Chennai High Seas) மற்றும் விசாகப்பட்டினம் (Vizag High Seas) என்று இரு கடல் வழிகளில் பயணிக்கிறது. கூடிய விரைவில் சென்னையிலிருந்து இலங்கை, மாலத் தீவுகள், அந்தமான், தாய்லாந்து (புகெட்-Phuket), லட்சத் தீவுகள் என்று பல்வேறு பயணத் திட்டங்கள் (travel itineraries) இவர்கள் வசம் இருக்கிறது. குறைந்தபட்சக் கட்டணம் ரூ.4500/- இந்த சொகுசுக் கப்பலிலும் ஏராளமான வசதிகள் உள்ளன.

அதிகம் பணமோ அல்லது நேரமோ இல்லை இருந்தாலும் இந்த சொகுசுக் கப்பலில் பயணிக்க வேண்டும் என்றால் நீங்கள் சென்னை ஹை சீஸ் என்ற முறையில் இன்று காலை 11 மணிக்கு கப்பலில் ஏறி நாளைக் காலை 8 மணிக்கு

மறுபடியும் சென்னை வந்துவிடலாம். ஒரு இரவு முழுவதும் பயணம் செய்த அனுபவம் கிடைக்கும்.

இதில் பயணம் செய்ய விரும்பினால் முன் பதிவு அவசியம்.

என்ன நண்பர்களே, குடும்பத்துடன்/நண்பர்களுடன் சொகுசுப் பயணம் செய்யத் தயாரா?

உங்களுக்கு மேற்கூறிய இரண்டு சொகுசுக் கப்பல்கள் பற்றி ஏதாவது பயண விளக்கம் / முன்பதிவு உதவிக்கு 044 -42145808 / 42080946 என்ற எண்களை தொடர்பு கொள்ளவும்.

படங்கள் நன்றி : அந்தந்த க்ரூஸ் வலைத் தளங்கள்

ஏர்டெல் நிறுவனத்தின் அலட்சியம்: கோடிகளில் பணம் வீண்!!

2011-05-26T19:46:00.002+05:30

நாட்டில் எரிபொருள் தட்டுப்பாடு தலைவிரித்தாடும் நிலையில், ஏர்டெல் நிறுவனத்தின் அலட்சிய போக்கால் நாள்தோறும் ஏராளமான டீஸல் வீணாகிறது. விஷம் போல ஏறிக்கொண்டிருக்கும் எரிபொருள் விலையினால் நாம் வாங்கும் ஒவ்வொரு அத்தியாவசியப் பொருளின் விலையும் தாறுமாறாக ஏறிக்கொண்டிருக்கிறது என்பது ஊரறிந்த சேதி.

ஏர்டெல் மற்றும் பல தொலைபேசி/அலைபேசி நிறுவனங்களால் அரசுக்கு ஆண்டுதோறும் ஏற்படும் இழப்பு கிட்டத்தட்ட ரூ.2600 கோடியாகும். இதில் முதலிடத்தில் இருக்கும் ஏர்டெல் மட்டுமே நாடெங்கிலும் உள்ள பெரும்பாலான அலைபேசி கோபுரங்களை (mobile towers) ஆக்கிரமித்துக் கொண்டுள்ளது. இந்த கோபுரங்களை இயக்க எரிபொருள் தேவை. இதற்குதான் ஏராளமான டீசலை ஏர்டெல் நிறுவனம் தேவையில்லாமல் செலவு செய்து வருகிறது.

டீசலுக்கு பதிலாக சுற்றுசூழலுக்கும், நாட்டின் பொருளாதாரத்திற்கும் பாதிப்பு ஏற்படுத்தாத வகையில் மாற்று எரிபொருளை (renewable energy)-உதாரணம் சூரியசக்தி -பயன்படுத்துமாறு சுற்றுசூழல் ஆர்வலர்களும், பொதுமக்களும் கேட்டுக்கொண்ட பிறகும் ஏர் டெல் மற்றும் பல பெரிய தொலை/அலைபேசி நிறுவனங்கள் அதை காதில் போட்டுக் கொண்டதாக தெரியவில்லை. நம் மத்திய/மாநில அரசுகள் அவரவர் வசதிக்கேற்ப பொது மக்களை கொள்ளை அடித்து வரும்போது இதையெல்லாம் கவனிக்க அவர்களுக்கு ஏது நேரம்?

உலகநாயகன் கமல் ஹாசனின் விஸ்வரூபம்: இயக்குனர் மாற்றம்

2011-05-24T08:21:00.000+05:30

இத்தனை நாளும் செல்வராகவன் இயக்கி கமல் நடிப்பதாக இருந்த விஸ்வரூபம் படம், திடீரென கமலே இயக்குவதாக செய்தி வெளியாகி உள்ளது. இந்தப் படத்தின் கதை, வசனம், பாடல்கள் மற்றும் இயக்கம் அனைத்துமே கமல் செய்யப்போவதாக ஒரு செய்தி.

இசை மட்டும் போனால் போகிறது என்று ஷங்கர் மகாதேவன்-ஈஷான்-லாய் வசம் ஒப்படைக்கப்பட்டுள்ளது. இதற்கு முன் இந்த மூவர் இசை அமைத்த படம் ஆளவந்தான். அதில் எந்தப் பாடலுமே ஹிட் ஆகவில்லை என்பது தமிழ் கூறும் நல்லுலகம் அறிந்தது. முதலில் இந்தப் படத்திற்கு யுவன் ஷங்கர் ராஜா இசை அமைப்பார் என செய்தி வந்தது. பிறகு கமலின் தலையீட்டால் இந்த மாற்றம்.

இது வரை இல்லாத அளவு இந்தப் படத்திற்கு ரூ.150 கோடி பட்ஜெட் என தகவல். தமிழ், தெலுங்கு மற்றும் ஹிந்தி ஆகிய மொழிகளில் வரும் நவம்பர் 7 தேதி (கமலின் பிறந்த நாள்) வெளியாகும் எனத் தெரிகிறது. இந்தப் படம் மிகப் பெரிய வெற்றி அடைய கமலின் தீவிர ரசிகன் என்ற முறையில் மனமார்ந்த வாழ்த்துக்கள்.

அதே தீவிர ரசிகன் என்ற முறையில் சில சந்தேகங்கள்:

செல்வராகவன் இயக்காவிட்டால் வேறு யாரும் இயக்கக்கூடாதா? ஏன் கமலே இயக்க வேண்டும்?
நடிப்பில் கமலை வெல்ல வேறு யாருமில்லை என்பது உலகறிந்த விஷயம். ஆனால், ஏன் கதை, திரைக்கதை, வசனம், பாடல்கள் என்று டி.ஆர் பாணியில் இவர் போக வேண்டும்?
பாடல் எழுதும் விஜய் போன்றவர்கள் நடிக்கும்போது கமல் பாடல் எழுதக்கூடாதா எனக் கேட்கலாம், ஆனால் இது கமலுக்கு தேவையா?
விறுவிறுப்பான திரைக்கதை, வசனம் எழுத எவ்வளவோ பேர் தமிழ் திரையுலகில் இருக்கிறார்கள். கமலுக்கு எல்லாமே தெரியும், அவர் ஒரு சகலகலாவல்லவர் என்று நம் எல்லோருக்கும் தெரியும், அப்படி இருக்கும் போது இதை மறுபடி, மறுபடி கமல் நிரூபிக்க வேண்டுமா என்ன?

ஹ்ம்ம்....காலம் பதில் சொல்லும்.

ஆடம்பரம் வேண்டாம் : எளிமை வேண்டும் : முதல்வர் ஜெ., வேண்டுகோள்- 9 கோடி புத்தகங்களை மாற்ற ஆகும் செலவு? அது தண்ட செலவு இல்லையா?

2011-05-20T07:27:00.000+05:30

தமிழகம் மற்றும் புதுச்சேரி மாநில சட்டசபை பொதுத்தேர்தலில், அ.தி.மு.க., சார்பில் வெற்றி பெற்ற எம்.எல்.ஏ.க்கள் அவரவர் தொகுதிகளுக்கு நன்றி தெரிவிக்க செல்லும் போது எந்தவிதமான ஆடம்பரமும் இல்லாமல், எளிமையாக, அநாவசியமாக செலவு செய்யாமல் செல்ல வேண்டும் என்று முதல்வர் ஜெயலலிதா கூறியுள்ளார். அம்மா, ரொம்பவும் மகிழ்ச்சியான செய்தி.

ஆனால், முன்னாள் முதல்வரின் படைப்புகள் சில குழந்தைகளின் பாடப் புத்தகங்களில் இருக்கும் ஒரே காரணத்திற்காக, அவற்றை நீக்க வேண்டும் என்ற எண்ணத்தில் ஏற்கனவே அச்சிடப்பட்டுள்ள 9 கோடி பாடப் புத்தங்களை என்ன செய்யப் போகிறார் என்பது ஒரு முக்கியமான கேள்வி.

அத்தனைப் புத்தகங்களை மீண்டும் புதிதாக அச்சிட எவ்வளவு செலவு என்பது ஒருபுறமிருக்க, அத்தனை புத்தகங்களுக்கான காகிதம் கிடைக்க இன்னும் எத்தனை கோடி மரங்களை அழிக்க வேண்டும்? அம்மா யோசிப்பாரா? புதிய சட்டசபை கட்டிட பணிகள் முடிந்தபின் அதை என்ன செய்யப்போகிறார் என்பதோடு, ஏற்கனவே அச்சிடப்பட்டுள்ள புத்தகங்களில் வேண்டாத பக்கங்களை அந்தந்த பள்ளிகளில் சொல்லி ஸ்டேப்ளர் போட்டுவிடலாமே? இதற்காக மறுபடியும் தண்ட செலவு தேவையா?

எம்.எல்.ஏக்களுக்கு எளிமையை போதிக்கும் முதல்வர் இதைப் பற்றி யோசிக்க வேண்டும்.

துபாய்! துபாய்!! துபாய்!!!

2011-05-10T00:01:00.005+05:30

பல நாடுகளை ஏற்கனவே பார்த்து விட்டாலும், இதோ வெகு அருகிலேயே இருக்கும் துபாய் மற்றும் இலங்கையை இன்னும் பார்க்கவில்லை என்ற குறை எனக்குள் ரொம்ப நாட்களாக இருந்து வந்தது. நெருங்கிய நண்பர் ஒருவர் இலங்கைக்கு சென்றுவிட்டு வந்து, "என்னடா, அப்பிடியே கேரளாவுக்கு போயிட்டு வந்த மாதிரி இருக்கு," என்று சொல்லவே, இலங்கை செல்லும் ஆசை குறைந்துவிட்டது.

துபாய் செல்லும் சந்தர்ப்பம் கடந்த 30 ம் தேதி கிட்டியது. என்னுடைய அலுவலக வேலை நிர்பந்தத்தின் காரணமாக என்னுடைய பெரும்பாலான பயணங்கள் தனியாகவே அமைந்துவிடும். ஒரு சில பயணங்கள் என் நெருங்கிய நண்பர்களுடன். ஒரே ஒரு முறை குடும்பத்துடன் சிங்கப்பூர், மலேசியா மற்றும் தாய்லாந்து சென்று வந்தேன்.

துபாயில் காலை ஆறு மணிக்கு விமான நிலையத்திலிருந்து வெளிவந்தபோது ஏதோ அடுப்புக்குள் வந்த மாதிரி ஒரு சூடு. உடனடியாக காத்திருந்த காரில் ஏறி ஹோட்டலுக்கு சென்றுவிட்டோம். என் மனைவி தீவிர சைவம் என்பதால், ஒரு வேளை சாப்பிட சரியாக கிடைக்காவிட்டால் எதற்கும் இருக்கட்டும் என்று ஒரு சர்விஸ் அப்பார்ட்மென்ட்டை புக் செய்து வைத்திருந்தேன். நல்ல காற்றோட்டமாக, வாஷிங் மெஷின், பிரிட்ஜ், மைக்ரோவேவ் அவன் என்று சகல வசதிகளுடன் இருந்த அந்த சர்விஸ் அப்பார்ட்மென்ட்டைப் பார்த்தவுடன் என் மனைவிக்கு குஷி வந்துவிட்டது. சாப்பாடு சரியில்லை என்றால் நானே சமைத்து விடுகிறேன் என்று சொல்லியவுடன், ஒரு நாள் வாடகை நம் இந்திய மதிப்பில் ரூ.14,000/- என்றாலும், நானும் குஷியாகிவிட்டேன்.

துபாய் நண்பர் வெங்கடேஷ் அருகிலிருக்கும் சுக் சாகர் என்ற இந்திய உணவகத்துக்கு அழைத்து சென்றார். சூடாக இட்லி, வடை சாப்பிட்ட பிறகு துபாயில் 5 நாட்களை கடத்திவிடலாம் எனத் தோன்றியது. ஒரு பாலைவனத்தை இப்படி ஒரு மெகா நகரமாக மாற்றி அமைத்ததற்காகவே துபாய் அரசை பாராட்டவேண்டும். தண்ணீர், காய்கறிகள், பழங்கள், அரிசி அனைத்து பொருட்களுமே இறக்குமதி செய்யவேண்டிய கட்டாயம் என்றாலும் எதிலுமே குறை இல்லை என்றுதான் சொல்லவேண்டும். ஆனால் எல்லாமே ரொம்ப, ரொம்ப விலை அதிகம். எனக்குத் தெரிந்து துபாயில் விலை குறைந்த ஒரே சமாசாரம் பெட்ரோல்தான். ஒரு லிட்டர் கிட்டத்தட்ட ரூ.22 என்று கேட்டவுடன் பேசாமல் ஒரு டேங்கர் பெட்ரோலை சென்னைக்கு கடத்தினால் என்ன என்று கூட அபத்தமாக தோன்றியது. பல நாடுகளில் பெரிய, பெரிய ஷாப்பிங் மால்களை ஏற்கனவே பார்த்துவிட்டதால், மாறுதலுக்கு வேறு எங்காவது செல்லலாம் என்று துபாய் தங்க வீதிக்கு (கோல்ட் சூக்-gold souk ) சென்றோம். ஜாய் ஆலுக்காஸ் இங்கும் பெரிய கடை ஒன்றைத் திறந்து அட்சய திரிதியை முன்னிட்டு தங்கம் வாங்கினால் தங்கம் இலவசம் என்று கூவி, கூவி விற்றுக் கொண்டிருந்தார்கள். தங்கம் வாங்கும் ஆசை இருந்தாலும், டப்பு அதிகமில்லை என்பதால் "விண்டோ ஷாப்பிங்" செய்துவிட்டு (பிளாட்டினம் காயின் முதற்கொண்டு எல்லாம் கிடைக்கிறது), வண்டி ஏறினோம்.

ஆனால், சில பிரபல மால்களையும் விடவில்லை. துபாய் மால், தேரா மால், எமிரேட்ஸ் மால் ஆகியவை மிக பிரமாதமாக இருக்கின்றன. துபாய் ஷேக்குக்கு துட்டு அதிகம் என்ற காரணத்தினால், ஊரையே ஏசி செய்து வைத்ததோடு நில்லாமல், பஸ்சுக்கு காத்திருக்கும்போதும் பொது மக்கள் வெயிலில் வாடக் கூடாது என்ற நல்ல எண்ணத்தில் பஸ் ஸ்டாப் வரை ஏசி செய்திருக்கிறார் (படம் கீழே);

மறுநாள், துபாய் பாலைவனத்திற்கு சென்றோம் (Desert Safari ). எல்லாமே இருந்தும் சுற்றுலா மூலம் நல்ல வருவாய் வரும் என்று தெரிந்தும், சர்வ அலட்சியத்துடன் இருக்கும் நாம் எங்கே, வெறும் பாலைவனத்தை மட்டும் வைத்துக் கொண்டு, அதன் மூலம் விதவிதமான சுற்றுலா திட்டங்களை வைத்து வெளிநாட்டு பயணிகளைக் கவரும் துபாய் எங்கே! பாலைவன சவாரி, அதிகாலையில் பாலைவனத்தில் இருந்து பெரிய, பெரிய பலூன்கள் மூலம் சூரிய உதயத்தை ரசிக்க பிரமாதமாக ஏற்பாடுகள், பாலைவனத்தில் இரவு பிரத்யேக கூடாரங்களில் தாங்கும் வாய்ப்பு, இரவு நடனத்துடன் (belly dance ) உணவு என்று ஏராளமாக இருக்கின்றன.

பாலைவன மணலில் சும்மா சர்வ சாதாரணமாக ஒரு கையிலேயே காரை ஓட்டிய (மறு கையில் செல் போன்) அந்த ஓட்டுனரைப் பாராட்டவேண்டும்.

மறு நாள் அலுவலக வேலையாக துபாய் இண்டர்நேஷனல் ட்ரேட் சென்டர் வரை சென்று விட்டு, மதியம் உலகின் மிக உயரமான கட்டிடமான "புர்ஜ் காலிபா (Burj Khalifa ) சென்றோம்.

மேலே இருக்கும் மூன்று படங்களுமே புர்ஜ் காலிபாவின் 124 லெவலில் இருந்து எடுத்தவை

ஏறத்தாழ 2718 அடி உயரம் கொண்ட இந்தக் கட்டிடத்தில் 164 மாடிகள் உள்ளன. பொதுமக்கள் 124 மாடிகள் வரைதான் அனுமதிக்கப்படுகிறார்கள். உலகின் மிக உயரமான கட்டிடம் என்பது தவிர மேலும் சில பெருமைகளும் இதற்கு உண்டு:

உலகின் மிக உயரமான தனித்த கட்டிடம் (tallest free - standing )
உலகில் அதிக மாடிகள் உள்ள கட்டிடம்
உலகில் அதிக உயரத்துக்கு செல்லும் மின்-தூக்கி (lift )
உலகில் அதிக உயரத்தில் இருக்கும் கண்காணிப்பு மேடை (observation desk )

இந்தக் கட்டிடத்தில் இருந்து பார்க்கும்போது துபாய் பரப்பளவில் எவ்வளவு சிறியது என்பது தெரிகிறது.

பெட்ரோல் வளம் அதிகம் என்பதால் தங்கம் கூட ATM மெஷின் மூலம் கிடைக்கிறது. (படம் கீழே)

துபாயில் திருட்டு பயம் என்பது அறவே கிடையாது. திருட்டுக்கு மிகக் கடுமையான தண்டனை என்பதால் எந்தப் பிரச்னையும் இல்லை. பெட்ரோல் விலையும், கார்கள் விலையும் குறைவு என்பதால் சிறிய கார்களைக் காண்பது அரிதாகவே இருந்தது.

சாலைகள் மிக சுத்தமாக, பெரும்பாலும் காலியாகவே இருக்கின்றன (நம் சென்னை நெரிசலோடு ஒப்பிடும்போது அப்படித் தெரிகிறதோ?)

நான் சந்தித்த வரையில் இந்தியர்கள் (குறிப்பாகத் தமிழர்கள்) சற்று அதிருப்தியாகவே இருக்கிறார்கள். கடுமையான வேலை செய்தும் விலைவாசி மிக அதிகம் என்பதால் சேமிப்பு குறைவாகவே இருக்கிறது, குடும்பத்துடன் இருப்பது மிக கஷ்டமான காரியம் என்கிறார்கள்.

துபாயில் என்னை மிகவும் உறுத்திய விஷயம் இந்தியர்களை அவர்கள் நடத்தும் விதம். விமான நிலையத்திலேயே சுற்றுலா பயணிகள் என்று தெரிந்தும் மரியாதை குறைவாகவே நடத்துகிறார்கள். இமிக்ரேஷன் வரிசையில் நிற்கும்போதே தேவையே இல்லாமல் ஒரு செக்யூரிட்டி அதிகாரி "லைன் மே ஜாவ்" என்று நாய் மாதிரி குலைத்துக் கொண்டிருந்தான். பெரும்பாலான இந்தியர்கள் பலி கடா மாதிரி தலையைக் குனிந்து கொண்டே செல்கிறார்கள். இமிக்ரேஷன் வரிசை எவ்வளவு நீளமாக இருந்தாலும் தெரிந்தவர்கள் வந்தால் (குறிப்பாக இஸ்லாமியர்கள்) செக்யூரிட்டி அதிகாரிகள் அவர்களைப் போற்றி பாதுகாத்து கொண்டுபோய் வரிசையில் முதலில் நிற்க வசதி செய்கிறார்கள்.

பயணம் முடிந்து விமானம் ஏறியபோது என் மனைவியிடம் இருந்து ஒரு கேள்வி, "இவ்வளவு முறை சிங்கப்பூர் சென்று வருகிறீர்களே, எது பெஸ்ட், சிங்கப்பூரா, துபாயா?"

என்னைப் பொறுத்த வரை துபாய் என்ன முக்கினாலும், எவ்வளவு புர்ஜ் காலிபா வந்தாலும் சிங்கப்பூரை நெருங்கக் கூட முடியாது. எல்லாவற்றையும் விட சிங்கப்பூரில் மனிதாபிமானம் அதிகம் என்பதே என் கருத்து.

சினிமாகிராஃப் (Cinemagraph) - அசையும் புகைப்படங்கள்

2011-04-28T09:44:00.002+05:30

சினிமாகிராஃப் என்பது ஒருவகையான ஸ்டில் படம்தான், ஆனால், அந்தப் புகைப் படத்தின் ஏதாவது ஒரு பகுதி சிறிதளவு அசைவுடன் (உயிர்ப்புடன்) இருக்கும். இந்த வகை தொழில்நுட்பம் சாதாரண புகைப்படத்துக்கு ஒரு படி மேல், வீடியோவுக்கு ஒரு படி கீழ்.

கீழே கொடுத்துள்ள புகைப்படங்களைப் பாருங்கள்: (பிராட்பாண்ட் இணைப்பு வேண்டும்)

பெண்ணின் தலைமுடியும், கழுத்திலுள்ள டாலரும் அசைவதைப் பாருங்கள்

எல்லோரும் நடந்து கொண்டு இருக்கும்போது செய்தித்தாள் படிப்பவரின் கைகள் அசைவதைப் பாருங்கள்

சாலை வழியே செல்லும் டாக்சியின் பிரதிபலிப்பை கண்ணாடியில் பாருங்கள்

நன்றி: மெயில் ஆன்லைன் செய்தித்தாள்

ஆன்மிக குரு ஸ்ரீ சத்ய சாய் பாபா மறைவு

2011-04-24T10:46:00.001+05:30

இன்று காலை சுமார் 7 : 40 அளவில் உலகப் புகழ் பெற்ற ஸ்ரீ சத்ய சாய் பாபா மறைந்தார். இவர் கடவுளின் அவதாரமா இல்லையா என்பது பற்றி இங்கு நான் விவாதிக்கப் போவதில்லை. ஆனால் சாய் பாபாவைப் பிடிக்காதவர்கள் கூட சாய் பாபாவின் தொண்டு நிறுவனங்களின் சேவையை மறுக்க முடியாது. கோடி, கோடியாக வருமானம் வருவதை ஏழை மக்களின் உதவிக்காக பல்வேறு மருத்துவமனைகள், குடி தண்ணீர் திட்டங்கள், கல்வி நிறுவனங்கள் நிறுவியது சாய் பாபாவின் ஒரு பாராட்டத்தக்க செயலாகும். அவர் மறைவுக்குப் பிறகு கிட்டத்தட்ட ரூ.40 ,000 கோடி பெறுமானமுள்ள அவருடைய ட்ரஸ்ட்டின் நிலை என்னவாகும், சாய் பாபா உயிருடன் இருந்தபோது நடந்த அந்த தன்னலமற்ற தொண்டு தொடருமா என்பது பெரிய கேள்விக்குறி.

டாக்டர் ருத்ரன் போன்ற அதிமேதாவிகள் சாய் பாபா மக்களை ஏமாற்றினாரா, மக்களின் மூட நம்பிக்கையை வளர்த்தாரா என்பது போன்ற கேள்விகளைக் கேட்கும் போது, சாய் பாபா அவருடைய ட்ரஸ்ட்களின் மூலம் எவ்வளவு நல்ல காரியங்களை செய்து வந்தார் என்பதை ஏன் ஒப்புக் கொள்ள மறுக்க வேண்டும்? ஏழைகளின் உதவிக்காக ஒரு பைசா கூட செலவில்லாமல் ஓபன் ஹார்ட் சர்ஜரி வரை அவருடைய சூப்பர் ஸ்பெஷால்ட்டி மருத்துவமனைகளில் நடந்து வருகின்றன. ஆந்திர மாநிலம் மற்றும் தமிழ்நாட்டிலும் குடிதண்ணீர் வழங்குவதில் ஏரளாமான உதவிகளை அவருடைய ட்ரஸ்ட் செய்து வருகிறது. வசதி இல்லாத மாணவர்களின் படிப்பு வசதிக்காக அவருடைய பல்வேறு கல்வி நிறுவனங்கள் உதவி வருகின்றன.

தன்னை பகுத்தறிவுக் காவலன் என்று காட்டிகொள்ளும் நம் முதல்வரைப் போன்றவர்கள் கூட தமிழ்நாட்டு குடிதண்ணீருக்காக சாய் பாபாவின் உதவியைத்தான் நாடினார்கள். நம்முடைய துணை முதல்வர் ஸ்டாலின் வெட்கமே இல்லாமல், சென்னையில் கூவம் ஆறு சுத்தப்படுத்தும் பணிக்கு சாய் பாபாவிடம் பொருளுதவி கேட்பதாக பொது மேடைகளில் முழங்கினார். பகுத்தறிவை மக்களிடையே வளர்க்க முற்படும் அரசியல் கட்சிகள், அதனுடைய தலைவர்கள் யாராவது இதைப் போன்று தனக்கு வரும் வருமானத்தை செலவிட முன் வருவார்களா? இதற்கு முன் யாராவது செய்திருக்கிறார்களா? ஆந்திர மாநிலத்திலிருந்து சென்னைக்கு குடிதண்ணீர் வருவதற்காக சாய் ட்ரஸ்ட் ரூ.200 கோடிக்கு மேல் செலவிட்டுள்ளது என்று இன்றைய இரங்கல் செய்தியில் முதல்வர் ஒப்புக்கொண்டுள்ளார்.

புட்டபர்த்திக்கு போகும் எந்த பக்தனும் கட்டாயமாக பொருளுதவி செய்ய வேண்டிய கட்டாயமில்லை. அங்கு வந்து குவியும் பொருளுதவி எல்லாமே பக்தர்கள் தாமாகவே முன்வந்து வழங்கும் நன்கொடைகள்தாம். கடவுள் நம்பிக்கை என்ற பெயரில் மூட நம்பிக்கையை வளர்த்து, வருமானத்தை பெருக்கிக் கொண்டு, சுயநலத்தோடு வாழும் எவ்வளவோ சாமியார்கள் இங்கு இருக்கிறார்கள். ஆனால், சாய் பாபா அவ்வகைச் சார்ந்தவரல்ல. உலகெங்கும் பரவியுள்ள அவருடைய தொண்டு நிறுவனங்களே அதற்கு சாட்சி. ஒருவர் மீது சேற்றைவாரி தூற்றும் முன் அவர் செய்த நல்ல காரியங்களை நினைவு கூற மறுப்பது டாக்டர் ருத்ரன் போன்ற அதிமேதாவிகளுக்கு நியாயமாகப்படுகிறதா? அல்லது மனிநிலை சரியில்லாதவர்களுடன் பழகிப்பழகி அவருக்கும் மனநிலை சரியில்லாமல் போய்விட்டதா?

கோ -ஒளிப்பதிவில் ஒரு மைல்கல்

2011-04-24T10:24:00.001+05:30

ஒளிப்பதிவாளர் கே.வி.ஆனந்த் வித்தியாசமாக தொடர்ந்து சிந்திக்கிறார் என்பதற்கு சமீபத்திய சாட்சி "கோ" திரைப்படம். கோ என்றால் மன்னன் அல்லது தலைவன் என்று பொருள் (எந்த மொழியிலா? அடப்பாவிகளா, தமிழ் மொழிலதான்).

இந்தப் படத்தில் முதலில் சிம்பன்ஸி.மன்னிக்கவும், சிம்பு எனும் எஸ்.டிஆர். நடிப்பதாக இருந்ததாம், நல்ல வேளை, நடிக்கவில்லை. நடித்திருந்தால் இந்த வெற்றிப் படம் பப்படம் ஆகியிருக்கும்.

முதலில் கோ படத்தின் கதாநாயகனை உங்களுக்கு அறிமுகப்படுத்துவது என் கடமை. இதோ அந்த நாயகன்.


கோ படத்தின் உண்மையான நாயகன் - படத்தின் ஒளிப்பதிவாளர் ரிச்சர்ட் எம். நாதன்

இயக்குனர் கே.வி.ஆனந்த் ஒரு தேர்ந்த ஒளிப்பதிவாளர் என்பதால் ஒரு மிகச் சிறந்த ஒளிப்பதிவுள்ள படத்துக்கு இந்த படத்தின் ஒளிப்பதிவாளர் ரிச்சர்ட் மூலம் சிறப்பு சேர்த்துள்ளார்.

படத்தின் ஆரம்ப காட்சி முதல் கடைசி வரை ஒளிப்பதிவு மிகப் பிரமாதமாக வந்துள்ளது. ஆரம்ப வங்கிக் கொள்ளையில் ஆரம்பித்து, சந்து, பொந்து, சேரி எனத் தொடர்ந்து, நார்வே, சீனா என பயணித்து ரிச்சர்ட்டின் ஒளிப்பதிவு அட்டகாசம் செய்கிறது.

கோ படத்தின் கதை மிகவும் டாப்பிகல் (topical) என்று சொல்லவேண்டும். பொருத்தமான நேரத்தில் இந்தப் படத்தை வெளியிட்டுள்ளார்கள்.

ரஸ்ஸல் க்ரோ (Russel Crowe) நடித்து 2009 இல் வெளிவந்த The State of Play என்ற படத்தின் மையக்கருவை உருவி அதற்கு தமிழ்நாட்டின் அரசியல் சாயம், மற்றும் தமிழ் சினிமாவின் மசாலா கலந்து பொழுதுபோக்கான படமாக கொடுத்திருக்கும் கே.வி.ஆனந்தை பாராட்டவேண்டும்.

திரும்பத் திரும்ப ஊழல், ஊழல் என்ற உளுத்துப் போன அரசியல் பின்னணியை விட்டு சற்று வெளியே வந்து படித்தவர்களும், இளைஞர்களும் அரசியலுக்கு வரவேண்டும் என்ற முறையில் கதை அமைத்த எழுத்தாளர்கள் சுபா மற்றும் இயக்குனரை பாராட்டவேண்டும்.

திரைக்கதையில் விறுவிறுப்பு இருந்தாலே படம் பாதி வெற்றி என்ற பார்முலாவை நேர்த்தியாக கையாண்டிருக்கிறார் இயக்குனர். இசை சுமார் ரகம்தான். ஒரே ஒரு பாடல் (என்னமோ, ஏதோ) தவிர வேறு எந்தப் பாடலும் இனிமையாக இல்லை. பின்னணி இசையும் ரொம்ப சாதரணமாகவே இருக்கிறது.

நடிப்பைப் பொறுத்தவரை அஜ்மல்,பியா இருவரும் நன்றாக செய்துள்ளனர். ஜீவா அதிகம் அலட்டிகொள்ளாமல் வருவதே நன்றாக இருக்கிறது. பழைய நடிகை ராதாவின் மகள் கார்த்திகா நெடுநெடுவென்று இருக்கிறார். பொருத்தமான உடைகளை அணிந்து வருகிறார் என்பதைத் தவிர சொல்ல வேறு எதுவும் இல்லை. அடிக்கடி இடது புருவத்தை அரையடி மேலே தூக்குவதை இயக்குனர்/ஒளிப்பதிவாளர் திருத்தியிருக்க வேண்டும்.

வீணடிக்கப்பட்ட ஒரு பாத்திரத்தில் பிரகாஷ்ராஜ். ஆந்திர அரசியலை சில வருடங்களுக்கு முன் ஆட்டிவைத்த ஒரு சம்பவத்தை (வயதான அரசியல்வாதி இளம்பெண்ணைத் திருமணம் செய்து கொள்வதை) நன்றாக காட்டியுள்ளனர், ஆனால் இது இப்போதுள்ள எத்தனை இளைஞர்களுக்குத் தெரியும் என்று தெரியவில்லை.

சண்டைக்காட்சிகளில் ஹாங்காங்கில் இருந்து வரவழைக்கப்பட்ட Phantom Flex என்ற அதி நவீன காமெராவை புத்திசாலித்தனமாக கையாண்டுள்ளார் ஒளிப்பதிவாளர். இந்தக் காமெராவில் ஒரு செகண்டுக்கு 2500 பிரேம்களை (frames) எடுக்க முடியும் என்பது ஒரு ஆச்சரியம் என்றால், ஒரு செகண்டில் எடுக்கப்பட்ட காட்சியை ஸ்லோ மோஷனில் 18 செகண்ட் வரை நீட்டித்து காட்ட முடியும். இந்த வகை காமெராக்கள் பொதுவாக ஜேம்ஸ் பாண்ட் படங்களில்தான் உபயோகிப்பார்கள்.

ஒளிப்பதிவாளர் ரிச்சர்ட் இதற்கு முன் அங்காடித் தெரு, பானா காத்தாடி போன்ற படங்களில் பணி புரிந்திருந்தாலும் இந்தப் படம் நிச்சயமாக அவருக்கு ஒரு மைல்கல் என்றுதான் சொல்லவேண்டும்.

ஜீவாவும், கார்த்திகாவும் பாடும் "வெண் பனியே" பாட்டின் பின்னணியில் வரும் பனிச் சிற்பங்கள் அட்டகாசமாக இருப்பதைப் பார்க்கலாம். இந்தப் பாடல் சீனாவில் உள்ள ஹார்பின் (Harbin) என்ற இடத்தில் எடுக்கப்பட்டது. வருடம் ஒரு முறை நடக்கும் Ice & Snow Sculpture Festival என்ற வருடாந்திர நிகழ்வை அருமையாக பயன்படுத்திக் கொண்டுள்ளார் இயக்குனர்.

படத்தின் நீளத்தை கொஞ்சம் குறைத்திருக்கலாம். குறிப்பாக அந்த குண்டு நடிகை சோனா வரும் காட்சி படு தண்டம். இடைவேளைக்குப் பிறகு அவ்வளவு பாடல்கள் தேவையா?

கே.வி ஆனந்தின் விறுவிறுப்பான இயக்கம், மற்றும் மிகத் தரமான ஒளிப்பதிவு ஆகியவற்றுக்காக ஒரு முறை திரை அரங்கில் சென்று பாருங்கள் (சென்னையாக இருந்தால் சத்யம் அரங்கத்தில் பார்ப்பது சாலச் சிறந்தது).

கிரிக்கெட்டில் ஹெலிகாப்டர் ஷாட்டை அறிமுகப்படுத்தியது சச்சின்தான்

2011-04-18T09:16:00.001+05:30

இந்திய கிரிக்கெட் காப்டன் தோனிதான், ஹெலிகாப்டர் ஷாட் எனும் முறையை, பேட்டிங் நுட்பத்தில் புகுத்தினார் என்று பரவலாகப் பேசப்பட்டு வந்தது! இது குறித்து, பெப்ஸி விளம்பரமும் தோனியைக் கொண்டு, உலகக் கோப்பையை ஒட்டி வெளியிடப் பட்டது!

ஆனால், இந்த முறையிலான மட்டை வீச்சு. சுமார் 9 வருடங்களுக்கு முன்னரே, சச்சினால் விளையாடப் பட்டுள்ளது, என்பது தற்போது நிரூபிக்கப் பட்டுள்ளது!

நன்றி: rammy's blogspot

என் கருத்து

இணைக்கப்பட்டுள்ள வீடியோவே இதற்கு சாட்சி. இதைப் பெரிதாக புகழ் பெறச் செய்த பெப்ஸி நிறுவனத்திற்கு நன்றி. ஆனால், இது தன்னால் ஏற்கனவே, 2002 ம் ஆண்டிலேயே விளையாடப்பட்ட ஒரு ஷாட் என்று தெரிந்தும் அதை தோனிக்கு கிரெடிட் செய்த பெப்ஸி விளம்பரத்தை பெரிதாக லட்சியம் செய்யாமல் தான் ஒரு பக்கா ஜென்டில்மேன் என்பதை மறுபடியும் நிரூபித்து இருக்கிறார் கிரிக்கெட் கடவுள் சச்சின்!

குறிப்பு: தோனியின் கிரிக்கெட் திறமை குறித்து விமர்சனம் செய்வது இந்தப் பதிவின் நோக்கமல்ல. அவர் சந்தேகமில்லாமல் ஒரு மிகச் சிறந்த ஆட்டக்காரர்தான்.

அன்நோன் (Unknown)-ஆங்கிலப் பட விமர்சனம்

2011-04-17T09:11:00.001+05:30

லியம் நீஸன்ஒரு தேர்ந்த ஹாலிவுட் நடிகர். ஷிண்ட்லெர்ஸ் லிஸ்ட் (Schindler's List) , ராப் ராய் (Rob Roy), மைக்கேல் காலின்ஸ் (Michael Collins) போன்ற அருமையான படங்களில் நடித்துள்ளவர். சமீபத்தில் வெளிவந்த டேக்கன் (Taken) படம் ஒரு மிக விறுவிறுப்பான படம். இளம் பெண்களை கடத்தி, விபச்சாரத்திற்கும், கையாகாலாத கிழவர்களின் காம லீலைகளுக்கும் இரையாக்கும் ஒரு கும்பலை தேடிச்சென்று வேட்டையாடி அழிக்கும் இந்தப் படம் வணிக ரீதியில் நல்ல வரவேற்பை பெற்றது.

ஓகே, அன்நோன் (Unknown ) படம் எப்படி என்று பார்ப்போம்: நாயகன் டாக்டர் மார்ட்டின் ஹாரிஸ் (லியம் நீஸன்) தனது மனைவி எலிசபெத்துடன் ஜெர்மனியில் உள்ள பெர்லின் நகருக்கு ஒரு பயோ-டெக்னாலஜி மாநாட்டிற்கு வருகிறார். விமான நிலையத்திலிருந்து அவர்கள் தங்கப்போகும் ஹோட்டலுக்கு வரும்போது, தன்னுடைய கைப்பெட்டி (brief case) தொலைந்து போய்விட்டது என்று உணர்ந்து, அதில் தன்னுடைய பாஸ்போர்ட் மற்றும் முக்கியமான விஷயங்கள் இருப்பதால், மனைவியை ஹோட்டலில் விட்டுவிட்டு இன்னொரு டாக்சியில் மறுபடியும் விமான நிலையத்திற்கு செல்கிறார். போகும் வழியில் ஏற்படும் ஒரு விபத்தில் அவர் பயணிக்கும் கார் தண்ணீரில் மூழ்கிவிட, மார்ட்டின் தனது சுயநினைவை இழக்கிறார்.

நான்கு நாட்கள் கழித்து கண் விழித்து (கண்களை விழித்து என்றுதானே இருக்க வேண்டும்? ஏன், எல்லோருமே கண் விழித்து என்று ஒருமையில் சொல்லுகிறோம்? குடும்ப ஆட்சி நடத்தும் தமிழ் தாத்தாவிடம்தான் கேட்க வேண்டும்) பார்க்கும்போது அவருக்கு மெதுவாக தன்னைப் பற்றிய ஞாபகங்கள், துண்டு துண்டாக, வருகின்றன. தான் தங்கியிருக்கும் ஹோட்டலுக்கு விரைகிறார், டாக்டர் மார்ட்டின். அங்கு அவர் மனைவி உட்பட அவரை யாரும் அடையாளம் கண்டுகொள்வதில்லை. அவருக்கு தன்னை நிரூபிக்க எந்த விதமான ஆவணங்களும் இல்லாததால், அவரை ஹோட்டல் நிர்வாகம் வெளியேற்ற முற்படுபோது, டாக்டர் மார்ட்டின் என்று சொல்லிக் கொண்டு வேறு ஒரு ஆள் அங்கு இருப்பதைப் பார்த்து மேலும் அதிர்ச்சி அடைகிறார் நாயகன்.

தான் யார் என்பதை நிரூபிக்க எந்த ஆதாரங்களும் இல்லாத நிலையில் மறுபடியும் தான் இருந்த மருத்துவமனைக்கே செல்கிறார் மார்ட்டின். அங்கு இருக்கும் ஒரு நர்ஸ், இவரைப் பார்த்து பரிதாப்பட்டு தன்னுடைய நண்பர் ஒருவரின் விலாசத்தைக் கொடுத்து அவரைச் சென்று பார்க்குமாறு சொல்கிறார். இடையில், கார் விபத்து நேரிட்டபோது அந்த காரை ஓட்டிய பெண் டிரைவரையும் சந்திக்கிறார் மார்ட்டின். என்ன ஆனாலும் தான் யார் என்பதைக் கண்டுபிக்கவேண்டும் என்று போராட ஆரம்பிக்கிறார் டாக்டர் மார்ட்டின். அவருடைய போராட்டங்களின் முடிவில் ஏகப்பட்ட திருப்பங்களுடன் முடிகிறது படம்.

திரைக்கதை நன்றாக இருக்கிறது, காட்சிகள் வேகமாக நகர்கின்றன, ஒளிப்பதிவு கண்ணில் ஒற்றிக்கொள்ள வைக்கும் அளவு துல்லியமாக இருக்கிறது, லியம் நீஸன் நடிப்பு நன்றாக இருக்கிறது என்றெல்லாம் சொன்னாலும், மாட் டாமன் (Matt Damon) நடித்த Bourne Identity , ஹாரிஸன் போர்ட் (Harrison Ford) நடித்த பிரான்டிக் (Frantic) போன்ற படங்கள் நினைவுக்கு வருவதைத் தவிர்க்க முடியவில்லை.

நாயகனுக்கு உதவி செய்ய வந்து, பின் சயினைட் சாப்பிட்டு மடியும் சின்ன கதாபாத்திரத்தில், ஜெர்மன் மொழியில் வந்து மிகப் புகழ் பெற்ற Downfall என்ற படத்தில் ஹிட்லராக பிரமாதமாக நடித்த நடிகர் வருகிறார். பெண் டிரைவராக வரும் சிறிய வேடத்திற்கு டையேன் க்ருகர் (Diane Kruger) போன்ற தேர்ந்த நடிகை எதற்கு என்று புரியவில்லை. பல வருடங்களுக்கு முன் டிராகுலா வேடங்களில் வந்து பிரமாதப்படுத்திய பிரான்க் லாங்கெல்லா (Frank Langella) ஒரு சிறிய வில்லன் வேடத்தில் வருகிறார். பாவம், தலை வேறு சொட்டையாகிவிட்டது.

ஒன்றரை மணி நேரம் பொழுதுபோகும் அளவுக்கு படம் ஓக்கே என்று சொல்லலாம்.

ரஜினி வாக்களிப்பதை படமாக்கிய மீடியாவின் அடாவடி செயல்

2011-04-15T11:24:00.000+05:30

தேர்தலில் வாக்களிப்பது ஒரு குடிமகனின் அடிப்படை உரிமை. யாருக்கு வேண்டுமானாலும் அவர்கள் வாக்களிக்கலாம். ஆனால் அவர்கள் யாருக்கு வாக்களித்தார்கள் என்ற ரகசியம் காக்கப்பட வேண்டும் என்பது கட்டாயம்.

ஆனால் தமிழ் சினிமாவில் உச்ச அந்தஸ்தை 30 ஆண்டுகளுக்கு மேல் அனுபவித்துவரும் சூப்பர் ஸ்டார் ரஜினி, ஏதோ ஒரு கட்டத்தில் முதல்வர் பதவியில் அமர்ந்துவிடமாட்டாரா என ரசிகர்களால் (இன்னமும்) நம்பப்படும் இந்த விஷயத்தில் தொடர்ந்து பத்திரிக்கையாளர்களும், அரசியல்வாதிகளும் அவருக்கு சங்கடத்தை உண்டு பண்ணுவதில் குறியாக இருக்கிறார்கள்.

நேற்று அவர் வாக்களித்த போது, எந்த கட்சிக்கு வாக்களித்தார் என்ற ரகசியம் அம்பலமாகிவிட்டது. பொதுவாக அவர் வாக்களிக்க வரும்போது, ரசிகர்களை மிஞ்சும் அளவுக்கு மீடியாக்காரர்கள் மொய்த்துக் கொள்வார்கள். நேற்றும் அப்படித்தான் நடந்தது.

அவர் வாக்களிக்கும் இடத்துக்குச் சென்றபோதும் காமிராக்கள் துரத்தின. அவர்களை அப்புறப்படுத்த ரஜினியும் முயற்சிக்கவில்லை. அவருடன் வந்திருந்தவர்களும் முயற்சிக்கவில்லை. இதனால் அவர் எந்த கட்சிக்கு வாக்களித்தார் என்பதை அப்படியே தெள்ளத் தெளிவாகப் படம்பிடித்துள்ளனர் புகைப்படக்காரர்களும் தொலைக்காட்சி கேமராமேன்களும். அவர் திமுகவுக்கு வாக்களிக்கவில்லை!

ஓட்டுப் போட்ட கையோடு, வாக்குச் சாவடியில் எதுவும் பேசாமல் நேராக வீட்டுக்குப் போனவரை, ஆங்கிலச் சேனல்கள் வாயைப் பிடுங்க, அவரும் ஊழல், விலைவாசி, விவசாயிகள் நலன், அடுத்த முதல்வர் என்றெல்லாம் அடித்துவிட்டார்.

விஷயம் அத்துடன் முடிந்துவிடவில்லை. அதன்பிறகுதான் ஆரம்பித்தது. ரஜினி வாக்களிப்பதை படம் பிடித்தவர்களில் சிலரது ஒளிநாடாக்கள் கோபாலபுரத்துக்கும், முக்கிய தொலைக்காட்சி சேனல்களுக்கும் போய்ச் சேர, ஆட்சி மேலிடம் ஏக அப்செட்.

இந்த நிலையில், நேற்று மாலையே முதல்வர் கருணாநிதியுடன் பொன்னர் சங்கர் பார்க்க வேண்டிய சூழல் ரஜினிக்கு. ரஜினி ஓட்டுப் போட்ட விவகாரம் முதல்வருக்கு வெட்ட வெளிச்சமாகிவிட்டதால், ரஜினி வருவாரா மாட்டாரா என்று எல்லோரும் காத்திருந்தார்கள். ஒருவழியாக வந்தார். ஆனால் முதல்வருடன் அவரால் சகஜமாக இருக்க முடியவில்லை என்கிறார்கள் முதல்வருக்கு நெருக்கமான அதிகாரிகள்.

முதல்வருடன் இருந்த ஒரு முக்கிய அதிகாரி நம்மிடம் இப்படிச் சொன்னார்: "படம் ஆரம்பிக்குமுன், அங்கு நின்றிருந்த வைரமுத்துவிடம், 'நீங்களெல்லாம் இந்த மனிதருக்கு (ரஜினிக்கு) எந்த அளவு பரிந்து பேசியிருக்கிறீர்கள். ஆனால் இவர் செய்திருக்கிற வேலையைப் பார்த்தீர்களா... இவரது நம்பகத்தன்மை தெரிகிறதா.. வாக்களிப்பது அவர் இஷ்டம். ஆனால் அதைப் படம்பிடிக்கவும் அனுமதித்திருக்கிறார்கள். அடுத்து அவர் அளித்த பேட்டி.. விலைவாசி நாடெங்கும் உள்ள பிரச்சினை. ஆனால் நமது அரசு அதைத் தீர்க்க எடுத்த முயற்சிகள் தெரியாதா.. விவசாயிகளுக்கு இந்த அரசை விட அதிகம் செய்தது யார்.... இதெல்லாம் சரிதானா?", என்று முதல்வர் கேட்க, இருக்கையில் உட்கார முடியாமல் நெளிந்த ரஜினி, படம் முடிந்த கையோடு, காரில் ஏறிப் பறந்தாராம்!

ஆட்சியாளர்களிடம் மிகுந்த நெருக்கமாக இருந்த ரஜினியின் இந்த திடீர் மாற்றத்துக்கு காரணம், அந்த 'பத்திரிக்கை ஆசிரியரான அரசியல் தரகர்' கம் விமர்சகர்தான் என்றும் உடன் படம் பார்த்தவர்களிடம் சோவைப்பற்றி கமெண்ட் அடித்தாராம் முதல்வர்!

இதென்ன காமெடி? எந்தக் கட்சிக்கு வாக்களிக்க வேண்டும் என்பதே தெரியாத அளவு ரஜினி முட்டாளா என்ன? தனியொரு நபர் வாக்களிப்பதை புகைப்படம் எடுக்க முயன்ற போது, அந்த வாக்குச் சாவடிக்குள் இருந்த தேர்தல் கமிஷன் அதிகார்களும், காவல் துறையும் என்ன செய்தார்கள்? இவர்களை விட்டுவிட்டு ரஜினி மேல் பாய்வது அனாவசியம்.

ஏற்கெனவே 2004ம் ஆண்டு தேர்தலில் பாமக மீதான கோபத்தில், அதிமுக- பாஜக கூட்டணிக்கு வாக்களித்தேன் என வெளிப்படையாகக் கூறி ரஜினி சர்ச்சையை ஏற்படுத்தியது நினைவிருக்கலாம்.

உளம் கனிந்த தமிழ் புத்தாண்டு வாழ்த்துக்கள்

2011-04-14T13:27:00.000+05:30

நண்பர்கள் அனைவருக்கும் என் உளம் கனிந்த தமிழ் புத்தாண்டு வாழ்த்துக்கள்!! தொன்று தொட்டு சித்திரை மாத பிறப்பை தமிழ் புத்தாண்டாக கொண்டாடி வந்த வேளையில் தேவையில்லாமல் அதை தைப் பொங்கலன்று மாற்றிய ஒரே காரணத்திற்காகவே தி.மு.க. ஆட்சி முடிவுக்கு வரவேண்டுமென வேண்டுகிறேன்.

இந்தப் புத்தாண்டில் ஹசாரே போன்ற நல்லவர்கள் மூலம் ஊழலுக்கும், குடும்ப ஆட்சிக்கும், எல்லையில்லாத சுரண்டலுக்கும், அதிகார துஷ்பிரயோகதிற்கும் முற்று புள்ளி வைக்க ஆண்டவனை வேண்டுவோம்.

என்னுடைய 5 (My Five) : என் மனம் கவர்ந்த ஐந்து சிறந்த ஆங்கிலப் படங்கள் : ஹிந்து நாளிதழில் வெளியான செய்தி

2011-04-11T09:07:00.002+05:30

பிரபல ஆங்கில நாளிதழான "தி ஹிந்து ( The Hindu )" ஒவ்வொரு வெள்ளிக்கிழமையும் அதனுடைய மெட்ரோ பிளஸ் பகுதியில் வாசகர்கள் அவரவருக்குப் பிடித்த ஐந்து ஆங்கிலப் படங்களை பற்றி எழுதி அனுப்பினால் அதை "My Five " என்ற தலைப்பில் பிரசுக்கிறது.

எவ்வளவோ ஆங்கிலப் படங்களைப் பார்க்கிறோம் முயன்று பார்க்கலாம் என்று என் மனம் கவர்ந்த ஐந்து படங்களை விமர்சித்து அனுப்பினேன். அது கடந்த 25 ம் தேதியன்றி வெளியானது. சற்று தாமதமாக உங்களுடன் அதைப் பகிர்ந்துகொள்வதற்கு மன்னிக்கவும்.

என்னுடைய படைப்பை நான் மிகவும் நேசிக்கும், மரியாதைக்குரிய தி ஹிந்து நாளிதழில் பார்த்தபோது மிகவும் மகிழ்ச்சி அடைந்தேன். அந்த மகிழ்வை உங்களுடன் பகிர்ந்துகொள்ளவே இந்த பதிவு.

கீழே உள்ள தொடர்புச் சுட்டியை (link ) க்ளிக் செய்தால் என்னுடைய படைப்பை படிக்கலாம். நன்றி.

MY FIVE - The Hindu on 25/03/2011

தி ஹிந்து நாளிதழுக்கு என் நன்றி.

நேர்மை சாகாமல் இருக்க நமக்கு இன்னும் 100 அன்னா ஹசாரேக்கள் தேவை

2011-04-10T09:15:00.000+05:30

பிரதமர் மற்றும் உயர் அதிகாரிகள் ஆகியோர் மீதான ஊழல் புகார்களை விசாரிப்பதற்கு, சர்வ அதிகாரமும் படைத்த லோக்பால் அமைப்பை ஏற்படுத்த வேண்டுமென்றும், இதற்கான சட்ட வரைவு மசோதாவை வலுவுள்ளதாக தயாரிக்க வலியுறுத்தியும், காந்தியவாதியும், சமூக சேவகருமான அன்னா ஹசாரே, டில்லியில் கடந்த நான்கு நாட்களாக உண்ணாவிரதம் இருந்து வந்தார்.

ஹசாரே தரப்புடன் மத்திய அரசு பல சுற்றுப் பேச்சுவார்த்தைகளை நடத்தி, உண்ணாவிரதத்தை முடிவுக்கு கொண்டு வர முயற்சி மேற்கொண்டது. ஹசாரே தரப்பைச் சேர்ந்த சுவாமி அக்னிவேஷ், கிரண் பேடி உள்ளிட்டோருடன் அமைச்சர் கபில் சிபல் நேற்று முன்தினம் மட்டும் மூன்று முறை பேச்சு நடத்தினார். இந்தப் பேச்சின் முடிவில், ஹசாரே தரப்பின் முக்கிய கோரிக்கைகள் அனைத்தையும் ஏற்பதாக அரசாங்கம் அறிவித்தது.

இந்த தகவல் வந்து சேர்ந்ததும், ஹசாரேவுக்கு தெரிவிக்கப்பட்டது. அரசாங்கம் அளித்திருந்த கடிதத்தை மேடையிலேய ஹசாரே வாசித்து காட்டினார். இருப்பினும், இவை அனைத்தையும் அரசாங்க கெஜட்டில் வெளியிட வேண்டும். அவ்வாறு வெளியிட்டால், காலையில் தனது உண்ணாவிரதத்தை முடித்துக் கொள்வதாக அறிவித்தார். ஏற்கனவே அளிக்கப்பட்டிருந்த உறுதிமொழியின்படி, கெஜட் அறிவிப்பு வெளியானதை அடுத்து, நேற்று காலையில் 10.45 மணியளவில் அன்னா ஹசாரே தன் உண்ணாவிரதத்தை முடித்துக் கொண்டார். பழச்சாறு கூட அருந்தாமல், வெறும் தண்ணீரை மட்டும் கண்ணாடி டம்ளரில் சிறுமி ஒருவர் தர, அதை வாங்கிக் குடித்தார். பிறகு அந்த சிறுமியிடம் உன்னுடைய பெயர் என்ன என்று கேட்டறிந்து, தலையை தடவிக் கொடுத்து தனது மகிழ்ச்சியை ஹசாரே வெளிப்படுத்தினார்.

இதையடுத்து, ஹசாரேயுடன் சேர்ந்து நான்கு நாட்களாக தொடர்ந்து உண்ணாவிரதம் இருந்த சில பெண்கள் உட்பட 300க்கும் அதிகமானோரும் உண்ணாவிரதத்தை முடித்துக் கொண்டனர். இதில், பலரும் ஹசாரே தரும் தண்ணீரை அருந்தி உண்ணாவிரதத்தை முடித்துக் கொள்ள விரும்பினர். இதன் காரணமாக சிலருக்கு தண்ணீரைத் தந்து பருகச் செய்தார் ஹசாரே. உண்ணாவிரதத்திற்கு வந்திருந்த பலரும் ஹசாரேயின் அருகில் சென்று அவரது பாதத்தை தொட்டு வணங்கினர்.

இதன் பின், அங்கு கூடியிருந்தவர்களிடையே ஹசாரே பேசியதாவது: ஊழலுக்கு எதிரான போராட்டம் இத்துடன் முடிந்து விடாது. இது, வெறும் ஆரம்பம் மட்டுமே. இனிமேல் தான் நிஜமான சண்டை உள்ளது. அளித்த வாக்குறுதியின்படி, லோக்பால் மசோதாவை நிறைவேற்றத் தவறினால், மீண்டும் எனது போராட்டம் தொடரும். வரும் ஆகஸ்ட் 15ம் தேதி வரை தான் இறுதி கெடு; அதற்குள் மசோதா நிறைவேற்றப்பட வேண்டும். இல்லையெனில், நானே தேசியக்கொடி ஏந்தி போராட்டத்தில் குதிப்பேன். பார்லிமென்டிலும், அமைச்சரவையிலும் இந்த மசோதாவை நிறைவேற்றுவதற்கு முன், நிறைய தடங்கல் வரத்தான் போகிறது. ஆயினும் அத்தனையையும் முறியடிக்க மக்கள் ஒற்றுமை காட்ட வேண்டும்.

இப்போதைய வெற்றி, வருங்கால இந்தியாவின் இளைய சமுதாயத்திற்கு கிடைத்த வெற்றி.ஊடகங்கள் மிகப்பெரிய சேவையை ஆற்றியுள்ளன. இந்த போராட்டத்தை நாட்டின் மூலை முடுக்குகளுக்கெல்லாம் எடுத்துச் சென்று தெரிவித்த அவர்களின் சேவை அளப்பரியது. இது முதற்கட்ட போராட்டம் மட்டுமே. வரும் ஆகஸ்ட் 15ம் தேதிக்குள் இந்த மசோதா நிறைவேற்றப்பட வேண்டும். அவ்வாறு இல்லையெனில், டில்லி செங்கோட்டையில் மக்களைத் திரட்டி, தேசியக் கொடியை ஏற்றி, இரண்டாம் சுதந்திரப் போரை பிரகடனப்படுத்துவோம். ஆகஸ்ட் 15க்குள் மசோதா நிறைவேற்றப்பட்டால், மகிழ்ச்சியுடன் பிரதமர் மன்மோகன் சிங்கை வரவேற்போம். இம்மசோதா நிறைவேறும் வரை அனைவரும் விழிப்புடன் இருக்க வேண்டும். பார்லிமென்டில் இம்மசோதா நிறைவேறுவதில் தடங்கல் ஏற்பட்டால், தேசியக் கொடியை எனது தோளில் சுமந்துபடி நானே லோக்சபாவுக்குள் நுழையும் போராட்டம் நடத்துவேன். இவ்வாறு ஹசாரே பேசினார்.

வரலாற்று சிறப்புமிக்க மசோதா: மன்மோகன்: லோக்பால் மசோதா தொடர்பாக, பிரதமர் மன்மோகன் சிங் நேற்று காலை ஒரு அறிக்கை வெளியிட்டார். அதில் கூறப்பட்டிருந்ததாவது: லோக்பால் மசோதா, மிக முக்கியமான ஒன்று. அந்த வரலாற்றுச் சிறப்புமிக்க மசோதாவை, வரும் மழைக்கால கூட்டத் தொடரில் அறிமுகப்படுத்தி, நிறைவேற்ற அரசு உறுதி பூண்டுள்ளது. பொதுமக்கள் தரப்பும், அரசு தரப்பும் லோக்பால் மூலம் இணைந்து செயல்படுவது ஜனநாயகத்துக்கு நலம் தரக்கூடிய விஷயம். அதைவிட, ஊழலுக்கு எதிராக இரு தரப்புமே ஒற்றுமை காட்டுவது மிகவும் முக்கியமான அம்சம். அரசு தரப்பில், இடைவிடாமல் எடுக்கப்பட்ட முயற்சிகள் காரணமாக, அன்னா ஹசாரே, தன் உண்ணாவிரதத்தை முடித்துக் கொள்ள முன்வந்தது மகிழ்ச்சி அளிக்கிறது. இவ்வாறு அறிக்கையில் கூறப்பட்டுள்ளது.

அன்னா ஹசாரே போன்ற தன்னலமில்லாத, உண்மையான காந்தியவாதிகள் இன்னும் நிறைய பேர் நம் நாட்டுக்குத் தேவை. எங்கும் எதிலும் ஊழல் மலிந்துள்ள நிலை மாறவேண்டுமென்றால் இன்றைய இளைஞர்கள் அரசியலுக்கு வரவேண்டும். இதற்கு முதற்படியாக ஒவ்வொரு தேர்தலிலும் வாக்கு போட ஆர்வம் காட்டவேண்டும்.

என்னைப் போன்ற 40 வயதிற்கு மேற்பட்டவர்கள்தான் வாக்கு போடவேண்டும், அரசியலில் இருக்க வேண்டும் என்ற எண்ணம் நம் இளைஞர்களுக்கு மாற வேண்டும். இல்லாவிட்டால், இன்றைய தினசரிகளில் தெனாவட்டாக இந்தத் தேர்தல் முடிந்தவுடன் அடுத்த ஐந்து ஆண்டுகளுக்கும் நான்தான் முதல்வர் என்று 87 வயதான பின்னரும் பதவி மற்றும் பணவெறியுடன் இருக்கும் கருணாநிதி போன்றவர்கள் சொல்லிக்கொண்டுதான் இருப்பார்கள்.

இந்திய அணியிடம் மிதி வாங்கிய பாகிஸ்தான் அணி கேப்டன் அப்ரிதியின் கேவலமான பேட்டி

2011-04-05T07:22:00.000+05:30

கிரிக்கெட் பற்றி நம்மில் பெரும்பாலோருக்கு அதிகம் தெரியாது என்றாலும் உலக தீவிரவாதிகளின் மையம் பாகிஸ்தான் என்பது நம்மூரில் உள்ள நாய்களுக்குக் கூட நன்றாக தெரியும். தீவிரவாதிகளுக்கு புகலிடம் கொடுப்பது முதல், அவர்களைச் சிறுவயது முதல் தீவிரவாத கொலைப் பயிற்சிகளில் ஈடுபடுத்தி உலகெங்கும் அப்பாவி மக்களைக் கொல்லத் தூண்டுவதுவரை பாகிஸ்தானின் கைவரிசை எவ்வளவு தூரம் இருக்கிறது என்பது நமக்கு நன்றாகவே தெரியும்.

இந்நிலையில், இந்திய அணியிடம் சமீபத்தில் முடிந்த உலகக் கோப்பை போட்டியில் மரண அடி வாங்கிய பாகிஸ்தான் அணியின் கேப்டன், அவர்கள் அணி அடைந்த கேவலமான தோல்வியை மறைக்க தேவையில்லாமல் ஒரு பேட்டியில் உளறி இருக்கிறார்: "என்னுடைய கருத்துப்படி நான் உண்மையை சொல்லவேண்டும்; அவர்கள் (இந்திய அணி) எப்போதுமே முஸ்லிம்களைப் போலவோ, பாகிஸ்தானியர்களைப் போலவோ பரந்த மனது உடையவர்கள் அல்ல. அல்லா நமக்கு பரந்த மனதைத் தந்திருக்கிறார்," என்று அந்தப் பேட்டியில் சொல்லியிருக்கிறார்.

இந்தத் தறுதலை அப்ரிதிக்கு தெரியாத விஷயங்கள் நிறைய இருக்கின்றன: உலகில் அதிக எண்ணிக்கையில் முஸ்லிம்கள் வாழும் நாடுகளில் இரண்டாவது பெரிய நாடு நம் இந்தியா. எந்த முஸ்லிம் நாடுகளிலும் சிறுபான்மை மதங்களுக்கு சிறப்பு சலுகைகள் இல்லை. நம் இந்தியாவில் தமிழ்நாடு உட்பட பல மாநிலங்களில் முஸ்லிம் மக்களுக்கு இடஒதுக்கீடு முதல் பல்வேறுபட்ட சலுகைகள் உள்ளன. இதையெல்லாம் பரந்த மனம் இல்லாமல் செய்ய முடியாது.

பாகிஸ்தான் போன்ற முஸ்லிம் நாடுகளில் முஸ்லிம் அல்லாதோர் ஒரு சிறு பதவி கூட வகிக்க முடியாது. ஜாகிர் ஹுசைன் முதல் அப்துல் கலாம் வரை நிறைய முஸ்லிம் மதத்தினர் நம் இந்தியாவில் ஜனாதிபதி பதவியில் இருந்து பல்வேறுவிதமான பொறுப்பான பதவிகளில் இருந்து வருகிறார்கள். பாகிஸ்தான் அணிக்கு இதுவரை முஸ்லிம் மதத்தினரைத் தவிர வேறு யாரும் கேப்டனாக இருந்ததில்லை, இனிமேலும் முடியாது. நம் அணியில் அசாருதின் போன்றவர்கள் கேப்டனாக இருந்திருக்கிறார்கள். இப்போதுள்ள அணியில் யூசுப் பத்தான், ஜாகிர் கான் ஆகியோர் இடம்பெற்று திறம்பட விளையாடி வருகிறார்கள்.

முஸ்லிம்களை இந்தியாவின் ஒரு அங்கமாக மட்டுமே மற்ற மதத்தினர் எண்ணி ஒரு இணக்கமான சூழ்நிலையில் வாழ்ந்து வரும்போது அப்ரிதியின் கேவலமான புத்தி இந்த பேட்டியின் மூலம் வெளிப்பட்டிருக்கிறது.

முக்கியமாக, அப்ரிதி தேவையில்லாமல் இங்கே மதத்தை இழுத்திருக்கிறார். இதைப் போன்ற மதவெறி பிடித்த பிறவிகளை இனிமேல் இந்தியாவில் விளையாட அனுமதித்தால் அது முட்டாள்தனம்.

வீறு கொண்டு எழுந்த இந்தியா!! 28 ஆண்டுகளுக்கு பின் வெற்றிகரமாக உலகக் கோப்பையை வென்றது!!!

2011-04-03T00:04:00.001+05:30

சொல்வதற்கு வார்த்தை எதுவும் இல்லை. தோனியின் அணி, நம் இந்திய அணி ஒரு நாள் போட்டியிலும் No . 1 என நிரூபித்துவிட்டது.

வாழ்க. இந்த வெற்றி தொடரட்டும். நம் இந்திய அணியைச் சேர்ந்த அத்தனை வீரர்களுக்கும் மனமாந்த வாழ்த்துக்கள்.

தோனி மச்சி, கலக்கிட்டப்பா.

இந்தியா பாகிஸ்தானை மண் கவ்வச் செய்தது!

2011-03-30T23:43:00.000+05:30

ஒரு அட்டகாசமான அரையிறுதி ஆட்டம் முடிந்தது. இதற்கு முன் இலங்கை-நியூசிலாந்து இடையே நடந்த போட்டியைப் போல இந்தப் போட்டி உப்புசப்பு இல்லாத ஆட்டமாக இல்லாதது ஒரு பெரிய ஆறுதல். சச்சின், சேவாக், சுரேஷ் ரைனா ஆகியோர் மிக அற்புதமாக விளயாடி இந்தியாவின் ஸ்கோரை 260 ரன்களுக்கு உயர்த்த உதவி செய்தனர் என்பதை மறுக்க முடியாது என்றாலும், நம்முடைய பௌலர்கள் ஐவரும் ஆளுக்கு தலா இரண்டு விக்கெட்டுகளை வீழ்த்தி இந்தியாவின் வெற்றிக்கு வழி வகுத்தார்கள்.

பாகிஸ்தான் அணியின் கேப்டன் அப்ரிதி ஆரம்பம் முதல் மிகவும் மிதப்பாகவே இருந்தது போல எனக்கு தோன்றியது. பாகிஸ்தான் அணி இதற்கு முன் நம்முடன் மோதிய எந்த உலகக்கோப்பை போட்டியிலும் வென்றதில்லை என்பதை மறந்துவிட்டு எதோ இந்தியாவை ஏற்கனவே தோற்கடித்துவிட்ட மாதிரி ரொம்பவும் தெனாவெட்டாக இருந்ததாலோ என்னவோ போட்டியில் அசிங்கமாகத் தோற்க நேர்ந்தது என நினைக்கிறேன்.

உலககோப்பை இறுதி போட்டிக்கு செல்லும் இந்தியாவுக்கு மனமார்ந்த வாழ்த்துக்கள். இங்கு சில நெருடலான விஷயங்களையும் சொல்ல வேண்டும்.

பேட்டிங்கில் தொடர்ந்து சொதப்பும் விராத் கோலி இன்னமும் நம் அணியில் இருக்க வேண்டுமா?
தோனியின் பேட்டிங் இன்னமும் தேறவில்லை. பரிதாபமாக இருக்கிறது. என்ன ஆயிற்று தோனி?
பீல்டிங்கில் இன்னமும் தேர்ச்சி வேண்டும். குறிப்பாக, ஹர்பஜன் சென்னை 28 இல் வரும் பிரேம்ஜி மாதிரி ஒரு பந்தைக்கூட பிடிக்க முடியாது திணறுகிறார். ஜாக்கிரதை பாஜி.
இறுதிப் போட்டியில் கௌதம் காம்பிர் இன்னமும் ஜாக்கிரதையாக விளையாட வேண்டும்.

வெற்றிப் பயணம் தொடரட்டும். கோப்பையை வெல்லுவோம். ஜெய்ஹிந்த்!!

நிஷ்களங் மகாதேவ்: கடல் நடுவே ஒரு சிவன் கோயில். கடல் உள்வாங்கும் ஒரு அதிசயம்!

2011-03-14T08:43:00.002+05:30


நிஷ்களங் மகாதேவ் கோயில்-கடற்கரையில் இருந்து


கடல் உள்வாங்கிய பிறகு -கோயிலின் தோற்றம்

கடல் நடுவே இருக்கும் சிவனுக்கு ஆராதனை

சமீபத்தில் சன் டி.வியில் ஒளிபரப்பட்டு மிகப் பிரபலமடைந்த கடல் கோயில் நிகழ்ச்சியை பார்க்கவில்லையா என என் நண்பர் ஒருவர் கேட்டபோது, இன்டர்நெட் துணை இருக்கும்போது என்ன கவலை என்று நினைத்துக் கொண்டு இந்த நிகழ்ச்சியையும், அதன் பின்புல தகவல்களையும் தேடிய போது பல ஆச்சரியமான விஷயங்களை சந்திக்க முடிந்தது.

குஜராத் மாநிலம் பாவ்நகர் மாவட்டத்தில் கொலியாக் என்ற இடத்தில் இருக்கும் இந்த அற்புதமான கோயிலைப் பற்றி:

கொலியாக் பாவ்நகரில் இருந்து 23 கி.மீ. கிழக்கில் இருக்கிறது. அரபிக் கடலின் ஓரத்தில் இருக்கும் இந்த சின்ன கிராமத்தில் மாதம் ஒருமுறை இந்த அற்புதம் நிகழ்கிறது.

இங்கு கடல் நடுவே ஒரு கொடிக் கம்பமும், ஒரு கல் தூணும் மிகத் தொலைவிலிருந்தே தெரிகின்றன. ஒவ்வொரு மாதமும் அமாவாசைக்கு அடுத்த நாள் காலை கடற்கரையில் பக்தர்கள் கூட்டம் கூடுகிறது. காலை சுமார் 9 மணிக்கு மேல் மெதுவாக கடல் உள்வாங்குகிறது. கொஞ்சம், கொஞ்சமாக கல் தூண் மற்றும் கொடிக்கம்பம் தெளிவாகத் தெரிவதுடன், ஒரு பெரிய சமவெளியில் சிறிய இடைவெளியில் 5 சிவலிங்கங்களும் காட்சி தருகின்றன. பக்தர்கள் நிதானமாக கடல் உள்வாங்கிவிட்ட மணல் பரப்பில் நடந்து சென்று கோயிலை அடைகிறார்கள். கையில் கொண்டுவந்துள்ள பூ மற்றும் பால் ஆகிவற்றை அங்குள்ள லிங்கம் ஒவ்வொன்றின் மேலும் படைக்கிறார்கள். பஜனை செய்கிறார்கள். கடற்கரையில் இருந்து கிட்டத்தட்ட
1.5 கி.மீ. தொலைவில் இருக்கிறது இந்த கடல் கோயில். நிஷ்களங் மகாதேவ் என்றால் பாவத்தைப் போக்குகிறவர், எந்தவித களங்கமும் இல்லாதவர் என்று பொருள் சொல்கிறார்கள்.

மாலை நெருங்குகிறது. ஒவ்வொருவராக கடற்கரைக்கு திரும்பி வர ஆரம்பிக்கும்போது கடல் மீண்டும் அந்தக் கோயிலை முழுதாக ஆக்கிரமிக்கிறது. மீண்டும் கொடிக் கம்பமும், கல் தூணும் மட்டுமே தெரிகின்றன. நண்பர் சிவா இந்தப் பதிவை படித்துவிட்டு, இதுபோன்ற கடல் உள்வாங்கும் சமாச்சாரம் இந்தியாவிலேயே அந்தமான், லட்சத்தீவு ஆகிய இடங்களில் மாதம் ஒரு முறை கடல் உள்வாங்குகிறது, ஆங்கிலத்தில் இதை இஸ்துமஸ் (Isthumus) என்று சொல்லியிருக்கிறார். நன்றி நண்பரே. உண்மைதான், பல இடங்களில் கடல் இது போல உள்வாங்கலாம், ஆனால், அந்தக் கடல் நடுவே ஒரு புராதனமான சிவன் கோயில் இருப்பது இங்கு மட்டுமே, அதுவே இந்த இடத்தின் சுவாரசியம்.

பாண்டவர் காலத்து கோயில் என்கிறார்கள். உண்மை அந்த சிவனுக்கே வெளிச்சம். இத்துடன் சன் டி.வியில் ஒளிபரப்பிய நிகழ்ச்சியின் வீடியோ தொகுப்பை இணைத்திருக்கிறேன்.

கடல் கோயில் - வீடியோ பகுதி 1

கடல் கோயில் - வீடியோ பகுதி 2

(நன்றி: சன் டி.வி மற்றும் இந்த வீடியோவை You Tube இல் இணைத்த அந்த முகம் தெரியாத நண்பருக்கும்).

தோல்வியில் முடிந்த நேற்றைய மேட்ச் - ஒரு ஆத்திர அலசல்

2011-03-13T11:37:00.000+05:30

நேற்று நாக்பூரில் நடந்த மேட்சில் நம் அணி அசிங்கமாக தோல்வியைச் சந்தித்ததைப் பற்றி விவரமாகக் கூறி உங்களை மேலும் நொந்து போகவைப்பதில் எனக்கு விருப்பமில்லை என்றாலும், மிக அற்புதமாக ஆரம்பிக்கப்பட்ட ஒரு மேட்சை, சேவாக், சச்சின், கம்பீர் ஆகியோர் கஷ்டப்பட்டு சேர்த்த ரன்களை கொஞ்சமும் யோசிக்காமல் வீணடித்த நம் அணியின் சில வீரர்களைப் (?) பற்றி என்னுடைய கருத்துக்களை உங்களுடன் நிச்சயம் பகிர்ந்து கொள்ள ஆசைப்படுகிறேன்.

சேவக் அதிரடியாக ஆரம்பித்து வைத்ததை, சச்சின் அதே வேகத்தில் நிலை நிறுத்தினார். கம்பீர் நல்ல ஒத்துழைப்பு கொடுத்தார். 40 வது ஓவரில் 260 ரன்களுக்கு 1 விக்கெட் என்ற அருமையான நிலையிலிருந்து பிறகு வந்த சோம்பேறிகளான பதான், விராத் கோலி, யுவராஜ் சிங் ஆகியோர் கொஞ்சம்கூட பொறுப்பில்லாமல் விளையாடி அடுத்தடுத்து அவுட்டாகி, 48.4 ஓவர்களின் முடிவில் 296 ரன்களுக்கு நம் அணி மொத்தமாக ஆட்டம் இழந்த கொடுமையை நாம் அனைவரும் அதிர்ச்சியுடன் பார்த்தோம்.

இதைவிட கேனத்தனமாக விளையாட வேறு யாராலும் முடியாது. சரி, நம்முடைய பேட்டிங் ஆர்டர் சொதப்பிவிட்டது அடுத்ததாக பெளலிங்கில் சமன் செய்துவிடுவார்கள் என்ற எதிர்பார்ப்பில் மறுபடியும் டி.வி முன் உட்கார்ந்தால் நம்முடைய கேவலமான பீல்டிங்கும், பௌலிங்கும் நம் அணியின் வெற்றியைக் குழிதோண்டி புதைத்து விட்டன.

கடைசி ஓவரில் தோனி ஆஷிஷ் நெஹ்ராவை பௌலிங் செய்ய சொன்னதன் அர்த்தம் என்ன என்று தெரியவில்லை. பீல்டிங்கில் கம்பீர் முதல் அத்தனை பேரும் சொதப்பினார்கள்.

நாம் ஏற்கனவே உலகக் கோப்பை காலிறுதி ஆட்டத்துக்கு தகுதி பெற்றுவிட்டோம் என்ற எண்ணத்தில் தோனி சற்று தெனாவட்டாக இருந்ததால் இந்தத் தோல்வி என்றுதான் நினைக்கிறேன்.

இதில் சச்சின் செய்த சாதனைகள் மட்டுமே ஒரு ஆறுதல்.

சர்வதேச கிரிக்கெட் அரங்கில் தொடர்ந்து பல சாதனைகளை படைத்து வருபவர் இந்தியாவின் மாஸ்டர் பேட்ஸ்மேன் சச்சின். உலக கோப்பை அரங்கிலும் சச்சின், பல சாதனைகள் ஏற்படுத்தியுள்ளார். ஏற்கனவே, 5 உலக கோப்பை சதம் அடித்து, அதிக சதம் அடித்தவர்கள் வரிசையில் முதலிடத்தில் இருந்தார். இந்நிலையில் நேற்று, 6வது சதம் அடித்து அசத்தினார்.

இந்த வரிசையில் "டாப்-5' வீரர்கள் விபரம்:
பெயர்/அணி போட்டி சதம்
1.சச்சின் (இந்தியா) 41 6
2. கங்குலி (இந்தியா) 21 4
3. மார்க் வாக் (ஆஸி.,) 22 4

4. குரங்கு பாண்டிங் (ஆஸி.,) 42 4

5. டிவிலியர்ஸ் (தெ.ஆப்.,) 14 3

உலக கோப்பை அரங்கில் சச்சின் அடித்த 6 சதங்களின் விபரம்:
ஆண்டு           சதம்                          எதிரணி
1996                    127*                        கென்யா
1996                    137                          இலங்கை
1999                    140*                         கென்யா
2003    152                            நமீபியா
2011                  120                         இங்கிலாந்து
2011                111                    தென் ஆப்ரிக்கா

ஒருநாள் போட்டிகளில் (48), டெஸ்ட் போட்டிகளில் (51) என இதுவரை சச்சின் மொத்தம் 99 சதம் அடித்துள்ளார். இன்னும் ஒரு சதம் அடிக்கும் பட்சத்தில், சதத்தில் சதம் அடித்து மற்றொரு புதிய சாதனை படைக்கலாம். இது இந்த உலக கோப்பை தொடரில் நடக்க கடவுளை வேண்டுவோம்.

இதில் ஒரு சில பன்னாடைகள் சச்சின் செஞ்சுரி அடித்தால் நம் அணி தோற்றுவிடும் என்று சொல்லித் திரிகிறார்கள். அவர்களை (மறைந்த மாபெரும் எழுத்தாளர் சுஜாதா சொன்னது போல) பசித்த புலி தின்னட்டும்.

கட்டாயம் உட்கொள்ள வேண்டிய 10 உணவுகள்

2011-03-09T07:53:00.000+05:30

உடல் பாதுகாப்பாக இயங்கப் பத்து சூப்பர் உணவுகள் உள்ளன. காற்று, நீர் மூலம் பரவும் நோய்த் தொற்றைப் படுசுத்தமான மனிதர் கூடத் தடுக்க முடியாது. நாம் சாப்பிடும் முக்கியமான உணவு வகைகள், நம் உடலில் சேரும் இத்தகைய நோய் நுண்மங்களை எளிதில் தடுத்து அழித்துவிடும். நோய் பரவுவதைத் தடுக்கும் அந்தப் பத்து சூப்பர் உணவுகள்.

வெள்ளைப் பூண்டு:

பண்டைய எகிப்திலும் பாபிலோனியாவிலும் அற்புதங்களை விளைவித்துக் குணமாக்கிய மண்ணடித் தாவரம் இது. கிரேக்கத் தடகள வீரர்கள் விரைந்து ஓட ஊக்கம் தரும் மருந்தாக வெள்ளைப் பூண்டை கைகளில் அழுத்தித் தடவிக் கைகளைக் கழுவினார்கள்.

இதனால் நோய் நுண்மங்கள் அழிந்தன. குடலில் உள்ள புழுக்களிலிருந்து மற்றும் தலைவலி முதல் புற்றுநோய் வரை பல நோய்களையும் குணமாக்க வெள்ளைப் பூண்டு பயன்படுத்தப்படுகிறது. அறிவியல் முடிவுகளால் கூட வெள்ளைப் பூண்டு பயன்படுத்தப்படுகிறது.

அறிவியல் முடிவுகளால் கூட வெள்ளைப் பூண்டின் பெருமையை மங்கச் செய்ய முடியவில்லை. உடலில் நன்மை செய்யக்கூடிய கொலாஸ்டிரல் உருவாக பூண்டின் பங்கு மகத்தானது.

வெங்காயம்:

வெள்ளைப் பூண்டுடன் சேர்ந்து வல்லமை மிக்க, புகழ்மிக்க மருந்தாக வெங்காயம் செயல்பட்டு வருகிறது. ஜலதோஷத்தை ஏற்படுத்தும் நச்சு நுண்மங்களையும், புற்று நோய்களையும், இதய நோய்களையும் தடுத்து நிறுத்துகிறது.

நோய்த் தொற்றைத் தடுத்து உடலில் நோய் எதிர்ப்புச் சக்தியை அதிகரிக்கிறது. வெங்காயத்தில் உள்ள அலிலின் என்ற இராசயனப் பொருள்தான் பாக்டீரியாக்கள், நச்சு நுண்மங்கள், காளான் போன்றவை உடலில் சேராமல் தடுக்கின்றன. இத்துடன் புற்றுநோய்க் கட்டிகள் வளராமலும் தடுக்கின்றன.

காரட்: நோய் எதிர்ப்புச் சக்தி வேலிகள் நன்கு உறுதிப்பட காரட்டில் உள்ள பீட்டா கரோட்டின் உதவுகிறது. குறிப்பாக நம் உடல் தோலிலும், சளிச் சவ்விலும் நோய் எதிர்ப்புப் பொருள்கள் நன்கு செயல்படும்படி தூண்டிக்கொண்டே இருப்பது காரட்தான்.

ஆரஞ்சு :

வைட்டமின் சி ஒரு முகப்படுத்தப்பட்டு சேகரித்து வைக்கப்பட்டுள்ளது. இப்பழத்தில் இன்டர்பெரான் என்ற இராசயனத் தூதுவர்களை அதிகம் உற்பத்தி செய்வது வைட்டமின் சி. காற்று மற்றும் நீர் மூலம் பரவும் நோய்த் தொற்றுக் கிருமிகளை இந்த இன்டர்பெரான்கள் எதிர்த்துப் போராடி உடலில் அவை சேராமல் அழிக்கின்றன. ஆரஞ்சு கிடைக்காத போது எலுமிச்சம்பழச் சாறு அருந்தலாம்.

பருப்பு வகைகள் :

பாதாம் பருப்பு, வேர்க்கடலை போன்ற கொட்டை வகைகளில் உள்ள வைட்டமின் ஈ, வெள்ளை இரத்த அணுக்கள் சிறப்பாகச் செயல்படத் தூண்டிவிடுகின்றன. இதனால் நோய் எதிர்ப்புச் சக்தி அதிகரிக்கிறது.

கோதுமை ரொட்டி :

நரம்பு மண்டலமும், மூளையும் நன்கு செயல்படவும் புதிய செல்கள் உற்பத்தியில் உதவும் மண்ணீரலும், நோய் எதிர்ப்புச் சக்தியை அதிகரிக்கும். தைமஸ் சுரப்பியும் விரைந்து செயல்பட ப்ரெளன் (கோதுமை) ரொட்டியில் உள்ள பைரிடாக்ஸின் (B4) என்ற வைட்டமின் உதவுகிறது. இத்துடன் கீரையையும், முட்டையையும் தவறாமல் சேர்த்துக்கொள்ள வேண்டும். இறால்

மீன் மற்றும் நண்டு :

அழிந்து போன செல்களால் நோயும், நோய்த்தொற்றும் ஏற்படாமல் தடுப்பதில் இவற்றில் உள்ள துத்தநாக உப்பு உதவுகிறது. எனவே, வாரம் ஒரு நாள் இவற்றில் ஒன்றைச் சேர்த்து சாப்பிட்டு வரவும். தேநீர் : தேநீரில் உள்ள மக்னீசியம் உப்பு நோய் எதிர்ப்புச் செல்கள் அழிந்துவிடாமல் பாதுகாப்பதில் ஒரு நாட்டின் இராணுவம் போன்று செயல்படுகிறது. சூடான தேநீர் ஒரு கப் அருந்துவதால் நோய்த் தொற்றைத் தடுத்துவிடலாம்.

பாலாடைக்கட்டி :

சீஸ் உட்பட பால் சம்பந்தப்பட்ட பொருட்களில் உள்ள கால்சியம், மக்னீசியம் உப்புடன் சேர்ந்து கொண்டு உடலில் நோய் எதிர்ப்புத் தன்மை அமைப்பு கருதி தவறாமல் ஆற்றலுடன் செயல்பட உதவுகிறது.

முட்டைக்கோஸ் :

குடல் புண்கள் ஆறு மடங்கு வேகத்தில் குணம் பெற முட்டைக் கோஸில் உள்ள குளுட்டோமைன் என்ற அமிலம் உதவுகிறது. உணவின் மூலம் உள்ளே சென்றுள்ள நோய்த்தொற்று நுண்மங்கள் முட்டைக்கோஸால் உடனே அகற்றப்படுகின்றன.

இதனால் நோய் எதிர்ப்புச் சக்தி அதிகரிக்கிறது. முட்டைக் கோஸஸுக்குப் புற்று நோயைத் தடுக்கும் ஆற்றல் உண்டு. மேற்கண்ட உணவுப்பொருட்களில் ஏழு உணவுப் பொருட்களாவது தினமும் நம் உணவில் இடம் பெற வேண்டும். இதைச் செய்து வந்தால் நம் மருந்துவச் செலவு குறைந்துவிடும்.

நன்றி: tamilenn .com

உலக நாயகன் கமல்ஹாசனின் படத்துக்கு கதை எழுதிய பிரபல மர்மக்கதை எழுத்தாளரின் மர்மான மரணம்

2011-03-07T08:40:00.002+05:30

ராபர்ட் லுட்லம் (1927 - 2001) ஒரு மிகப் புகழ்பெற்ற மர்மக் கதை எழுத்தாளர். இவருடைய புத்தகங்கள் இதுவரை 290 மில்லியன் (ஒரு மில்லியன் என்பது பத்து லட்சம் என்பது உங்களுக்குத் தெரியும்) என்ற கணக்கில் விற்றிருக்கின்றன. அமெரிக்காவில் ஒரு சாதாரணமான குடும்பத்தில் பிறந்த இவர், முதலில் அமெரிக்கக் கப்பற்படையில் பணியாற்றி இருக்கிறார். பின்னர், நாடகங்களின் மேல் உள்ள காதலால் பல்வேறு நாடகங்களை தயாரித்து, இயக்கி, நடித்தும் இருக்கிறார்.

1971 ம் இவர் எழுதி வெளிவந்த முதல் நாவல் தி ஸ்கார்லெட்டி இன்ஹெரிட்டன்ஸ் (The Scarletti Inheritance) வெறும் 75000 காப்பிகள் மட்டுமே விற்றது. பிறகு வெளிவந்த பல நாவல்கள் ஓரளவு வெற்றிபெற்றன என்றாலும், 1980 ல் இவர் எழுதி வெளிவந்த தி போர்ன் ஐடென்டிடி (The Bourne Identity ) மிகப் பெரிய வெற்றி பெற்றது. நம்மூர் பிரதாப் போத்தன் உடனே இதை சுட்டு 'வெள்ளி விழா" என்ற பெயரில் படமாக எடுத்து, உலக நாயகன் கமல்ஹாசன் மற்றும் பிரபு ஆகியோர் நடிக்க, வெளியிட்டார். இசைஞானி இளையராஜாவின் இசையில் இந்தப் படத்தின் எல்லாப் பாடல்களும் மிகப் பிரபலமாகின. படமும் வெற்றிப் படமாக அமைந்தது.

இதே நாவல் ஹாலிவுட்டில் திரைப் படமாக 2002 ல் வந்து மிகப் பெரும் வெற்றி பெற்றதைப் பார்த்து ஆனந்தப்பட லுட்லம் உயிருடன் இல்லை.

இந்தப் புத்தகத்தைத் தொடர்ந்து அவர் எழுதிய எல்லா புத்தகங்களும் பெரும் வெற்றி பெற்றன. பல புத்தகங்கள் திரைப் படங்களாகவும் வெளிவந்தன. இவருடைய சான்செலர் மானுஸ்க்ரிப்ட் (The Chancellor Manuscript ) என்ற நாவல் பிரபல நடிகர் டி காபிரோ நடிப்பில் இந்த வருடம் வெளிவருகிறது. மற்றொரு நாவல், தி மாடரீஸ் சர்கில் (The Matarese Circle ) பிரபல நடிகர்கள் டாம் க்ரூஸ் மற்றும் டென்ஸல் வாஷிங்டன் ஆகியோர் நடித்து 2013 ல் வெளிவரப்போகிறது.

1994 ல் உடல்நலம் மிகவும் மோசமாகி நான்கு முறை இருதய பைபாஸ் அறுவை சிகிச்சை செய்து கொண்டபின், தீவிர கால் வலி காரணமாக லுட்லம் நடக்க முடியாமல் மிகவும் சிரமப்பட்டார். அப்படியும் எழுதுவதை அவர் நிறுத்தவில்லை.

ஜனவரி 24 , 2001 ம் ஆண்டு இவருடைய பெரும்பாலான சொத்துக்களை இவருடைய இரண்டாம் மனைவியான கேரன் டன் (Karen Dunn ) பேருக்கு எழுதிவைத்தார். இது நடந்து சரியாக 13 நாட்களுக்குப் பின், பிப்ரவரி 10 , 2001 ம் ஆண்டில் இவருடைய வீட்டில் பெரும் தீ விபத்து ஏற்பட்டது. சரிவர நடக்க முடியாமல் சக்கர நாற்காலியில் இருந்த லுட்லம் இதில் இருந்து தப்பிக்க முடியவில்லை.

இந்த தீ விபத்தில் மோசமாக காயமடைந்து மருத்துவ மனையில் சேர்க்கப்பட்ட லுட்லம், மறுபடியும் ஒரு மாரடைப்பு ஏற்பட்டு, மார்ச் 12 ,2001 ம் ஆண்டு காலமானார். அவருடைய மரணத்தின் உண்மையான காரணம் என்ன என்று தெரிந்துகொள்ள ஆட்டாப்ஸி (autopsy ) செய்யும் முன்னரே, அவருடைய உடல் தகனம் செய்யப்பட்டது.

அவர் இறந்தபோது அவருடைய மரணம் அவ்வளவாக சந்தேகிக்கப் படவில்லை என்றாலும், அவருடைய முதல் மனைவி மூலம் பிறந்த மகனும், மகளும் அவருடைய மரணத்தில் மர்மம் இருக்கிறது என்று தொடர்ந்து சொல்லிவந்தார்கள். இந்நிலையில், லுட்லம்மின் நெருங்கிய உறவினரான டாக்டர் கென்னத் மைக்கேல் என்பவர் லுட்லம் மரணத்தை பல்வேறு காவல் மற்றும் மருத்துவத்துறை நண்பர்களுடன் ஆராய்ந்து, இப்போது அதை ஒரு புத்தகமாக வரும் 12 ம் தேதியன்று வெளியிடப் போகிறார். இந்தப் புத்தகத்தின் பெயர்: தி லுட்லம் ஐடென்டிடி (The Ludlum Identity).

லுட்லம் வீட்டில் தீ விபத்து ஏற்பட்டபோது அங்கிருந்த பல தீ அணைப்பு சாதனங்கள் ஏன் உபயோகிக்கப்படவில்லை, தீ அணைப்பு அதிகாரிகள் அங்கு வந்தபோது லுட்லம்மின் இரண்டாவது மனைவி, அவருக்கு உதவி ஏதும் செய்யாமல் போதையில் இருந்தது ஏன், லுட்லம் இறந்தபின் அவருடைய மரணத்தின் காரணத்தை ஆராயாமல் அவசர அவசரமாக ஏன் எரிக்க வேண்டும் என்பது போன்ற பல கேள்விக்களுக்குக்காண காரணங்களை ஆராய்கிறது இந்தப் புத்தகம்.

மர்மக் கதை மன்னனின் மரணத்தில் இப்படி ஒரு மர்மமா? இந்தப் புத்தகத்தை படித்த பின் அதைப் பற்றி எழுதுகிறேன்.

ஆஸ்கர் பரிசளிப்பு விழா - வெற்றி பெற்ற படங்கள்

2011-03-01T09:22:00.000+05:30

தி ஃ பைட்டர் (The Fighter) - திரைப்பட விமர்சனம்

பாக்சிங் எனப்படும் குத்துச் சண்டை போட்டிகளை மையமாக வைத்து ரேஜிங் புல் (Raging Bull ), ராக்கி (Rocky ), தி மில்லியன் டாலர் பேபி (The Million Dollar Baby ), அலி (Ali ) போல நிறைய படங்கள் வந்து விட்டன. இதில் அலி போன்ற படங்கள் "பயோ-பிக்" (Bio - pic ) என்ற வகையைச் சார்ந்தவை. அதாவது ஒரு பிரபலத்தின் வாழ்க்கையை மையமாக வைத்து எடுக்கப்பட்டவை. அந்த வகையில் சமீபத்தில் வெளிவந்த மிகப் பெரிய வெற்றியைப் பெற்றுள்ள படம் தி ஃ பைட்டர் (The Fighter).

குத்துச் சண்டை போட்டிகளில் ஹெவி வெயிட், லைட் ஹெவி வெயிட், மிடில் வெயிட், வெல்டர் வெயிட் (Welter weight ) என்று பல வகைகள் உண்டு. இந்தப் போட்டிகளில் பங்குபெறும் போட்டியாளர்களின் உடல் கனம் (வெயிட்) அந்தந்த போட்டிகளுக்கு ஏற்றவாறு மாறும்.

ராக்கி, அலி போன்ற படங்கள் ஹெவி வெயிட் போட்டியாளர்களைப் பற்றிய படங்கள், தி ஃ பைட்டர் வெல்டர் வெயிட் போட்டியாளரை முன் வைத்து எடுத்த படம். வசூலில் மட்டுமல்லாது, சிறந்த திரைப்படம் என பல்வேறு குத்துச் சண்டை வல்லுனர்களும் பாராட்டிய படம் இது. கொஞ்சம் தாமதமாக இங்கு வந்திருக்கிறது.

இதில் மார்க் வால்பர்க்கின் அண்ணனாக, முன்னாள் வீரனாக, இந்நாள் போதை மருந்துக்கு அடிமையாக நடித்துள்ள கிறிஸ்டியன் பேல் மற்றும் இந்த இருவரின் தாயாராக நடித்துள்ள மெலிஸ்ஸா லியோ ஆகிய இருவருக்கும் ஆஸ்கர் விருதுகள் கிடைத்துள்ளன.

கதாநாயகன் மிக்கி வார்ட் (மார்க் வால்பர்க்) ஒரு பெரிய குடும்பத்தில் பிறந்தவன். அவனுடைய அண்ணன் டிக்கி எக்லன்ட் (கிறிஸ்டியன் பேல்) ஒரு முன்னாள் வெல்டர் வெயிட் சாம்பியன். ஆனால் இப்போது போதை மருந்துக்கு அடிமையானவன். என்னதான் திறமையானவன் என்றாலும் அவனுடைய பயிற்சியளிப்பு அவ்வளவாக சரியில்லாத காரணத்தினால் மிக்கி பங்குபெறும் எல்லா போட்டிகளிலும் தோல்வி அடைகிறான். டிக்கியை விடுத்தது அவன் வேறு யாரிடமும் பயிற்சி பெறக்கூடாது என அவன் தாய் பிடிவாதமாக இருக்கிறாள்.

தொடர்ந்து தோல்வியைச் சந்திக்கும் மிக்கி நொந்து போகிறான். அப்போது அவனுடைய முன்னாள் கல்லூரித் தோழி சார்லீன் (ஆமி ஆடம்ஸ் ) அவனுக்கு ஆதரவாக இருக்கிறாள். மிக்கி அந்தக் குடும்பத்தின் கட்டுப்பாட்டில் இருந்து வெளியே வந்து ஒரு தேர்ந்த பயிற்சியாளரிடம் பயிற்சி பெற வேண்டும் என சொல்கிறாள். மிக்கிக்கும் அது சரி என்றே படுகிறது. ஆனால், அவனுடைய தாய் மற்றும் சகோதரிகள் அதை வன்மையாக எதிர்க்கிறார்கள். மிக்கி அவனுடைய சகோதரன் டிக்கியிடம் மட்டுமே பயில வேண்டும் என்கிறார்கள்.

இந்த சந்தர்பத்தில் மிக்கியின் தந்தை அவனுக்கு உதவ முன் வருகிறார். டிக்கி மற்றும் மிக்கியின் தாய் ஒருவரே என்றாலும் இருவருக்கும் வெவ்வேறு தந்தைகள். எனவே மாற்றான் தந்தைக்கு பிறந்த டிக்கி, மிக்கிக்கு சரியான முறையில் பயிற்சி அளிக்க முடியாது என்று மிக்கியின் தந்தையும் நம்புகிறார்.

குடும்பத்தின் பிடியிலிருந்து வெளியேறி வெற்றி மேல் வெற்றி பெரும் மிக்கி தன்னுடைய குடும்பத்தையோ, சகோதரனையோ வெறுப்பதில்லை. மாறாக தன்னுடைய சகோதரன் போதை பழக்கத்தில் இருந்து வெளிவர வேண்டுமென விரும்புகிறான்.

ஒரு உண்மையான சம்பவத்தை பின்னணியில் வைத்து மிகவும் அருமையான முறையில் எடுக்கப்பட்டுள்ள படம்.

25 மில்லியன் அமெரிக்க டாலர்களில் மார்க் வால்பர்க் தயாரித்து நடித்துள்ள இந்தப் படம் ஏற்கனவே 300 மில்லியன் அமெரிக்க டாலர்களுக்கு மேல் சம்பாதித்துவிட்டது.
பேட் மேன் படங்களில் கதாநாயகனாக நடித்து பெரும் புகழ் பெற்ற கிறிஸ்டியன் பேல் ஒரு சாதாரணமான இரண்டாவது ஹீரோ பாத்திரத்தில், குறைந்த சம்பளத்தில் நடித்துள்ளார்.
போதைப் பழக்கத்துக்கு அடிமையாக நடிக்க பல நாட்கள் சரியாக சாப்பிடாமல், உடலை மெலிய வைத்து வெற்றிகரமாக நடித்த பேலுக்கு கிடைத்த விருது உண்மையிலேயே சரியான மரியாதை.
படத்துக்கு ஒரு பழைய லுக் வரவேண்டுமென 1990 களில் உபயோகப்படுத்திய கேமராக்களை வைத்து படமாக்கியுள்ளனர்.
கிறிஸ்டியன் பேல் மற்றும் மார்க் வால்பர்க் இருவரும் இதற்கு முன் சேர்ந்து நடித்ததில்லை என்றாலும் இந்தப் பாத்திரத்திற்கு பேல் மிகப் பொருத்தமாக இருப்பார் என மார்க் நம்பியதால் பேல் ஒப்புக்கொண்டார்.

ஆஸ்கர் விருது பெற்ற படங்களின் விமர்சனம் தொடரும்....

"டை" யில் முடிந்த இந்திய-இங்கிலாந்து போட்டி - அலசல் ரிப்போர்ட்

2011-03-01T08:55:00.000+05:30

நல்ல வேளை, தோற்கவில்லை மேட்ச் டையில் முடிந்தது என்று சமாதானம் சொல்லிக்கொண்டாலும், இந்த மேட்சில் சுலபமாக இந்திய அணி வெற்றி பெற்றிருக்க முடியும் என்பதே என் கருத்து.

முதலில் மேட்சில் நமக்கு சாதகமாக நடந்த விஷயங்களை அலசி விடுவோம்:

சச்சின்- தொடரும் சாதனைகள்!
சர்வதேச கிரிக்கெட் அரங்கில் அதிக ரன், அதிக சதம் உள்ளிட்ட பல்வேறு சாதனைகளுக்கு சொந்தக்காரரான இந்திய "மாஸ்டர் பேட்ஸ்மேன் சச்சின், உலக கோப்பை அரங்கிலும் பல சாதனைகள் படைத்துள்ளார்.

இங்கிலாந்துக்கு எதிரான லீக் போட்டியில், 115 பந்தில் 120 ரன்கள் (5 சிக்சர், 10 பவுண்டரி) எடுத்த சச்சின், உலக கோப்பை வரலாற்றில் அதிக சதம் (5) கடந்து புதிய உலக சாதனை படைத்தார். இதுவரை இவர், 38 போட்டியில் பங்கேற்று 5 சதம், 13 அரைசதம் உட்பட 1944 ரன்கள் எடுத்துள்ளார். இவரை அடுத்து இந்தியாவின் கங்குலி, ஆஸ்திரேலியாவின் குரங்கு பாண்டிங், மார்க் வா உள்ளிட்டோர் தலா 4 சதம் அடித்து 2வது இடத்தை பகிர்ந்து கொண்டுள்ளனர்.

சச்சின், உலக கோப்பை அரங்கில் அதிக போட்டிகளில் விளையாடிய வீரர்கள் வரிசையில் மூன்றாவது இடத்தை இலங்கையின் ஜெயசூர்யா, பாகிஸ்தானின் வாசிம் அக்ரம் ஆகியோருடன் பகிர்ந்து கொண்டார். முதலிரண்டு இடங்களில் ஆஸ்திரேலியாவின் குரங்கு பாண்டிங் (41 போட்டி), மெக்ராத் (39 போட்டி) ஆகியோர் உள்ளனர்.

உலக கோப்பை அரங்கில், 2000 ரன்கள் என்ற புதிய மைல்கல்லை எட்ட, சச்சினுக்கு இன்னும் 56 ரன்கள் தேவைப்படுகிறது. இதுவரை இவர் 38 போட்டியில் பங்கேற்று 1944 ரன்கள் எடுத்துள்ளார்.

சர்வதேச கிரிக்கெட் அரங்கில், ஒருநாள் (47) மற்றும் டெஸ்ட் (51) போட்டியில் சேர்த்து மொத்தம் 98 சதம் அடித்துள்ள சச்சின், இன்னும் இரண்டு சதம் அடிக்கும் பட்சத்தில், சதத்தில் சதம் கடந்து மேலும் ஒரு புதிய சாதனை படைக்கலாம்.

இந்தப் போட்டியில் மொத்தம் 10 பவுண்டரி அடித்த சச்சின், தனது 7வது பவுண்டரியை கடந்த போது, உலக கோப்பை அரங்கில் 200 அல்லது அதற்கு மேற்பட்ட பவுண்டரி அடித்த முதல் வீரர் என்ற பெருமை பெற்றார். இதுவரை இவர் 38 போட்டியில் 203 பவுண்டரி அடித்துள்ளார்.

இந்தப் போட்டியில் 5 சிக்சர் விளாசிய சச்சின், அதிக சிக்சர் அடித்த வீரர்கள் வரிசையில் 2வது இடம் பிடித்தார். இவர் இதுவரை 24 சிக்சர் விளாசியுள்ளார். முதலிடத்தில் மற்றொரு இந்திய வீரர் கங்குலி (25 சிக்சர்) உள்ளார்.

இந்தப் போட்டியில் 35 ரன்கள் எடுத்த இந்திய துவக்க வீரர் சேவக், ஒருநாள் கிரிக்கெட் அரங்கில் இங்கிலாந்துக்கு எதிராக ஆயிரம் ரன்களை கடந்த மூன்றாவது இந்திய வீரர் என்ற பெருமை பெற்றார். முன்னதாக சச்சின் (1455 ரன்கள்), யுவராஜ் சிங் (1187 ரன்கள்) உள்ளிட்டோர், இப்பெருமை பெற்றனர்.

சரி, நம் அணி எங்கே, எதில் சொதப்பியது என்பதையும் பார்ப்போம்:

305 / 4 என்றிருந்த ஸ்கோர் சட்டென 338 ஆல் அவுட் என்று ஆனது பெரிய கொடுமை.
யூசுப் பதானை முதலில் விளையாட விடாமல் தோனி வந்தது ஏன்?
தோனி 25 பந்துகளில் 31 ரன்கள் எடுத்தாலும், அந்த இடத்தில் பதான் வந்திருந்தால் இன்னும் சிறப்பாக விளையாடியிருக்க முடியும்.
விராட் கோலி, பதான் இருவருமே கொஞ்சம் பொறுமையாக விளையாடி இன்னும் ஒரு 15 - 20 ரன்களை சேர்த்திருக்கலாம்.
ஜாகிர் ஓவர்களை முதலிலேயே காலி செய்துவிட்டு கடைசியில் சாவ்லாவின் ஸ்பின் பௌலிங்கில் இங்கிலாந்து ரன்களை குவிக்க நாமே வழி செய்தது இன்னும் கொடுமை.
இதைவிட சொதப்பலாக பீல்டிங் செய்ய முடியாது.

ம்ம்ம்ம்...இன்னும் நிறைய போட்டிகள் இருக்கின்றன. இந்திய அணி வெற்றி மேல் வெற்றி பெறட்டும்.

உலகக் கோப்பை முதல் போட்டி-இந்திய அணியின் வெற்றி-ஒரு அலசல்

2011-02-20T12:25:00.003+05:30

உலக கோப்பை தொடரை இந்திய அணி வெற்றிகரமாக துவக்கியது. நேற்றைய லீக் போட்டியில் வங்கதேச பந்துவீச்சை அடித்து நொறுக்கிய சேவக் அதிரடியாக சதம்(175 ரன்) கடந்தார். இவருக்கு பக்கபலமாக ஆடிய விராத் கோலியும் சதம் (100) விளாச, இந்திய அணி, வங்கதேசத்தை 87 ரன்கள் வித்தியாசத்தில் "சூப்பராக' வீழ்த்தியது.

மிகவும் நன்றாக விளையாடி நம் அணி வெற்றி பெற்றபோதும் எனக்கு சில விஷயங்கள் உறுத்தலாக இருந்தன. அவற்றை உங்களோடு பகிர்ந்து கொள்ள விளைகிறேன்.

சச்சினின் பரிதாப அவுட்: சச்சினைப் பற்றி புதிதாக புகழ எதுவும் தேவையில்லை என்றாலும் அவர் அவுட்டான விதம் மிகவும் அமெச்சூர்த்தனமாக இருந்தது. இத்தனைக்கும் அவரும் சேவாக்கும் நிறைய போட்டிகளில் சேர்ந்து விளையாடி ரன்களை குவித்து சாதனை புரிந்திருக்கிறார்கள், அப்படி இருக்கும் போது, சச்சின் ஏன் அந்த ஒற்றை ரன்னை எடுக்க அவ்வளவு அவசரப்பட வேண்டும்? ஏன் அப்படி பரிதாபமாக அவுட் ஆக வேண்டும்? சத்தியமாக எனக்கு புரியவில்லை.
ஸ்ரீசாந்தின் கேவலமான பௌலிங்: ஸ்ரீசாந்தை முதலில் உலகக் கோப்பை அணியில் சேர்க்காத போது கங்கூலி முதல் எல்லோரும் ஸ்ரீசாந்தை ஏன் சேர்க்கவில்லை என பெரிய குரலில் கூப்பாடு போட்டார்கள். நேற்றைய போட்டியில் அவருடைய பௌலிங் எவ்வளவு மட்டமாக இருந்தது என்பது அந்த மேட்சைப் பார்த்த எல்லோருக்கும் தெரியும். ஒரே ஓவரில் 24 ரன்கள் கொடுத்து எல்லோரையும் கதிகலங்க வைத்தார். இவருக்கு பதிலாக பியுஷ் சாவ்லா எவ்வளவோ பரவாயில்லை.
சகிர் கான் பௌலிங்: சகிர் கான் இன்னும் பழைய form க்கு வரவில்லை எனும் போது அவரை ஏன் வலுக்கட்டாயமாக பௌலிங் செய்ய சொல்ல வேண்டும்? அஷ்வின் என்ன ஆனார்?
சொதப்பிய பீல்டிங்: இந்திய அணியின் பீல்டிங்கும் மிக, மிக சராசரியாக இருந்தது என்பதை ஒப்புக்கொள்ள வேண்டும்.

நல்ல வேளையாக சேவாக்கும், விராத் கோலியும் விறுவிறுவென்று ரன்களைக் குவித்ததால் நாம் தப்பித்தோம், இல்லாவிட்டால் 2007 ம் ஆண்டு வங்கதேசத்திடம் உதை வாங்கியதுபோல திரும்பவும் சொதப்பி இருப்போம். வங்கதேச அணி உண்மையிலேயே மிகச் சிறப்பாக ஆடியது என்பதையும் ஒப்புக்கொள்ளத்தான் வேண்டும்.

வரும் போட்டிகளில், வந்கதேசத்தைவிட வலுவான அணிகளுடன் மோத வேண்டியிருப்பதால் "கேப்டன் கூல்" தோனி மேற்கூறிய குறைகளை நிவர்த்தி செய்தால் நல்லது.

சச்சின், உங்களிடமிருந்து நாங்கள் நிறைய எதிர்பார்க்கிறோம், தயவுசெய்து பார்த்து கவனமாக விளையாடுங்கள். ஆல் தி பெஸ்ட்!

சேவாக், கோலி - தொடரட்டும் உங்கள் அதிரடி ஆட்டம்.

பெட்ரோல் விலையும் பாவப்பட்ட பொது மக்களும்!

2011-01-18T08:21:00.000+05:30

பிப்ரவரி 2008 ம் ஆண்டில் சென்னையில் ஒரு லிட்டர் பெட்ரோல் விலை ரூ.49.61 அப்போதைய கச்சா (crude) விலை ஒரு பேரலுக்கு $92 (அமெரிக்க டாலர்கள்). உலகச் சந்தையில் நேற்றைய கச்சா ஒரு பேரலுக்கு $93. ஆனால் நேற்றைய பெட்ரோல் விலை சென்னையில் ரூ.63.36!!!

ஏன் இப்படி என்றால், 2008 ம் ஆண்டில் பெட்ரோல் விலை நம் மத்திய அரசின் கட்டுப்பாட்டில் இருந்தது. இப்போது அது பெட்ரோலிய நிறுவனங்கள் வசம் உள்ளது. கடந்த வருடம் ஜூன் மாதம் மத்திய அரசு பெட்ரோல் விலைகளை ஏற்றவும், இறக்கவும் (?) முழு அனுமதியை பெட்ரோலிய நிறுவனங்களிடம் தாரை வார்த்துவிட்டது. எப்போதெல்லாம் கச்சா எண்ணெய் சர்வதேச சந்தையில் விலை ஏறுகிறதோ, அப்போதெல்லாம் இங்கே பெட்ரோலின் விலையை ஏற்ற அந்த நிறுவனங்களுக்கு முழு அதிகாரமும் தந்தது.

கடந்த ஆறு மாதங்களில் ஆறு முறை பெட்ரோல் விலை உயர்ந்துவிட்டது என்பது என் வீட்டு நாய்க்குக்கூட தெரியும். முன்பு பெட்ரோல் விலை மத்திய அரசின் கட்டுப்பாட்டுக்குள் இருந்தபோது APM (Administered Pricing Mechanism) என்று ஒரு வரைமுறை இருந்தது. இதன்படி பெட்ரோல் விலையை ஏற்றியும் (பெரும்பாலான சமயம்), இறக்கியும் (ஒரு சில சமயம்) வந்தது.

பெட்ரோலிய நிறுவனங்கள் இந்த நடைமுறையை எதிர்த்ததால், மத்திய அரசு, உலக சந்தையில் கச்சா எண்ணெய்யின் விலையை ஒட்டி, பெட்ரோல் விலையை நிர்ணயிக்கலாம் என்று அறிவித்துவிட்டது. இதில் பலியானோர் நம்மைப் போன்ற கோடிக்கணக்கான பொதுமக்கள்தான்.

சர்வதேச சந்தையில் கச்சா எண்ணெய்யின் ஒரு பேரல் விலை $75 க்கு மேலே சென்றால் மத்திய அரசு தலையிட்டு பெட்ரோலிய விலையை சமன் செய்யும் என்று முன்பு கூறி வந்தது. இப்போது அதன் விலை $100 ஐத் தொடப் போகிறது என்று உலகமெங்கும் எதிர்பார்ப்பு இருக்கிறது. நம் அரசு ஊழல் செய்வதைத் தவிர வேறு எதுவும் செய்யாமல் இருக்கிற பட்சத்தில் நாமெல்லாம் பெருத்த அவதிக்குள்ளாகப் போகிறோம். இதைவிடவா என்று கேட்டால், ஆமாம் இதை விட இன்னும் மோசமாகத்தான் போகிறது நிலைமை.

பொங்கல் நல்வாழ்த்துக்கள் !

2011-01-15T07:51:00.000+05:30

அனைவருக்கும் மனம் கனிந்த இனிய பொங்கல் வாழ்த்துக்கள்.